ياما وطت بقدامها من رجاجيل؟؟؟؟

[جود المطيري]

هذه قصيدة الشاعر الراحل ""فهد بن هادي العدواني""
والد الشاعر الفذ صاحب الكلمات الجزلة المبدع فيصل العدواني..
.............وأتمنى تنال رضاكم.................

بديت بسم اللي عليه التواكيل...
الواحد المعبود قايد رجاها...
واعبت بالطاروق وعجبني القيل...
أبيات شعر تعجب اللي قراها...
يابوهلاشوفي تردى مع الحيل...
وزريت أميز أرضها من سماها...
دنيا كفا الله شرها والغرابيل...
لاما ربح منهو تعنى وشراها...
ياما وطت بقدامها من رجاجيل...
داستهم الدنيا وقفت وراها...
وياما خذت بشنابها من مشاكيل...
خذتهم الدنيا وتنهض عصاها...
متحيزمه للناس جيل بعد جيل...
متحيزمه للخلق تطحن رحاها...
وين النشاما وين دقاقت الهيل...
ريف الركاب اللي يتواكف حفاها...
لامن طرالي ذكرهم والتعاليل...
تزايدت عبرات عيني و ماها...
وصلاة ربي عد وبل الهماليل...
على نبي بالهداية جداها...

[بنت القصيد]

الله عليه الله الله
بيض الله وجهك على النقل الطيب
وصح الله لسان الشاعر
وللامانه شاااعر ظلم اعلامي لكن الجزل يوصل مهما كان
قريت له واجد مبدع الشاعر فهد العدواني
وماهي غريبه جزالة فيصل دام هذا ابوه

تسلم يمناك على النقل
واسمحيلي انقله لقسمه
تحياتي
اختك بنت القصيد......

[مشعل القبلان]

ياهلا وغلا ياجود

صح لسانك ولسان شاعرها
أختيارك رائع وأنت رائع بعد
تسلم يمناك يالغلا
بإنتظار المزيد من المشاركات
أغلا التحايا أخوك سلطان الحرف

[محمد الناصر الشهري]

الأخت العزيزة / (جود المطيري)..

صح لسانك ولسان الشاعر ...

ولك تحية وشكر خاص

وإعجابك محل فخري وأعتزازي ...

لك أرق تحية.

أخوك/ (مــحـــمــــد الـشـــهــــري)...
(الـســــــــــاهــــد)...

[كنزان]

صح السانك والسان شاعرها

العدواني مايحتاج تعريف

بيض الله وجهك على هالذوق الروعه


تقبل تحيتي


كــنــــــزان