تذبحنا وتعزينا

[سندباد الشوق]

تمنيتك معي الليله ونقضيها انا وياك
على شط البحرنسهر نعيش احلى ليالينا
تمنيتك معي بجنبي وبسمه ترتسم بشفاك
تغنيلي وانا اسمعلك بصوت الحان ماضينا
ونضحك ما يضايقنا سوى كلمة انا بنساك
مدام الشوق ياعمري يبحر في شواطينا
تشرقني وتغربني توديني معك لاقصاك
وانا تا يه معك ضايع بلا مرسى ولا مينا
حياتي يا بعد كلي وكل ما فيني يتمناك
حبيبي والعيون اللي تبي ساعة تلاقينا
حبيبي والقلوب اللي تبيك وما تبي الا رضاك
تعال ونهجر العالم نحقق كل امانينا
وقلبي يابعد قلبي ترك صدري هجرني وجاك
رمانا حظنا باليم وخلا الموج يرمينا
بعاند وقتنا والحظ بجيلك من هنا وهناك
بحاول قد ما اقدر اخلي الحب بيدينا
حبيبي مستحيل اني اشوفك واحضنك والقاك
مدام ان الليالي السود تذبحنا وتعزينا

[الرفيق]

الله الله اخوي سندباد الشوق

اثاريك منت بسهل والله روعه ابياتك التي ابحرت بنا على شواطئ الحب الصادق ولكن اتمنى انها لا تذبحنا ولاتعزينا

أجمل شي اخوي ان الانسان يكتب بصدق ويعبر عما بداخله سوء بكلام نثر او نظم لان الأحساس دائما لايعيبه شي .

اسف على الاطاله اخوي لكن هذا كل مافي خاطري .

تحياتي المعطره لك