سعود الشمري
03-06-2007, 01:03 AM
حبيت اشارككم بهالسالفة اللي صارت معي
هذا دكتور عندنا بالجامعة اسمه سيد (مصري) من اشد الدكاترة بمعاملته
حصل اني حضرت عنده المحاضرة
وماكنت لابس بدلة الرياضة(وهذا شرط من شروط الحضور عند الدكتور سيد)
ماكان منه الا انه طردني بعد ماحاولت بكل الطرق اني احظر محاضرته
رجعت الغرفة وكنت متضايق لاسباب فوق سالفة سيد
وكتبت هالابيات اتمنى تدخل عليكم البسمة:
سيد تسيد وانته الكل بالكل=مقام عالي آمرن فاتلن فال
فتل شنباتك تراهي على الطل=لاصار ماتدهن بها دسم الافعال
اليوم يزهى قعدتك فاخر الزل=واول تعاعي من ورى كشك فوال
ديارنا ياشين من قبل تنحل=قهارتن للضد للضيف مدهال
انغث انا ياسيد الكل وانعل=لا جا مثيلك من محاقير وانذال
يامر على مثلي وكبدي تفلفل=كني على جمر الغضا فايح دلال
اشرح لك الاوضاع ثم اتمهل=واضربلك من الطيب في سبعة امثال
والقاك من دون المراجل تمرجل=قاصر عن الطولات ياخايب الفال
اقفيت من عندك على حامي المل=امشي واوقف والنوايا لها احوال
اطياف وسط العين تقفي وتقبل=شيخن وسيف ودرع من فوق صهال
واهز راسي وانقض الفكر واغزل=واعيد في وقتي نظر وافهم الحال
هذا زمانك ياعشيري تبهلل=ولكل وقتن دولة وحكم ورجال
سيد على روحك وانا زاهي الدل=هو سيدي لامن لفى بين الازوال
لك مني الحقران له مني الذل=اخفض له الجنحان مع كل الاوصال
سلام يالقلب المنقى من الغل=ياحمية العمان يا رقة الخال
قدرك عزيز وعالي ن ماينزّل=سيد على السادات ياغاية البال
المل: الجمر
وسلامتكم
هذا دكتور عندنا بالجامعة اسمه سيد (مصري) من اشد الدكاترة بمعاملته
حصل اني حضرت عنده المحاضرة
وماكنت لابس بدلة الرياضة(وهذا شرط من شروط الحضور عند الدكتور سيد)
ماكان منه الا انه طردني بعد ماحاولت بكل الطرق اني احظر محاضرته
رجعت الغرفة وكنت متضايق لاسباب فوق سالفة سيد
وكتبت هالابيات اتمنى تدخل عليكم البسمة:
سيد تسيد وانته الكل بالكل=مقام عالي آمرن فاتلن فال
فتل شنباتك تراهي على الطل=لاصار ماتدهن بها دسم الافعال
اليوم يزهى قعدتك فاخر الزل=واول تعاعي من ورى كشك فوال
ديارنا ياشين من قبل تنحل=قهارتن للضد للضيف مدهال
انغث انا ياسيد الكل وانعل=لا جا مثيلك من محاقير وانذال
يامر على مثلي وكبدي تفلفل=كني على جمر الغضا فايح دلال
اشرح لك الاوضاع ثم اتمهل=واضربلك من الطيب في سبعة امثال
والقاك من دون المراجل تمرجل=قاصر عن الطولات ياخايب الفال
اقفيت من عندك على حامي المل=امشي واوقف والنوايا لها احوال
اطياف وسط العين تقفي وتقبل=شيخن وسيف ودرع من فوق صهال
واهز راسي وانقض الفكر واغزل=واعيد في وقتي نظر وافهم الحال
هذا زمانك ياعشيري تبهلل=ولكل وقتن دولة وحكم ورجال
سيد على روحك وانا زاهي الدل=هو سيدي لامن لفى بين الازوال
لك مني الحقران له مني الذل=اخفض له الجنحان مع كل الاوصال
سلام يالقلب المنقى من الغل=ياحمية العمان يا رقة الخال
قدرك عزيز وعالي ن ماينزّل=سيد على السادات ياغاية البال
المل: الجمر
وسلامتكم