معاناة طالب جامعه

[سندباد الشوق]

هذه القصيده اهداء الى الدكتور شودري الذي كان السبب في حملي للمادتين التي كانت السبب في تأخري عن التخرج:

ياونتي ونت اللي حمله مادتين
كلن تعدى وهو باقي في مستواه
مسكين مهموم متضايق ومسكين
حسبي على شودري هوا سبب كل بلواه
لاهو اللي نجحه ولادفه بدرجتين
ولا هو اللي ساعده في مواده وعداه
مدري لعانه والا انا حظي الشين
والا يبيني اروح يمه واترجاه
والله ان يبطي ويبطي مادامني(.......)
والله ان يبطي اهين نفسي لمثله وشرواه
ما غير هالعنصروشهي وظائفه والبروتين
وفيتامينbوينهو ووين نلقاه
يرطن علينا ولا انتهى قال فاهمين
ياجعل الجراثيم اللي ندرسها تسكن احشاه
ولا جا آخر الترم كل ابونا حاملين
الناس تنجح ونرجع نطرد وراه

[نايف الشوق]

مرحبا ياسندباد
الله يعينك على الدكتور شودري
صح لسانك وحاول تعتني بالوزن اكثر
تحياتي لك

[الرفيق]

سندباد الشوق

اولاً الله يوفقك في دراستك وتنجح بدرجة الأمتياز ( والله ماظنيت انك تنجح مدام انك حامل مادتين على الأقل أحمل مادة وتفتك بعدين من الهموم اللي وراك ) <<<<< مجرد مداعبه لا اكثر .

بالنسبه للقصيده ينقصها الوزن كما قال اخوي نايف .
ولكن بالنسبه لشودري تبي نصيحتي اكتب فيه قصيدة مدح وكثر من المدح اللي على خبرك وعقبها لا تشيل هم اعتبر نفسك ناجح وانا اضمن لك بس اخذ بنصيحتي .

تحياتي لك