,., مد اليمين ,.,

[مرزوق الرمالي]

مع التحيه والتقدير



مد اليمين لكل يمنى سليمه=ويمناك لصحاب الردى لا تمدّه
رد بقدر لاهل الوجيه الحشيمه=ورد(ن) يقدر غيرهم لا تردّه
عد الكلام اللي ينومس كليمه=وهرج(ن) ينزل قيمتك لا تعدّه
هد المباني والظنون العقيمه=واترك بنايات الوفا لا تهدّه
شد الحبال اللي تشد العزيمه=واللي تهبط خلها لا تشدّه
لد النظر فوق الفجوج العتيمه=وعلى دهاليز الخطاء لا تلدّه
حد العدو حتى حدود الهزيمه=وصاحبك لحدود الخطاء لا تحدّه
سد الطريق المنتهي با الوخيمه=ودرب(ن) يوصلك الرضا لا تسدّه
ود الودود المندفع من صميمه=ومن لا يود وممتنع لا تودّه
رد اللئيم وخل عندك شكيمه=واعط الكريم ليا طلب لا ترده

[محمد عبدالله الشمراني]

الله الله الله ياااا مرزوق



حكم وأبيات لا تشبه غيرك



صح الله لساااااانك ملايين يا غاالي



وتقبل مروري وأعجابي بما كتبت



دمت بـ خير

.

[همس الوفا]

ود الودود المندفع مـن صميمـه
ومن لا يـود وممتنـع لا تـودّه
رد اللئيم وخـل عنـدك شكيمـه
واعط الكريم ليا طلـب لا تـرده



صح لسانك الشاعر [ مرزوق الرمالي ..
أبيات فاخرة ماشاء الله ..
دمت مبدعا ومتألقا ..

[وصل الله حمود الوقداني]

سد الطريق المنتهي با الوخيمه
ودرب(ن) يوصلك الرضا لا تسدّه
ود الودود المندفع من صميمـه
ومن لا يود وممتنـع لا تـودّه
رد اللئيم وخل عنـدك شكيمـه
واعط الكريم ليا طلـب لا تـرده



مرزوق الرمالي

صح لسااانك مدد بلا عدد
جزل .. وهذا ماتعودناااه منك
لاهنت على هذا الحضور الطيب
اعذب التحااايا


وياهـــــــــــــــلا

[فهد خلف الشمري]

قصيده .. وإن دلت ..
تدل على خبرتك في وجيه البشر ..

الشاعر / مرزوق الرمالي ..

صح الله لسانك يامرزوق ، ونبض قلبك مليون ..
بيض الله وجهك ، ولاهنت ، ولاهان مرباك ..

دُمت

[مشاعر تائهة]

.
.
.


دره شعريه لا يعلى عليها
صح لسااانك

[عبدالله بن غيث]

مع التحيه والتقدير



مد اليمين لكل يمنى سليمه=ويمناك لصحاب الردى لا تمدّه
رد بقدر لاهل الوجيه الحشيمه=ورد(ن) يقدر غيرهم لا تردّه
عد الكلام اللي ينومس كليمه=وهرج(ن) ينزل قيمتك لا تعدّه
هد المباني والظنون العقيمه=واترك بنايات الوفا لا تهدّه
شد الحبال اللي تشد العزيمه=واللي تهبط خلها لا تشدّه
لد النظر فوق الفجوج العتيمه=وعلى دهاليز الخطاء لا تلدّه
حد العدو حتى حدود الهزيمه=وصاحبك لحدود الخطاء لا تحدّه
سد الطريق المنتهي با الوخيمه=ودرب(ن) يوصلك الرضا لا تسدّه
ود الودود المندفع من صميمه=ومن لا يود وممتنع لا تودّه
رد اللئيم وخل عندك شكيمه=واعط الكريم ليا طلب لا ترده

الله أكبر عليك ..: نص نصح في قمة الجمال ..!

مبدع بكل حالاتك يامرزوق لله درك كم أنت رائع ..!

صح لسانك يالغالي

تحياتي لك