همسات
03-06-2005, 08:03 PM
هذي قصيدة لـ شخص هوايته سرقة الشعر
ماني أول مذنـب الدنيـا تغطيهـا الذنـوب
ولاني آخر سارق بدنيـا الظمـا والمسغبـة
ايه انا سارق شعر ولا نويـت إنـي أتـوب
ودي أروى دامني ظامي من الشعـر أعذبـه
ودي اشري من فقيرٍ فرّ من نفسـه هـروب
شاعر حظـه ردي ما يوم حصـل مطلبـه
ما قدرت اشريه مثل الناس لجل اني مغلـوب
حالي افقر من فقير ولا معـي مـا أكسبـه
حيلـة المضطـر لامنـه تحدتـه الكـروب
ولا وجد غير ارتكاب الصعـب لازم يركبـه
من يقول انه ورث شعره من اسلافه كـذوب
الشعـر ساعـة تجلـي والمواجـع تكتبـه
وادري ان البعض ضاقت به فسيحات الدروب
مايبي قـول الصراحة والصراحة تتعبـه
إيه اقر واعترف من يقترف ذنـب وعيـوب
يكتبه ذنبـه ويظهـر لـو يحـاول يشطبـه
استرقته من عيون الغيـد والنظـرة تنـوب
عن تفاصيـل المشاعـر سرهـا ماتحجبـه
من صهيل الخيل والتاريخ يوصف لي الحروب
والبطـل ما غادر البتـار صهـوة منكبـه
من تعابير الوجيه اللـي يلونهـا الشحـوب
واجمه من خوف يتـم وجـوع ذل ومتربـة
من شعور الحزن يوم الشمس مالت للغروب
يوم ودعت بغياب الشمس يومٍ مـا ا صعبـه
من خضار التين والزيتون في أرض الجنوب
من عبير الورد والريحـان والزهـر أكتبـه
لاسجع طيرٌ وغنى وانتشى الـدوح الطـروب
وقامت غصونه تمايل شـوق ممـا يطربـه
ماتلاقينـي هنـاك ولا هنـا قلبـي يـذوب
يغرق بدنيا الهوى واسقيه عشقـي واشربـه
خل هالعالم يقولوا عنـي اسـرف بالذنـوب
دامني شاعر وقلبـي يحكمـه مـن يسلبـه
ماني أول مذنـب الدنيـا تغطيهـا الذنـوب
ولاني آخر سارق بدنيـا الظمـا والمسغبـة
ايه انا سارق شعر ولا نويـت إنـي أتـوب
ودي أروى دامني ظامي من الشعـر أعذبـه
ودي اشري من فقيرٍ فرّ من نفسـه هـروب
شاعر حظـه ردي ما يوم حصـل مطلبـه
ما قدرت اشريه مثل الناس لجل اني مغلـوب
حالي افقر من فقير ولا معـي مـا أكسبـه
حيلـة المضطـر لامنـه تحدتـه الكـروب
ولا وجد غير ارتكاب الصعـب لازم يركبـه
من يقول انه ورث شعره من اسلافه كـذوب
الشعـر ساعـة تجلـي والمواجـع تكتبـه
وادري ان البعض ضاقت به فسيحات الدروب
مايبي قـول الصراحة والصراحة تتعبـه
إيه اقر واعترف من يقترف ذنـب وعيـوب
يكتبه ذنبـه ويظهـر لـو يحـاول يشطبـه
استرقته من عيون الغيـد والنظـرة تنـوب
عن تفاصيـل المشاعـر سرهـا ماتحجبـه
من صهيل الخيل والتاريخ يوصف لي الحروب
والبطـل ما غادر البتـار صهـوة منكبـه
من تعابير الوجيه اللـي يلونهـا الشحـوب
واجمه من خوف يتـم وجـوع ذل ومتربـة
من شعور الحزن يوم الشمس مالت للغروب
يوم ودعت بغياب الشمس يومٍ مـا ا صعبـه
من خضار التين والزيتون في أرض الجنوب
من عبير الورد والريحـان والزهـر أكتبـه
لاسجع طيرٌ وغنى وانتشى الـدوح الطـروب
وقامت غصونه تمايل شـوق ممـا يطربـه
ماتلاقينـي هنـاك ولا هنـا قلبـي يـذوب
يغرق بدنيا الهوى واسقيه عشقـي واشربـه
خل هالعالم يقولوا عنـي اسـرف بالذنـوب
دامني شاعر وقلبـي يحكمـه مـن يسلبـه