الشاعر فهد العنزي

[محمد العنزي]

يابو فهـد ليـه العـرب راحـت اقســــــــــام **** ليــه اليهــودي شــن حربـــه علينـــــا
ليـه الـمـذلـه خـدرت جيـش الاســـــــــلام **** من عقب ماكــان السعـد في يدينــــــــا
ومن عـقب مـاكنـا بـها ارجـال اكـــــــرام **** اليــــوم صـــرنـا بالمكـان المهـيــنـــــا
ومـن عـقـب ماكـناعـلـى الخلـق حكـــــام **** اليــوم بلبـاس الهـــوان اكتـسـيـنـــــــا
ومن عقب مانامر على املوك اعظــــام **** اليــوم مانامـر على اللـي بيـديـنـــــــــا
سجـل لنـا الـتـاريـخ مـواقـف اجـســــــام **** واليــــوم بـدروب المـذلـه رضيـنـــــــا
فـتحـت لنـــا بلـدان فـــارس والاروا م **** والـيــــوم رحـنـا يــمهـم زابنـيـنـــــــــا
وين الرجال اللي لبـعض ستر وحـــــزام **** ماهـــم مثل هـاللون غــدروكمينــــــــا
وين الرجال اللي حكمت مصـر والـشام **** وشبــه الجزيـره لصـحـابه عريـنـــــــا
وين الرجال اللي هزمت جيش الاصنــام **** والـفرس والرومان جو صاغريـنــــــا
قـمنـا نـقــص افـعـالـهـم مثــل الاحــــلام **** مــن عـقـب ماهــم للملا حـاكميـنـــــــا
يابــو فهـد مــانمـت والعالم نـيــــــــام **** وشلــون انـام واخـوتـي مبـتـلـيـنــــــــا
ان جـيت يــم اطفـالنـا نـصهــا أيـتــــام **** والنـص الاخــــر للـعــدو مـرتمـيـنـــــا
وابنـيـنـا راحـــن سـبـايـا وخـــــــدام **** وحـنـــا لك الله بالـتــــرف ملتهيـنــــــا
والروس بالـشـيـشـان خلـتـهـم احــطــام **** وحـنــــا تقـــول بقــتلهــم مـادريـنــــا
(وبقندهـــار) (أمريكـــا) تــزع الغــــــام **** تقصــف وتنسف والعرب مرتضينـــــا
( وبغداد) سلبت والسبب حكم ( صدام ) **** ولحقت بها (الجولان )( وحدود سينا)
شنوّ علينـــا حــرب ماهــو بالأوهــــــام **** وحنـــا نبــــّرّرها تقـــل منعمينـــــــــــا
نشــجب ونستنــكر ونزعــل بالأقــــــلام **** ونشكـي لهـــم أفعالهــم من سنينـــــــا
كثــر الحكي ما فادنـــا ماضي الأيــــــام **** ومع كـــل هــذا للأسـف ما اهتدينــــــا
نمشي ورى والغــــرب يمشي لقــــــدام **** خـــذو حضـــارتنا وحّنـــا رضينــــــــــا
نمشى تحت والغرب من قوق الاعـــلام **** ضحكـــه لهـــم بالعلــم حنــا غدينــــــا
إلـــى متـى وحنــا عن العـــز صيـــــــام **** إلــى متــى والــذّل معنــــا قرينـــــــــــا
إلـــى متـى والغــرب سـاده وحكــــــــام **** إلـــى متـــى وحنـــا لهــم خاضعينــــــا
متــــى يجي يــوم عزيــز من الايــــــام **** يكــتب بــــه التاريـــخ نصــر مبينــــــا
نرفـع علم للحــرب ونكّس اعــــــــــلام **** ونمشي على الموت الحمر مشفقينــا
يوم يحــــررنا به المـــوت ميــــــــــلام **** ناتيـــه شفقـــى مــن قبــل لايجينــــــا
(( وإن مالبسنا فيه من ابيض الخـــام **** بكره على فراش القهر ميتينـــــــا ))

[خالد السهو]

حياك الله اخوي .... محمد العنزي

وصح لسانك ولسان شاعرها ولاهنت

ابيات رائعه

تحياتي وتقديري

اخـوك ...

رحــل

[خالد]

قصيدة رائعة تجبرك على قراءتها أكثر من مره

أخي محمد العنزي

صح لسانك ولاعدمناك

[نايف الشوق]

صح لسانك اخوي محمد
نحن نقتسم هذا الهم معك ويعجبني الشاعر الذي يطرح قضايا امته
لك تقديري واحترامي

[قوت القلوب]

صح لسانك يا أخوي ولاهنت ..




مهما حصل يا خوي الدرب قدام **** وترى الأمل موجود مهما رأينا






والخير فيك وباللي مثلك وشرواك ..







وتقبل فائق إحترامي ..



إختك قوت القلوب