لطيفه الشمري
07-02-2009, 07:34 PM
بسم الله الرحمن الرحيم
كانت فيه بنت وغصبها ابوها على الزواج من رجل ماتبيه
المهم تزوجت البنت وراحت مع زوجه وكان ماهو من عربهم
وفي ليله من الليالي جا اخو البنت غزاي على اهل زوجها
وقرب عند البيت وكان مافيه الا البنت وام زوجها وعوى اخوها كانه ذيب
والبنت عرفت صوت اخوها
وقالت هالابيات
ياذيب لاتطردك عنا المهابه _ _ يامطرح الغزلان بالقفر ياذيب
كان انت جيعانً بقفري طيابه _ _ وان كان تبي البل بروس المعازيب
العجوز كانت عند البنت وضنت ان البنت تقصد عشقه او حبيب له فردت على البنت وقالت
الذيب حذرا لايعضك بنابه _ _ ويخربك جوف البنات الرعابيب
تمسين مثل بكرةً في جلابه _ _ ياسامها السوام يلقى عذاريب
البنت ردت على العجوز وقالت
وحياة جياب المطر من سحابه _ _ اني عفيفه مابعد عضني ذيب
انا كما عدً قليلً شرابه _ _ ماتدهله بالقيض حرش العراقيب
اخوي جياب المثاني نهابه _ _ لاجت نجوم الليل مثل المشاهيب
العجوز فهمت وقامت تصيح البل وخذت
قالو لها الرجال منين لك العلم
قالت جاني العلم وعلمتكم
قالت البنت عجوز ماعنده سالفه لاتطيعونها
المهم مااحد طاع العجوز
ويوم جا الصبح جا الراعي يصيح ويقول
البل وخذت يالربع
الشاهد بالقصه فطنة البدو ومعرفتهم بالقصيد ومايرمز له
ودمتم بخير
كانت فيه بنت وغصبها ابوها على الزواج من رجل ماتبيه
المهم تزوجت البنت وراحت مع زوجه وكان ماهو من عربهم
وفي ليله من الليالي جا اخو البنت غزاي على اهل زوجها
وقرب عند البيت وكان مافيه الا البنت وام زوجها وعوى اخوها كانه ذيب
والبنت عرفت صوت اخوها
وقالت هالابيات
ياذيب لاتطردك عنا المهابه _ _ يامطرح الغزلان بالقفر ياذيب
كان انت جيعانً بقفري طيابه _ _ وان كان تبي البل بروس المعازيب
العجوز كانت عند البنت وضنت ان البنت تقصد عشقه او حبيب له فردت على البنت وقالت
الذيب حذرا لايعضك بنابه _ _ ويخربك جوف البنات الرعابيب
تمسين مثل بكرةً في جلابه _ _ ياسامها السوام يلقى عذاريب
البنت ردت على العجوز وقالت
وحياة جياب المطر من سحابه _ _ اني عفيفه مابعد عضني ذيب
انا كما عدً قليلً شرابه _ _ ماتدهله بالقيض حرش العراقيب
اخوي جياب المثاني نهابه _ _ لاجت نجوم الليل مثل المشاهيب
العجوز فهمت وقامت تصيح البل وخذت
قالو لها الرجال منين لك العلم
قالت جاني العلم وعلمتكم
قالت البنت عجوز ماعنده سالفه لاتطيعونها
المهم مااحد طاع العجوز
ويوم جا الصبح جا الراعي يصيح ويقول
البل وخذت يالربع
الشاهد بالقصه فطنة البدو ومعرفتهم بالقصيد ومايرمز له
ودمتم بخير