الصبايا يكذبون

[سندباد الشوق]

جاهله بالحب تو انك عرفتي
المحبه كيف ياعمري تكون
لا تقولي انك بحقي ما غلطتي
ولا تجيبي طاري القلب الحنون
انتي اللي في هوانا مارحمتي
عاقلن حبك وصل حد الجنون
وانتي اللي كل ما قالو لي قلتي
ابلع لساني واقول انها تمون
يعني باقي يابنيه ما عقلتي
مستخفه كنك اللي به جنون
ان بغيتي شي جيتي واقتربتي
وان خذيتو اللي بغيتو تبعدون
احمدي ربك حياتي يومك انتي
عاشقه مثلي حبيبن مايخون
لا تقولي انك تحبيني كذبتي
الصبايا كل ابوهم يكذبون

[وضــــاح]

السلام عليكم

صح لسانك أخوي سندباد الشوق

وانتي اللي كل ما قالو لي قلتي
................... ابلع لساني واقول انها تمون


مفردة سهلة وجميلة

لا تقولي انك تحبيني كذبتي
................ الصبايا كل ابوهم يكذبون

وقوية إلى حد الصدمة


تحياتي

[الرفيق]

صح لسانك اخوي سندباد الشوق

قصيده رائعه بمعاني جميله ولو ان فيها بعض الكلمات التي تكسر الوزن

ولكن غلب عليها طابع الجمال من خلال تصوريك لأطباع الصبايا .

تحياتي لك الرفيق