المساعد الشخصي الرقمي

مشاهدة النسخة كاملة : " :: . خَفَايَا رُوْحْ تَعّبَانَهْ . :: "


الصفحات : [1] 2

جائز المليحان
08-08-2010, 03:49 AM
بسم الله الرحمن الرحيم

والصلاة والسلام على أشرف الانبياء والمرسلين

سيدنا محمد وعلى آله وصحبه أجمعين

أما بعد ..

فإنه سيكون في هذا الركن الهاديء و الخاص بي

بــعــ من بعضي ـــضٌ

من أفكارٍ متناثره ..أو ابياتٍ وليدةٍ لم تكتمل النمو ..

أو خواطر.. بسيطه .. أو تفعيلةٍ لم تظهر للجميع .. أوقصائد مكتمله وتعكسني

هنا

أجمع شتاتي وأنتثر

هنا

سيكون للبوحِ معنىً آخر ..

وهنا سأكون تحت المجهر وأمام الكل

واضح



هنا

سيكون لتمرد الذات


معنى



هنا

سيكون لجنون العقل


حكمه


وهنا

سأكون أنا .. وهو .. وهم ..
والمتحدث بلسانها هي وهنّ

هنا

مساحتي الحرّه في الركن الهاديء

.
.
.
ودي / تقديري

~إرتــوآء..!
08-08-2010, 02:36 PM
جميلة جداً هالفكرة ..

عذراً أخي سأكون هنا ...

ديمة
08-08-2010, 10:21 PM
جائز المليحان
سأكون ان شاء الله من المتابعين
ننتظر بعض من بعضك.

جائز المليحان
12-08-2010, 11:43 AM
أخّتي .. إرتواء وديمه

سعدت وتشرفت وسأبقى هكذا

في تواجدكن

أخوكم ابو احمد

جائز المليحان
12-08-2010, 11:46 AM
ما أجمل ان يبتديء الإنسان

بما يعتقد ويؤمن به



وما اجمل ان يكون البدء في بعض بعضي



من العقيدة والدين والوطن



فكما تعلمنا



الله



فالمليك



فالوطن



..........



وحينما يبتلى الوطن بوجود شرذمة ضاله تحاول المساس به



يجب ان نقف معه .. من باب الدين .. فالعرض لأن وطننا عرضنا

ولاننا عاهدنا على صون المليك والوطن



ومن هذا المنطق



وحينما بائت جهود الفئة الضاله بالفشل في تفجير سمو الامير

محمد بن نايف

كان لاخوكم هذه الوقفه والتي تشرفت بخروجها للنور في مجلة ساهر

الامنيه والتي لا تباع والصادرة من الامن العام بمنطقة حائل

فشكرا لهم على اختيار النص

http://www.alriyadh.com/2009/08/28/img/229797565423.jpg




من فضل ربي دابر الشر معثور=ان ماعثره الامن ربي عثر به
مقيولةٍ من قبل حكمه ودستور=الحق منصورٍ وربك جهر به
يمنى بيمنى الرب ما يلحقه جور=شلفا شطيره تقطع اللي بطر به
وآل سعود من اوله مهد وقصور=الدين خادم ارضها منتشر به
من ساس كونه بيرق الحق منصور=هو منطلق حكمه ونهجه ودربه
من اوله تاقف للإرهاب بالزور=تقطع لشوكه يوم ربي أمر به
تاريخها ابيض مع الناس مشهور=تختار من نسله عظيمٍ سطر به
وبمحمد النايف مواثيق وحضور=في حقبته هان الظلال وحدر به
نايب على الميلات ساطي وساطور=شيخٍ وداره تحتوي من حضر به
في قصته مع باهت الوجه والنور=أكبر دليل الحق دايم بقربه
أمّن عليه وتايه الفكر بالسور=وفي مجلسه أول كلام ابتدر به
أهلاً هلا بك والخطا كسر مجبور=والنفس لا تابت يزول الخطر به
والخاين اللي ناقض العهد مسحور=بيّت نوايا الشر وربك عثر به
ثارت قنابل بوقته بآخر الدور= وطارت من اسبابه شواهق حضر به
ثارت براسه دون ماغيره يثور=الله عثر به يوم محدن غدر به
وألفن سلامه يابو نايف ومشكور=في قصتك كيد الظلام اندحر به
نجمك علا ونجوم غيرك بلا نور=نورك سطع جنح الظلال انخفر به
والخاتمه دايم والارهاب معثور=إن ماعثره الامن ربي عثر به
مقيولةٍ من قبل حكمه ودستور=من ينصر المولى يشوف النصر به



http://www.google.com/hostednews/afp/media/ALeqM5irDt1sbWV2c9e3w1IPa3BaP7tCLA?size=l

جائز المليحان
12-08-2010, 11:54 AM
وفي عودة سلطان الخير


وأمير الانسانيه


صاحب السمو الملكي الامير / سلطان بن عبدالعزيز آل سعود


هاضت وجادت قرائح الشعراء وكان لي شرف الكتابة به

وبكذا نص


و هذا إحداها اتى حينما تزينت المملكه

من أجل استقبال أميرها المحبوب :

http://upload.alhilal.com/img/019/br%20(2).jpg


زانت .. ديار العز .. واستدنت الشال=واستقبلت .. غرب البحر .. والهوا الزين
من فرحته .. ترقص .. على .. ضفة الجال=ومن لهفته .. تفرك .. على الغام .. بيدين
تمايلت .. والعين .. من محجره سال=اصدق .. مشاعر .. ود .. في عصر .. الالفين
تبكي .. فرح .. في رجعته .. طيّب الفال=عقب .. البطا .. مثل الضيا .. نّور العين
عقيدها ..حامي حماها .. بالافعال=مرخص .. عظيم الشان .. عند اللقا .. الشين
باني لها .. بالمجد .. تاريخ .. وآمال=لايذ بها .. بالفكر .. عن .. حرة البين ..
شايل شموخه .. دوم .. ماضاق .. باحمال=مضرب مثل .. للبيض .. نجم الميادين
كاسي .. حياها .. عرف .. عن .. هرجة الضال=.. زارع .. ثراها .. جود .. مع .. نفحة الدين
كاوي .. قلوب الضد .. من وين .. مامال=رافع .. مقامه .. فوق .. بنت السلاطين
ماسح .. دموعه .. رفق .. تقدير .. وإجلال=مفني .. على شانه .. جموع .. المعادين
مغدق .. كثير المال .. لو شانت .. الحال=كافل .. طلايبها .. على .. العسر .. واللين
شيخن .. كريم .. معرّب .. الجد .. و الخال=ولي عهدن .. ألفوا به .. دواوين
مالومها .. ترجيه .. بقفاه .. وإقبال=مثله .. فلا تلقى .. بعدة .. ملايين
يادار .. عيشي الفرحِ .. مع راحة البال=في .. عودة السلطان .. راعي الميامين
نامي .. قريرة عين .. ضفيه .. بوصال=.. سكرة غلا .. تكفيه .. في .. ردة الدين

جائز المليحان
12-08-2010, 12:08 PM
http://up4.m5zn.com/9bjndthcm6y53q1w0kvpz47xgs82rf/2009/12/10/03/1whip0kdk.gif

عودة الامير كانت كالغيث على قلوب المتعطشين لعودته

ولهذا تجدهم مع كل إشراقة صباح أو حلول ليل

يناشدون الاله عودته .. وانظارهم تتجه صوب
السماء أملا في معانقة الامير قبل نزوله ارض الوطن

وهذه حال أخوكم مع انتظار عودة الامير
.
.
.

(( نشى السحاب ))



نشى السحاب.. وخاطبنه.. عيوني=ماشفت ..ياوجه السعد ..وجه سلطان؟
مالاح لك.. برقٍ.. بديع الفنوني ؟=مقبل.. وتنتظره.. جماهير وإخوان؟
إبن الكرام.. الوايليّ.. المصوني=شبيهك ..اللي مدته.. تروي أوطان
يحيي نبات.. النفس ..عقب الغبوني=ويجلي جذور.. الهم مع وكر.. الاحزان
يمناه.. تدفي ..طالبين ..المعوني=ويساره.. تغني.. عن براثين ..ديّان
من طيبته.. كنك ..قريب ..وتموني=تامر.. وتنهي.. كلمته : سم.. يافلان
يودع لك ..النفس ..العظيمه ..حنوني=ماتلفته.. قولة.. أميرٍ.. وله شان
حسناه.. فاقت ..بالهقاوي.. الظنوني=كنه.. ملاك ..الجود ..في ..هيئة انسان
رجلٍ.. حكيم ..وهمته ..ماتهوني=عند ..المواقف ..بيرقه.. ثابت ..وبان
ذيبٍ.. عن الجزلات.. لا ..مايهوني=حرٍ.. كفخ ..بالطيب.. قدام.. الاعيان
وان.. صوتوا.. بالحرب ..وسن السنوني=واويله.. اللي صاح ..بالقوم.. عدوان
تضيق.. دنياه.. ويضيع ..الزبوني=ويوطى ..على خشمه.. بثقلٍ.. وحقران
شيخٍ.. زما.. بالشعب ..فوق ..المتوني=واقلع ..بهم.. بالفكر ..عن وحش ..الاكوان
يوم ان.. غيره.. صاب.. عقله.. جنوني=عقيدنا.. لاسعادنا.. دوم.. ظميان
مثله ..وعلى ..مثله ..نهيل ..المزوني=دمع.. الفرح ..لجله.. ترانيم.. وألحان
كم بنت.. غنت له ..جميل ..اللحوني=في رجعته.. ترقص.. على زين.. الاشجان
يالله ..لك الحمد ..العظيم.. المنوني=سلمّت ..من فضلك.. سلايل.. كحيلان
ويامزنةٍ.. وافق ..نشاكي.. شجوني=هلي.. معي ..لا لاح ..بالجو.. ذيبان
تمايلي.. بالزينِ.. هزي.. الغصوني=قضي.. جديل.. الود.. ديمٍ.. وهتان
اسقي الفضا.. من قبل.. ركبه.. يجوني=بثي ..الفرح ..بسهول بجبال.. وديان
وختامها.. لو ..انهم ..خيروني=لطير ..وارقى.. فوق.. لعيون ..بلهان
لكون.. نبراس.. الغلا.. بالعيوني=وأول.. سعودي.. ينتشي.. بشوف ..سلطان

جائز المليحان
12-08-2010, 12:22 PM
النصح



بابٌ جميل .. يُكسب الاجر .. ويُحصّن عن مغبات القادم



وقيل قديماً .. النصيحة بجمل :



أشد مايمضي على الشخص لا فاق=شوفة حياته ضايعه دون ترتيب
لا عاد ما يصغي لغير الذي راق=يبقى حبيس الهم والغبن والريب
يمشي به المركب على غير ما لاق=تدفع رياح الجهل شرواه ويغيب
دام التجارب مالها كشف و اوراق=كثر الحسايف توجع القلب وتعيب
خطو الولد ماضاق لو الفضا ضاق=يعرف خلاصه كيف؟من وين؟ ويصيب
والخلق بين الصعب والسهل ورقاق=متفاوته كلٍ على عزمه يجيب
من لاتعدل في مسيره فلا ذاق=حلو الحياة اللي بها علقم وطيب
مادمت حيٍ والنِفَس منكم باق=يبقى الامل وضّاح لو لاحلك شيب
لاترتخي اثبت على رجلٍ وساق=حث الخطا وارقى لعالي المراقيب
عشرة بيوتٍ صاغها شخص توّاق=للنصح يوم النصح بحرش العراقيب

شمالية
16-08-2010, 04:32 AM
جائز المليحان..

خير جناح.....يحملنا للسماء..

اشاعر..حمل الجمال بين حروفه..

والطهر..في كينونته... النقيه


اخي الفاضل..دمت وعناية الرب تحفك..حيث عالم لاينضح الا بالخير...

وكل عام..وانت لله اقرب..


الشمالية

جائز المليحان
16-08-2010, 05:23 AM
ان تأتي الشاعره التي أمضي الساعات
في القراءة لها ولا أمل متابعتها متى ما حلت وعادت
حتى قبل تسجيلي هنا


هو شرف وتنوير لمتصفحي المتواضع
فلكي الشكر والود والتقدير

من احد المعجبين بقصائدك
ولله أنتي أقرب دوماً
اخوك ابو احمد

جائز المليحان
16-08-2010, 05:39 AM
مليت .. من نظم الشعر.. والتصاوير..!=مدام.. راح.. اللي رفا.. هاجس النظم..!
بكسر قلم.. وانثر حبر.. والتعابير..!=بختم ..عليها.. كاظمة ..غيضها.. كظم..!
متجهمه.. بنت الفرح ..والتباشير..!=مدهالها.. ساطي ..نهش ..عارض العظم..!
سنة.. حياه.. امورها .. بالدواوير..!=نوبات.. تمشي ..ونوب.. تشكي ..عسر هضم..!
ماعاد.. لي بالعشق.. وقطف النواوير..!=خلاص..كافي.. من ..حلا.. قاضمه .. قضم..!
شعلة .. وجودٍ.. وافقت ..صلة البير..!=زالت ..وقتّاله ..غدى.. بهرجة.. الخضم..!
من عقب ..ما دوحه ..روابي ..ونوافير..!=هدّاجها.. يروي ..جموعٍ ..من الجضم..!
امست يباس وقفرها مابه الطير=نشّت .. وعوده ..باقيٍ به.. نبض.. نظم..!

جائز المليحان
16-08-2010, 05:43 AM
سيف السَّعد ما تكسبه ناصع اللون=وإن جاك ناصع يعني ما تمتلك سيف
السيف كايد دونه ارصاد وعيون=وايمان تحرس منزله لا لفى ضيف
لنه كريمٍ عضوا انجاذ وسنون=تعصبوا له دون تزويرٍ وزيف
تبّاعته ما بين صاحي ومجنون=اصنافهم بدوٍ وحضرٍ من الريف
الضيف لا جاهم تلقوه بالهون=جسوه دون اللمس باشعة الطيف
ان كان بوحه خاليٍ مابه فنون=سمّوا خياله لا مشى مطرة الصيف
وان كان رمحه مدبب الراس مسنون=شدوا له البيرق وصبوا له الكيف
هذا الكلام وزبدة الهرج بالعون=تغنيك عن قولة حسايف ويا حيف
اما تشيل السيف وتخضّب ردون=والا بلاش السيف يا مخايل السيف

جائز المليحان
16-08-2010, 05:51 AM
http://s88m.net/uuu/uploads/images/s88m.com-ed1611c469.jpg


سيلٍ تحدر من سفوح=اروى ينابيع الغرام
يشكي من الريم الجموح=تظمى وهدّاره سنام
ياسيل عجّل بالنزوح=مالك على درب الملام
مدام بالمنشى تفوح=ريح الهجر قبل السلام
ابعد قبل مزنه يلوح=يمطر عذابك باحتدام
وقته فلا ينفع تنوح=النجم ماقض الظلام
هذي الحقيقه ولاتبوح=استر على بعض الكلام

جائز المليحان
17-08-2010, 01:49 AM
نص في طور النمو لم يكتمل



الجاش بور وجرهد الحب قاسي=والعين ترقب والهوى ناقص ارباح
واللي لفاني صاغرٍ عن مقاسي=واللي تبيه النفس غايب ولا لاح
طرفة حضورٍ ساسها من يباسي=والحظ عاثر يوم خلي غصب راح
الله وكبر يالعيون النعاسي= من بعدكن عذب الشعر محزمه طاح
صكت عليه هموم قلب الكراسي=والمعضله من صعبها عطرها فاح
من عقب مارجمه عظيمٍ وراسي=ما تشكله قو العواصف والارياح
اليوم تلعبه صغار المآسي=لو هي هبايب وهجها بان منزاح

جائز المليحان
17-08-2010, 01:57 AM
وجهة نظر أتمنى منكم تقبلها


http://gallery.johina.net/up/1/1156551777.jpg



يقولون .. لا ضاق .. الصقر .. بالبلد .. طار..!=وأقول .. الصقر .. ماتبعده .. أي.. ضيقه..!
حرٍ.. يكف .. الدار.. وإن .. مالت .. أقدار..!=عدّل.. مفاهيم .. الجهل .. في .. طريقه ..!
مايلفته.. هرج ..الخفايا .. والاسرار..!=ولا يجذبه .. زين .. النحاس .. وبريقه ..!
الحر .. حر .. وماكر .. الحر .. سنجار..!=وشهي ..البلاد .. اللي .. تحاول .. تعيقه ..؟
مدام.. شلفا.. العز.. يمناه.. كالنار..!=ومدام.. يسرى .. الجود ..دسمه .. غريقه ..!
والله .. فلا .. ضاقت ..ولو ..صكوا .. اقطار..!=وسود .. الليالي.. الصم .. يلمح.. رقيقه..!


http://gallery.johina.net/up/1/1156551129.jpg


الصقر.. لا ضاق ..البلد.. فج .. الاغوار..!=وإليا.. انمسك ..بالغبن ..معلن.. نعيقه..!
مايبعده.. ياكود.. لابيّن .. وثار..!=دخان .. غدرٍ .. ظاهرٍ.. من .. رفيقه..!
وقته .. يموت .. ويندفن .. داخل ..اسوار..!=يعني .. فلا .. يترك .. ديارٍ.. عريقه ..!
ويقال .. لاضاق .. الصقر .. بالبلد .. طار..!=واقول الصقر.. لا ضاق .. سيّح .. رحيقه..!

جائز المليحان
17-08-2010, 02:04 AM
للسفر رونقه وجماله الآخاذ



من رؤية للطبيعة الخضراء والوجيه البيضاء ايضا

^_^



المهم ان من يذهب للسياحه كثير

ولكن ليس الكل منهم يضبط النفس حينما يسافر



ولهذا تعرّض الكثير من اهل الارشاد لهم من خلال

مواضيعهم

واحببت هنا ان آخذ الموضوع من وجهة نظر وزاوية اخرى

وهي وجهة نظر هؤلاء السائحين

عسى ان يفهم اهل الخير نظرتهم

وعسى ان يهديهم الله .. ويسترهم ويسترنا في الدنيا والاخره

نص فرفوشي .. فلا يهمكم كثير ماسبق كتابته ^.^

.

.

.


http://dc10.arabsh.com/i/01523/scvhbdt2m8b2.gif

(( الشيخه صباح ))


انتهينا قبل حتى نبتدي=راحت العشره مع إطلال الصباح
ضفت القش المبجّل بالندي=وإنتحت ولسانه يصرخ : لا سماح
كلمتينن قلتهن وانا اعدي=سببن مع كسرة الخاطر جراح
هو صحيح ان الذهب يصبح صدي؟=او صحيح ان البحر ملحه قراح؟
هو صحيح ان الزمن مابه ردي=امتطى العليا وغدا له به جناح؟
انتبه طالبك تكفى لا تغدي=ياعشيري لا تقول الوقت راح
البلا النفس الرضيه تعتدي=مايرده خوف ولا صوت النواح
هايمه وبشخص فاجر تقتدي=معجبه باسلوب جمعه للرباح
هوّن لعينه امورن كالجدي=وهونتها لجل .. يا شيخه صباح
صار لبسه غير .. ياهي ترتدي=كسوتن صارت لصيداته سلاح
وانا منهم صادتن ..وانا فدي=فدوة اللي تستره عني ولاح
ارقب المرقاب وألمح مرقدي=من ورى بحر وعجاجن مع رياح
بس قرد ومدري وشبه مقردي=ينتهض والقول ياتي مع صياح
صدق زله ماهي قصدن او حدي=والمصيبه وقتها عند الرواح
قلتها ماكنت قاصد اعتدي=الله يهديها تكش من المزاح
لكن العلم الاكيد اني غدي=ارخي القرش وتجيني له نباح
قالوا قبلي ارخ قرشك يابعدي=قرشك اللي مايهز مابه رباح
وانا معها برتخي وارخي يدي=واتحلوا وارضي الشيخه صباح
ما اقول ابدن كلامن به ردي=الشريفه بشوفها العز استراح
لجل باكر حين صبحه يبتدي=يقبل وحنا بونسه وانشراح
فلي خاطر صاحبك هيا افردي=شعرك اللي جمّلك بين الملاح
اللي منّه صرت اطنش منقدي=واطلب الونسه واسميكي نجاح
رغم انّ القرش قبلي ينقدي=الا انه صدتك زرقة رماح
صدق قالوا ان الخليجي كالجدي=ينجرف بالساع ويقول انفتاح
والحقيقه هو بنهجه مقتدي=رفعة .......... تحتاج لسماح

^_^
وسلامتكم
وهي للضحك لا أكثر

جائز المليحان
17-08-2010, 02:22 AM
فرْشيّااااااااات



العشق قضينا جديله وذاته=حتى سبرنا خافي العشق بالذات
ياما دخلنا في غياهب عباته=وياما نهلنا من حلا الحب بسكات
بعض البشر لاذاق حلو بلهاته=افصح بها للكل وبالكل آفات
ودك الى شفت الهوى في حياته=بشويش تشرب منه وبشويش تقتات
قطره تبل الكبد حتى وفاته=اوفق من الجغمه تجي عقب ما فات

جائز المليحان
17-08-2010, 02:27 AM
و..... نص لم يكتمل .. في طور النمو ....

http://www.weelan.org/misc/weelan_6b4d8b51fa725613e5fecb6094aeb898.jpg


ان كنت.. تبغى.. البعد.. بأية ..وسيله..!=جاك ..الخطا.. منساق.. وانصحك.. تتليه..!
شد الرحال.. وقض ..باب ..الفضيله..!=واودع.. كياني.. بالعتب ..من.. تجليه..!
مدام.. في ..سلمك.. هبوبي.. عليله..!=من.. وين.. مالبّت ..خفوقك ..تصاليه..!
روّح.. عسى ..مثواك.. دارٍ.. محيله..!=تلقى.. بها ..خاين.. يضفك.. وتغليه..!
شخصٍ.. من ..اسبابه.. حياتك ..ذليله..!=ظالم.. ونبضك ..عاجزٍ.. لا ..يخليه..!
ترفا.. الخمال.. ويرجسك ..بالمليله..!=وترجي.. وصاله.. ويتمادى.. بتعاليه..!
مالك.. فضل.. عنده.. ولا لك ..جميله..!=الكبر.. عبا.. هاجسه.. في.. تسليه..!
هذا.. وانا.. ماني.. مدور.. بديله..!=وان.. مال.. في.. حكمه.. فلاني.. مراعيه..!
يحرم.. علي.. اتبع.. خطاوي.. مقيله..!=وان.. عاد.. عوّد.. ماني.. مرحّبٍ.. فيه..!

جائز المليحان
17-08-2010, 02:31 AM
شه انتبه لي واطرق البال وافهم=واحفظ حديثي في مسيرة حياتك
فرايدٍ تنجي من اليم لليم=قلايدٍ تضوي مغبة عناتك
ان صنتهن تسلم من الكي والسم=وان خنتهن خانت حياتك رفاتك





عود العمر يزهى على مبسم الهم=والحزن روضاته تفيض بلهاتك





والصبر جنه يبعد النوح والذم=والكسب خفراتٍ تجدد هناتك
والبوح يظهر خافي الجاش والدم=يبقي لك الضيقه رصيد لطانتك





وإليا غديت بغيب الايام مهتم=اتموت من قبل اتسجل وفاتك





والشح شح النفس عن شاهق الصم=والجود ماقلل عوامل غناتك





وغصن الغرام ان طاح في ميسر الغم=سوّد على بهجة مساك وغداتك





من الكَبْد مخلوق لاشك واعلم=درب الحياه اقشر معاضب رضاتك





تمت وباقي النصح ياخوك ماتم=وتنجح اذا زبد الفكر صار ذاتك

جائز المليحان
17-08-2010, 02:39 AM
.. من القديم ..


هز الضلوع الحدب واعتاش وارتز=واركز بيارق خافقك في رزازه
هزه ورزه عزه منشان يعتز=ولا عاش قلبٍ مايقز بفزازه
من لايخز الناس يجبن اذا خز=يرتاع جاشه ما يقز بخزازه
ودك الى شفت الردي قام يرتز=تفرك على علباه لجل ارتزازه
الناقص اللي سحنته تشبه الوز=مزيون لكن وش وراها القزازه؟
بالحقد والاخباث عايش على الحز=يمشي مع الانجاس خبث وحزازه
واحذر يكون الهمّ تعتاش بالرز=الرز ما طلّع رجال بفزازه
نزو القلوب اللي تنز العلا نز=ماعاينت طبخ العشا والخبازه
تعجن من كبود المعادين تمتز=تخبز على هونه تمز بمزازه
وان لزت الانفاس يمك لها لز=خلك شديد الباس فيك اللزازه
لو زام دمك فوق الاكتاف لا تنز=الموت اهون من هوان اللزازه
امزج شجاعة فارسن عالم وحز=مع الفكر صبر ولباقه ومفازه
واليد وحده مابها سترن وعز=يجزها نقض الجزا باجتزازه
هذي نصايح صاحبن ينشد العز=يطلب من الطيب يطيب بمفازه
وختامها حكمه وحطه على قز=ما بالعفن ياخوك كسب ومفازه

جائز المليحان
17-08-2010, 02:46 AM
http://www.weelan.org/misc/weelan_151fa67ffaabdc457a267db410dea420.jpg

(( عديل الروح ))



الله .. يعين .. النفس .. ياهي .. تمنا=شوف .. الغظي .. من بعد .. غيبه .. وفقدان
ناحت .. به .. الاقدار .. منا.. ومنا=وانا .. على .. عرش الغلا .. ارجي .. يبان
كم .. ليلةٍ .. والجاش .. حزنه .. يغنا=ينزف .. على .. عذب .. القوافي .. والالحان
يشرح .. بها .. المقسوم .. كيفه .. تعنا=بين .. الرجا .. والياس .. جمره .. وظميان
قل .. الفرج .. بس .. المشاعر .. تأنا=تجحد .. على .. ماقيل .. من باب .. نكران
الجرح .. غاير .. والضلوع .. اقسمنا=بين .. الانين .. وبين .. صدات .. الاكوان
وينك .. عديل الروح .. وين انت .. وإنا؟=تكفى .. تغانم .. باقي .. الوقت .. زملان
ازريت .. اكابر .. والهواجس .. لونا=لفن .. عناقيد .. المرض .. ود .. وإحسان
صاحن .. بعالي .. الصوت .. ياشين .. ضنا=ماعاد.. لك .. يازين .. وجهه .. وعنوان

جائز المليحان
17-08-2010, 04:21 AM
تدري وش اللي يحرق القلب ويغيض=شوفة حقيرٍ ماخذن فوق قدره
وتدري وش اللي يثلج الصدر ويعيض=لامن تثارى الوقت واجتث جذره

جائز المليحان
17-08-2010, 04:29 AM
دنيا غريبه رزت زعيط ومعيط=ضفت هطاليس البشر من زريبه
قامت تنطط والبلا زود تنطيط=وعين الحيا مردوم فوقه قليبه
جَمعة ردا ياجعلها لهفّة مقيط=متفرحثه بالشين دوم بغليبه
زعيط ينخى معيط يرجيه تنقيط=ومعيط لولا زعيط مافاح عيبه
توالفوا في مخنزٍ دون تخطيط=والطير يغلي الطير لامسى صحيبه
اشكالهم واجد .. يجي بعدها .. طـيـط=يالله تزيل امثالهم بالمصيبه
اقولها واللي بثرها .. بعد .. طيط =وفعلاً على ماقيل دنيا غريبه

جائز المليحان
17-08-2010, 04:32 AM
.. شطحة فكريه ..







مصيبةٌ تلك الصفات المتأصله في نفوس الحسّاد



مصيبه

.

.

.



حقد .. غيره .. غل .. بغضاء .. كراهيه .. جبن .. نميمه .. غيبه



قهر .. خوف .. (( حسد ))



والقائمة تطول



.

.

.

ولكن تساؤلي مع ذاتي يكون من خلال هذا السؤال



: من هو الحاسد ؟



أيعقل ان يكون رجلاً كريم الاخلاق ؟ أو ذا مكانةٍ طيبة في مجتمعه ؟



هل كل الصفات الرديئة به ؟ أم البعض منها ؟



.

.

أسئلة كثيره تدور في الفكر بلا أجوبةٍ شافيه

.

.

إلا أنها إتفقت .. على أن .. كل حاسدٍ : لئيم



فلا بارك الله بالحسدة اينما وجدوا

جائز المليحان
17-08-2010, 04:38 AM
الكل في نومه يخم المخده=وانا عشير الليل والنوم مابيه
منهو يبادلني جروح الموده=يسهر معي ليله على ذكر ماضيه
نجم الوفا غايب وتاه بمصده=واهل السهر تنعى خوافي تغاضيه
ما للهنا جره ونوض ومرده=ضاعت مطاريشه مع أول تعاليه
الله يسامح صاحبي في ملده=ورّثني السهره على ندب طاريه
اقولها والقلب ماضاق حده=اوسع من الدنيا على ما مشت فيه
لاشك والهاجس فلا باح سده=الا على اللي واضحاتٍ مماشيه
ومنهو يسامرني على كيف وده؟=يمكن يجيه النوم لا قال مافيه

جائز المليحان
17-08-2010, 09:13 PM
كان هذا رد من الشاعر .. محمد بن موسى



على نص حول النوم وتجافيه





ياللـي لقـيـت العـلـم بالله وده

.......................................وده علـى جائـز يفسـر معانيـه

وعطه الجواب وصافيـات المـوده

...................................وقله عسى الله يسعده فـي لياليـه

يالله عساك بطـول عمـره تمـده

.................................وتعطية من طيب الرغد لين ترضيه

لاشـك ياللـي فارقتـك المـخـده

....................................ومره تخم النـوم عينـك وتخطيـه

ذكرتنـي ياصـاح باللـي نــوده

......................................اللي يسر ويبهـج القلـب طاريـه

اللي ظروفـه عـن لقانـا تحـده

..................................واتلى العهد به يشكي الظيم والتيـه

هيضتني وانـا علـى بحـر جـده

.....................................وبيحت سرن للملا كنـت مخفيـه

اطلب عسى ربـك علينـا يـرده

...................................وترتاح عيني يوم نقـراء قوافيـه





وكان هذا هو الرد






الله يرد صويحبك من مصده=تسعد به عيونك على شوف قافيه
وطير الحشا من زود فرحك تهده=وتردد ابياته علشان تعطيه
فرحة لقا تاتي عقب طول مده=من دون علمك تنذهل في تمثنيه
تقرا كتابه ثمّ تعرف مرده=عن غيبته واللي غدا له بماضيه
يشرح لك اسبابه ويحلف بجده=ومن لهفتك تنسى عن الحلف تنهيه
مشتاق وقوله مامضى ارجوك عده=وانت بغرامك تايه وحالتك .. ايه
ماتنوصف ياللي على بحر جده=لذة شعورٍ بين قاضي وقاضيه
هذا رجا اللي عاف نوم المخده=يسهر طوال الليل والنوم جافيه
إنك تعيش العمر زاهي بحده=وتنسى زمان الهجر واللي جرى فيه

جائز المليحان
17-08-2010, 09:15 PM
مثل الصباح الحلو لا عانـق الغيـم=تدامجوا واستنزفـوا وبـل همّـال
احيوا نبات الارض والخلق ترنيـم=الكـل منهـم غيّـر اليابـس لبـال
فرحة مطر يفرح بها القلب ويهيـم=يسرح بها فكره من الجـال للجـال
نشوة حياة الناس هـزه نبـا غيـم=ونشوة حياتي هزها طيّـب الفـال
في رجعته غّيم على جـوي الديـم=بل العروق اليابسـه حـرّك آمـال
نوّر حيـاة القلـب والقلـب ماليـم=ومن لام قلبي جعل قلبه على الصال
شيخن يكف المجد ويشيـل ويقيـم=يركز بيارق شيخته وين مـا مـال
حاف الكرم والجود من دون ترقيـم=وباب الشجاعه مثبتـه دوم بافعـال
كم من عظيمن حاول لدارنـا يظيـم=وامسى غبين مكبله يديـه باغـلال
ولي عهدن ذكره يرفع بـه الريـم=عن باقي الغزلان يِطرَق لها البـال
شيخن على داره كما صقرن يحيـم=يحمي حماها عن هوى كـل عيّـال
هذي حقيقـة صاحبـي دون تعتيـم=مثل الضيا نوّر لي الجاش والحـال
اسرح معه بالفكر طربـان واشيـم=وعن هرجة العدوان حطيت الاقفـال
يالله لك الحمد وعسى وضعه يديـم=يبقى لنا وجـه السعـد دوم بقبـال
كتبتها فـي لحظـة اعـلان تعميـم=نشوة فرح في رجعته طيّب الفـال

جائز المليحان
17-08-2010, 09:22 PM
http://www.weelan.org/misc/weelan_05771e873fe464672655c4a8263db97f.jpg


راحن ثلاث ايام والعين ترجيك=واليوم رابع يوم غايب مسارك
الله يسامح خافقك في تجنيك=يمشي على ودك ويخفي مدارك
ياليتني ما قلت لك باني اغليك=ما كان تبعد عن مناري منارك
مار الوكاد ان الغلا صاح يبغيك=والله يعين القلب من كي نارك

جائز المليحان
17-08-2010, 09:28 PM
حسافه يالغرام اللي وهبته من غلاك ولك=على كف الوفا جالك كسير وباح مكنونه
سقاك الشهد وانفاسه حياها من هواك وبك=علشانك يغض الطرف وياما يخلف ظنونه
زرعكم فرحته بكره حصدكم شوكته وانضك=من اول عصف في وده هدمتوا عالي حصونه
حسافه يازمان الامس خساره والدموع بـ / تك=نشت تجرح من اوجاعك غصب تنزل ومغبونه

جائز المليحان
17-08-2010, 09:34 PM
http://www.weelan.org/misc/weelan_goldvish_6.jpg



انتي الغلا يا مهجة القلب والبال=وانتي رجا ضلوعٍ لشخصٍ يودك
ياغاليه لو يكثر القيل والقال=واكتب رسايل في هواك ومصدك
مابان لك خافي شقا الفكر والحال=ونفسٍ تقول اليوم : ليتن بحدك
مار الوكاد العمر لازل ماطال=ويكفيني اسعد بالرسايل وردك

جائز المليحان
19-08-2010, 02:35 AM
بعض البشر رايه يساوي ملايين=وبعض البشر لبداه ناكس على المرح

جائز المليحان
19-08-2010, 02:41 AM
ياويل جاشي على شوفك ولقياكي=وياشيب عيني من الحرمان والصده
هايم بحبك وروحي حيل تبغاكي=والحظ الاقشر وقفلي بأول الحده
قلبي هوى الشرق لا ذعذع بذكراكي=منكي صويب الحشا ينعى هبا كده

جائز المليحان
19-08-2010, 03:10 AM
التايهه والناقصه وان لفتني=جنبتها مدامها من ورى بنت
اشيم لو هي بالخطايا رمتني=دامي جبل للطيب اصغيت واذعنت
اغلب ولاهي بالردى غالبتني=البحر ما ضره زقاره من الكنت
خلَّه على ما تشتهي وان جفتني=ما طاح من نجم السما طاح لا هنت
وان كان وِدَه بالخبر لا بغتني=تلقى جديدي ناشره وإسمها ..إنت
حصري لذكرى عشتها واحتوتني=مضمونها في وصفها صيغته .. كنت

جائز المليحان
19-08-2010, 07:00 PM
بعد ان ادت مهامها القصيده... تحولت من التوجيه
للتنبيه
وهذه هي الان




كان الصداقه ما لها جذر وشروك=اضرب عليها الإكس وإلعن ثواها
ملعون ابو من يجحد الطيب .. صعلوك=ومن باع خوة صاحبه ماشراها
الرفقة اللي مالها عقد وصكوك=اموثقه بالطيب في محتواها
ماتنبغى لو جمّلوها وجابوك=وقالوا تفضلها على ما تراها
لابو العفانه لابو عرفتك لابوك=يابن الردي .. ديرتك ماني بسماها
يمنايَ ارفع من مصافحك يالعوك=ويسرايَ تكرم عن ميامن طماها
انا عشير اللي الى جو حطوك=باقصى المراجل .. واقفٍ من وراها
نسل النشامى ماهم نسلٍ من ابوك=والنايفه تصعب على من بغاها
مايكسبه هافي وضايع و معكوك =غير النشامى ما يتناول مداها
علاقتي معهم مهي .. عطني ودوك=على النقا نمشي وواضح خفاها
لاجيت انادي فردهم قلت : ياخوك=احرص على عمق الصداقه معاها
روحي فداهم .. فوقها كامل البوك=كل الذي املكه فدوة ذراها
اكسب معرفتهم ولا يبعدن شوك=كله ولا اخسر مشاهد ضياها
هذي الصداقه ساسها جذر وشروك=تنحت صخر والعفن يكتب بماها

جائز المليحان
20-08-2010, 10:01 PM
تبطي عظم ما تاصل اللي تريده=وان قاله الله ماتنول العوافي
منت بجبل انت الهدف والطريده=وانا النجم اللي ضربك بقوافي
عند اللقا معروف.. كفوك ..شريده=اسبق من الغزلان وقت الخوافي
ومن البخل سفرتك دايم جريده=وبين البشر علمك من اهل الهوافي
حتى بدينك منت صاحب فريده=ضايع ولا تعرف اصول الطوافي
لا ترتكز مدامك ابن المريده=تقصر يمينك مابها اية دوافي
اباخذ اللي آخذه او اريده=وإن كان لك حيله فخلك توافي
وتبطي عظم ما تاصل اللي تريده=وان قاله الله ماتنول العوافي

جائز المليحان
20-08-2010, 10:19 PM
http://www.weelan.org/misc/weelan_ff92ff2a360502be4fd0824a5fb8645d.jpg


الموت قرّب والعمر صار ممسوس=والله يهوّن قطعته من يدينا
حقٍ لو ان الخوف بالنفس مغروس=نجزع ولكن نقبل اللي علينا

جائز المليحان
28-08-2010, 06:45 AM
كيبورديه للتواصل مع القلوب الطاهره



إحساسي إني فاقدٍ شخصٍ أغليه=وإحساسه إني دالهنٍ في حياتي
لا والذي سواه ماني بناسيه=لكن على ماقيل كاتم بذاتي
صابر على فرقاه والعين ترجيه=والصمت بصمة موقفي ليا وفاتي
يحرم علي اتبع خطاوي هقاويه=عمر النخل ما مال عند المماتي
أقولها والقلب لا شك يغليه=يكفيه قولة هاجسي : يا غناتي
الله يسامح خافقه في تجنيه=ظنه اعيش العمر مسلى واحاتي
مايدري ان الحب غدرى مواريه=وجهه .. هَنا .. وإقفايته .. بالشتاتي
منهو خنع له .. طاح .. قبّل مواطيه=وامست حياته مثل بعض الخواتي
ومنهو شمخ .. ما طاع .. نوّخ مماشيه=يبقى جبل لو كان جوفه رفاتي
هذي الحقيقه ماتبي صوت توحيه=كتبتها والفكر عارف ُمناتي
ردٍ على اللي ظن جاشي عثى فيه=واني اعيش العمر وأجمل حياتي
وإحساسي إني فاقدٍ شخصٍ أغليه= يعني كئيب وحالتي بنحتاتي

جائز المليحان
31-08-2010, 10:37 AM
جيتك على وضح النقا طالب رضاك=اسوق يمنى الود وتشوح غيثك

مزنك عشيري عاقبت نفس تنخاك=عدت على ماقيل : ياشوق ليتك

ما عاد لك بالعشق روحٍ تمناك=الجوف خالي شمعته دون زيتك

روضي خضر يوم المحاني تذرّاك=يومك تقول البيت ياخل بيتك

واليوم بعد الغدر ماوالله ارجاك=قاضي وعدلك بالهجر وإرتضيتك

يحرم علي اقول نفسي تحراك=لو طال وقتك يالخطا ما جفيتك

وان قاله الله وجيت ياغير آطاك=واقول سمّ الظيم منّه سقيتك

ودي مثل كرهي على الكل يجزاك=كثر الذي تعطيه أنا عطيتك

وحده بوحده ودامها هيك مابغاك=ماني صحيب وخل عنّك : فديتك

جائز المليحان
01-09-2010, 02:07 AM
ناض الضمير اللي من العام مكلوم=هاض وتفجر وانبعث من مخافه
درّج على عوجٍ هواهن بزيزوم=فتّت حياهن واسود الثوب عافه
سبة .. رجا .. اضحى طليقٍ بلا لوم=الحلم كايد لو يقولوا خرافه
الله يلوم اللي يلومه على الدوم=من عاش بالذله حياته كلافه
يمنى الشجيع ان وافقت حفنة رخوم=تمسي هوان وتشتكي ألف آفه
بعض السكوت يحطك بخانة البوم=لو كنت طيب ساسك من العرافه
الصبر جنه لكن الفعل معلوم=يبقى رصيدٍ للذي غصب حافه
قم يا ضميري واحفظ العهد مبروم=لا .. لا تجامل ..عفنٍ .. القلب .. شافه
لا عاد تكسر بالرفق شخص وتسوم=ماترفعك قولة مخاوي لتافه
انا نديمٍ للعلا حرٍ احوم=اشيم عن دنس النوايا وقرافه
مليت قول الحكي فضه ومذموم=واصبر واصابر واتغيشم واسافه
واقول ياليت الحكي صف مردوم=والا المحاجر مثل عنق الزرافه
وان المخابي تجمع اطياب ورموم=حتى الذهب .. صَفوه .. يعاني شفافه
ناسي وغادي والفكر ومضه غيوم=بامر الولي لا جاك فاض بضفافه
منه ذكرت السلة اللي بها الكوم=تفاحها أخضر ولا من نظافه
تمسي خمج والدود يبني بها رجوم=عقب الغلا تنفى و يرجى ذلافه
هذي الحقيقه والعمر فوح قمقوم=زل التجارب وانتهى من جفافه
لا ..لا تجامل يا ضميري من اليوم=صَفّ الذهب من عتمةٍ في خلافه
وناض الضمير اللي من العام مكلوم=هاض وتفجر وانبعث من مخافه
درّج على عوجٍ هواهن بزيزوم=فتّت حياهن واسود الثوب عافه
سبة .. رجا .. اضحى طليقٍ بلا لوم=الحلم كايد لو يقولوا خرافه

جائز المليحان
05-09-2010, 01:16 PM
من القديم .. فالتمس لها العذر




شيطون وتعجبني كثير بشيطنتك=مملوح وتسلب خافقي من دون نور

ياوجد حالي يوم تاتي تأتأتك=ماكني إلا هامةٍ قامت تخور

مجنون خلقه والمدارس نتّختك=والطالب اللي مثلي ماكول القشور

اقبلت يمك والمشاعر نجّحتك=من قبل شوفك هاجسي منّك يثور

ياليت قلبي ماحفظ لك منزلتك=مادمت خاين من هوايه ماتفور

مزن الموادع نزّلتها طأطأتك=يالجرهد اللي قفرها دايم يبور

والعين..بعد الرفع..ردت..حدّرتك=الوقت يقلب والزمن دايم يدور

مقيولةٍ من قبل حكمه فسّرتك=تاصفك باجمل من عبارات النثور

الغادر اللي شيطنتبه أجّجتك=يموت وحده ماسكن عرش وقصور

تلوعه الدنيا كما هي لوّعتك=ويطيح من عين المجالس والحضور

وشيطنته اللي من أول نوّختك=تاتيه من غيرك على كفٍ جسور

كاس المراره مثل ماهي جرّعتك=تشربه ..سك .. وتعرف اوجاع الصدور

اقولها والنفس ماهي معبّرتك=لاشك ما لك في خفا جاشي أمور

استودع الله شيطنتك وتأتأتك=ياغافله ماني على امثالك صبور

القلب عافك والمشاعر ودّعتك=والطالب اللي هقوتك طالب حضور

اشد واعتى من براثن طقطقتك=دكتور في نبش الطلاسم والجذور

يكفيك سمى .. ثرثرتك..بـ:شيطنتك=ويكفيك مزنه مانشت لجل معثور

ودعتك الله والمشاعر ودّعتك=ياملحةٍ تاهت مع اسراب الغرور

عبدالله العنزي
05-09-2010, 02:03 PM
وخالقي .. إن هذا المتصفح .. يحمل من الشعر مالله به .. عليم .. !
ومن الحكمه ما الله .. به عليم .. ومن المرجله ما الله به عليم ومن الروعه .. مالله به عليم .. !

جائز المليحان
18-09-2010, 08:50 PM
وخالقي إن لحضورك .. مالله به عليم

وإن لكرم تواجد .. مالله به عليم

وإن سعادتي وصلت .. مالله بها عليم

شكراً لك ولتواجدك يالبناخي ولاعدمت هذا التواصل
اخوك ابو احمد

جائز المليحان
18-09-2010, 08:57 PM
http://www.weelan.org/misc/weelan_ed1558993abeb8160f3bd2f0c4f1fa72.gif



قلبي كبير وقلبك [ اصغر ] من الصوره=وش [ صاب ] قلبي يوم يعشق له صغيّر ؟

ياما عذلته قلت : بنتٍ [ وغندوره ]=واعمى الفكر عيّا يطاوعني [ يغيّر ]

حتى [ رضخت ] لجيش حبك وطابوره=واصبحت أجيب [ الراي ] .. وأقول .. وأخيّر

اتبع هوا [ نفسي ] ولا هي بمجبوره=تتبع هوا [ نفسك ] ولا انته لي مجيّر

لو كنت مثلي [ صحت ] بالظيم والجوره=ولو كنت [ مثلك ] ماني لمثلك [ محيّر ]

يعني [ خسارة ] عمري راحت [ بأموره ]=مالي بها [ ياكود ] طيرٍ لها [ أطيّر ]

عزاه [ ياروحٍ ] تنوحين معذوره=زهرة شبابك روّحة [ سبة ] جفيّر

لكن بسيطه [ والقضى ] دور باكوره =بكره [ تشيخ ] وتنسل في هوا [ صغيّر ]

وقلبي كبير وقلبك [ أصغر ] من الصوره=لأنك [ صغير ] ولا تبي مثلي [ كبيّر ]



.

.

.

جائز المليحان
18-10-2010, 06:52 PM
نهية الروح [ تشقا بك ] وعيّا القلب يسمعلي=وعيني من سبب [ عذلي ] لذيذ النوم ما جاها

جرحت الوصل [ بفراقك ] وأمنّي الحال : يرجعلي=صويب من الهوى [ والصمت ] عثى بالنفس وأعّياها

جائز المليحان
18-10-2010, 06:54 PM
.
.

أَمَلتُ القلب .. معتقداً .. بأن الحب .. موجودٌ
وأن الوصل مفتاحٌ .. يذيب .. النفـس والوَجَـلَ

.
.

جائز المليحان
18-10-2010, 06:56 PM
يقول شكسبيـــر :-‏
تحبني أو تكرهني !
‏جميــعها مفضلةٌ لدي

فاذا كنت‏ تحبني/
‏سوف اكون دائماً في قلبك

واذا كنت ‏تكرهني /
سوف أكون دائماً في بالك

جائز المليحان
18-10-2010, 06:58 PM
ألا ياعين .. راح اللي نوده=بعد ما كان ياعيني .. قريبي

رداة الحظ .. والقِسمه ترده=عن الوصلات يمنعه النصيبي

ياليت الوقت .. يسعفني .. وارده=اعوّض ما مضى لي .. مع حبيبي

فقدت الفرْحْ وانفاس الموده=ونار الفقد .. ميسمها .. عطيبي

دخيلك مابقى بالعمر شده=اجاذبك الصبر وانا صويبي

حمست الدمّ ما بيّحت سَدّه=عن الاصحاب حتى عن طبيبي

ياغيره هو .. وليفي .. والمخده=عليهم انثر العبره .. واجيبي

معاهم خافقي ماضاق حده=هذيك تجيب هذا دون ريبي

اسامر طيف مغليني وصده=شروق الشمس لي بعد المغيبي

مدام الروح تسلى معه مده=ولو يطلب .. بقاها .. تستجيبي

ياعيني بقبل الوحده بحده=اخسر الكون ويكسبني صحيبي

صحيح الجاش ما يحيا بفقده=كلامٍ يفهمه شخصٍ لبيبي

جائز المليحان
18-10-2010, 07:01 PM
ياعين .. ياعين الفرح والتباشير=ما لاح لك يالعين خلٍ تعفى ؟

ما لا حلك بالمزن .. رعادةٍ غير=سحابةٍ صوته يقض المخفى

الهجر هم وديمة الوصل تنوير=والضم نارٍ من سناها اتدفى

ياعين قولي للغضي بالتصاوير=وبل الغلا ما يروي اللي تهفى

ان ما نثر حرصه على حسن تبرير=والا زرعت القلب بارضٍ تشفى

الود نوض القرب والحب تقدير=والعين يا عيني حياها توفى

يعني يجيني الخل من دون تقطير=والا لبراد الغير عني يتقفى

وياعين .. ياعين الفرح والتباشير=ما لاح لك يالعين خلٍ تعفى ؟

جائز المليحان
18-10-2010, 07:07 PM
عيا يجيني النوم من زود الاشواق=واللي في بالي غافيٍ في سريره

اسهر طوال الليل والفكر ما راق=نفسي على فرقاه حَاله خطيره

خلي تغير صار لا شافني ضاق=وانا على شوفته ابدي السريره

كم ليلةٍ رجلي على بيته تساق=تاقف على بابه وتنكس حسيره

ما عابت الطقه ولا خافت طراق=هابت رداة الحظ ونفسٍ كسيره

الله حسيبه كيف بعثرني اوراق=كسّر ضلوعي دون جبر وجبيره

من دون مايبدي سبايب للافراق=نش الوصل بدّل حلاه بمريره

حتى الصدف ما عاد تسعف بالافتاق=الصدع جامد والمواري دميره

محدٍ يلومن لو ندبته بالاسواق=[ واشيب عينه ] من دعاي ومصيره

يكفيه لو سكران شافن .. صحا..و فاق=أعلن عدال الروح وانّب ضميره

ويكفيه لو حملي على الغير ما طاق=ما شالت ضلوعه حمولٍ كثيره

وعيا يجيني النوم من زود الارهاق=ومن خافقٍ بالظيم يِسمَع هديره

شفّه اعرف اللي تسبب بالافراق=وشفّي اعيد الوصل وابقى نصيره

جائز المليحان
18-10-2010, 07:14 PM
لا تقرب الزمـل يـا حويشـي
............ تنـقـل هـلاكـك عـلــى مـتـنـك

بعض البشر مذهبه طيشي
............ ظــنــه سـبـــر صــفــك وثـكـنــك

ماتدري ان الوغـى غبيشـي ؟؟!!
............. يصلاك لين انقضى دخنـك

وقـتــه فـــلا يـنـفـع الجـيـشـي
.......... تستاهـل المـوت مـن رعنـك

هـــذا جـــزا نـافــش الـريـشـي
........ ان غرّك الصمت أو بخنـك

جائز المليحان
18-10-2010, 07:16 PM
(( الشوق ))





لَشّوق لمعه في عيون المواليف=ابلغ من الكلمه على شرفة لسان

حتى الحبر لو ينتثر بالمضاريف=وبل الورق ما يروي اشجان هيمان

الشوق يعني قمةٍ بالمشاريف=ماينوصل ياكود يِقطَعْ له ازمان

والشوق ما يثنيه ضرب الصواديف=ان زانت او شانت تعزوى بالايمان

والشوق ترجام الغلا والمجاديف=قارب نجاة القلب من عارضٍ بان

والشوق بيرق عشق .. نايف على منيف=رمز الوفا ماينشرى بحفنة اثمان

يعني خلاصة فلسفة هاوي الريف=اللي دحم بالحب مجموعة اكوان

ان العيون الزايفه زايغة طيف=متقلبه بالود تشكي عمى الوان

ولَشّوق لمعه في عيون المواليف=اقوى من الكلمه على عظمة لسان

يعني سحابه باهضه بالتكاليف=ماتنسكب إلا مع خافقٍ حان

جائز المليحان
18-10-2010, 07:21 PM
من منطلق .. صعب .. إتفاق .. الحضارات=ومن .. زاوية .. يا كود .. قلب .. العقيده

ماهي .. غريبه .. هجمة .. البعض .. لا.. جات=بالخاصره .. تطعن .. مبادي .. حميده

إلا .. العجيبه .. ناتج .. الجرح .. آهات=ونه .. وكن .. الغدر .. حاجه .. جديده !!

هذا .. هوان .. ولا به .. أية .. مراوات=لولا .. [ هوان ] .. النفس <<< ماهي طريده

[ الغير ] .. ثابت .. ما تبدله .. الاوقات=من .. طلعة .. الدنيا .. يخون .. بحديده

ماله .. امان .. و لذة .. الروح .. والذات=تسمى .. على .. [ نحر ] .. القلوب .. الفريده

هذي .. الحقيقه .. ماتبي .. زود .. انصات=إن .. [ العقيده ] .. تختلف .. عن .. [ عقيده ]

وإن ..[ الزمن ].. يعطيك .. برهان .. وإثبات=ينبيك .. عن .. خافي .. الحشود .. وعقيده

كم .. طوحوا .. [ دوله ] .. وخانوا .. [ برايات ]=ماتنتهض .. [ أمه ] .. وهم .. من .. عبيده

إيه ..[ الروافض ].. مقصدي .. ماهي ..[ اسكات]=ساس الفتن .. للكفر .. ارض .. وسميده

أهل الجهل .. والفسقْ ..[ وتحريف ].. الآيات=مصدر ..[ شكوك ].. الدين .. ومنهج .. عميده

إمألّهة .. حيدر .. على ..[ خبث ].. نيّات=محاربة ..[ صحب ].. الرسول .. السديده

[مخوّنة ].. جبريل .. منبع .. طمانات =محللة ..[ هتك ].. العروض .. الشريده

قومٍ .. تدس .. الحقد .. [ تقيا ] .. لغايات=تنخر .. صروح ..[ وتضعف ].. اشيا .. شديده

يعني .. [ حثاله ] .. ناقصه .. بالمروّات=ماهي .. سنام .. ولاهي .. ابداً .. رشيده

[ والمشكله ] .. بالبعض .. لطرى .. الحضارات=يرجي ..[ السلام ].. وحب .. خلقٍ .. مريده

هذا .. الهوان .. ولا هي .. اية .. خرافات=لولا .. الهوان .. النفس .. ماهي .. طريده

إضرب .. على .. مبدا .. [ الوصل ] .. عدة .. إكســxxxـات=[ وإياك ] .. تامن .. ناس .. ماهي .. مجيده

القرب .. منها .. يعني .. إنك .. بآفات=يمرضك .. [ وبيت ] .. العز .. يقصر .. مديده

ومن .. منطلق .. صعب .. اتفاق .. الحضارات=ومن .. زاوية .. ياكود .. قلب .. العقيده

ماهي .. غريبه .. هجمة .. الغير .. لا جات=بالخاصره .. تطعن .. مبادي .. حميده

يعني .. نصيحه .. كان .. تقرى .. العبارات=[ ما بالراوفض ] .. طاهرٍ .. أو .. عقيده

ويعني .. خلاصة .. فكر .. ماهي .. شعارات=مايجتمع .. [ صادق ] .. وهاوي .. مكيده

ويعني .. نهاية .. قاف .. في .. بعض .. كلمات=سيف .. السطا .. سنه .. بفعله .. مفيده

جائز المليحان
18-10-2010, 07:22 PM
هذا تواصل بسيط

حدث بيني وبين الغالي ابو موسى



حيث كتب سريعاً يقول :


ريلاكس ..ياجائز ترى الوضع حساس
ابــســتــشــيــرك وانــــــــــت نـــــعـــــم الــرفــيـــقـــي
لــي صـاحـبً رفـعــت قـــدرة عـــن الـنــاس
والــــيـــــوم كـــارهـــنـــي ولاهــــــــــو صـــديـــقــــي
غـــــروة نـــــاس شــلـــة اهــيـــاس وانـــجـــاس
واصـبــح مـابـيــن الــنــاس مــثــل الـغـريـقـي
يــبـــي يــعـــوم بــوســـط غــبـــات الارمـــــاس
وطــــب الـبـحــر واثـــــره طــويـــل وعـمـيـقــي
قـصـرت شـبـوره عــن سـنــا كـــل نـومــاس
وجـــــدد ســـــوات الـــــورق بـــــراع الـنـعـيـقــي
مـــــن وقـتــهــا والـفــكــر خــبـــثً ومــحــتــاس
ومـاعــاد اعـــرف وجـهـتــي مــــن طـريـقــي









فصح بوحه .. وكان ردي له :









أهلا .. هلا بك .. يس .. افكورس .. لا باس=يا صاحبي لا تنزعج .. لا .. تضيقي

إف .. الفرند .. يتوه .. من شلة .. أنجاس= بكره .. يفيق .. لحالةٍ .. ما تطيقي

لا بد .. ما يجرع .. من المر .. بالكاس=وإن .. وَد .. زايف .. بان قدر .. الحقيقي

[ والصبر ] .. جنه .. مبعدٍ .. كل .. وسواس=[ ورفع .. اليدين .. الداعيه ] .. ما تعيقي

[ والنصح ] .. يبل .. عرقٍ .. يعاني .. يباس=والجهل .. زله .. في .. مسير .. العريقي

وإن كان صبرك .. نافذٍ .. سبة الياس=والنصح .. منه .. صاحبك .. ما يفيقي

[ ولّم .. ذا كارك .. نطرق .. افعال .. جساس] =[ نغدر .. وليفك .. دون .. دمٍ .. نريقي ]

غصبٍ .. على خشمه .. يجي يمّك .. انكاس=تمسك يديه .. وتصبح .. احسن .. فريقي

هذي الحلول الظاهره .. [ بين الاقواس ]= جوز ..الذي .. تبغاه .. بيّن .. طريقي

جائز المليحان
18-10-2010, 07:31 PM
بالعين دمع وبالصدر ألف ضيقه
واللي مجنني : حياته على ويش ؟
.
.
نار الاسى شبت بجوفي حريقه
واصبر على كيه ولا آصل الطيش
.

جائز المليحان
18-10-2010, 07:38 PM
اعتـرف لـك مابقـى بالعمـر شــي
حتـى انـي اضحـك وألعـب معـاك
جيتـلـك واضــح وفــارد لــك يــدي
وارتجي من خالقي اكسب رضاك

جائز المليحان
06-11-2010, 07:03 PM
ادع ربك وانحني له وابتهل=يمكن الدعوه تجي معك وتصيب

دام مبنى العرف عندك من جهل=مالك الا دعوتن عَلّه تجيب

من تردت قيمتك مالك اهل=خالفت دنياك هقوات النصيب

علمك امسى من مراقيب لسهل=خابت علومك عسى عمرك يخيب

جيت تصهل ليت مثلك ماصهل=النَعَقْ ماهو صهيلٍ يالبيب

الفكر شَبّ وشبابٍ أو كهل=ومضةٍ تضرب معاك او هي تعيب

يسبر اغوارك ومن بيرك نهل=يخبر العالم عن اسرارٍ تغيب

جيت لك ناصح على مهلٍ فهل=تسمع اللي يعرف العلّه طبيب

ادع ربك يمكن الدعوه تهل=تفرج الكربه وتطفي لك لهيب

غيرها والوقت الاقشر ما مهل=كم حسودن مات من حسرة صحيب

جائز المليحان
06-11-2010, 07:51 PM
انتهيت ومالك بقلبي غلا
....... // راحت العشره مع إقفاة النصيب

الوَلا ما عاد هو باقي وَلا
...... // والوفا ما عاد له سهلٍ خصيب

انتهيت الحب روّح وإنجلا
..... // سهم ما عاده لمعلوقي يصيب

جائز المليحان
06-11-2010, 07:52 PM
لا تقول الحب لعب ومهزله
.... // كم حروبٍ سعِّرت سبة حبيب

جائز المليحان
06-11-2010, 07:54 PM
انا اشهد اني طحت ما سِمّي علي=والعشق مندوبه يفيض من العذاب

واقف على حد الوله اغلي غلي=لا الصوت ينفع والمسج يبقى سراب

قربه هَنا والبعد يصلاني صلي=في غيبته معمورتي ارضه خراب

تعبت اجاهد جفوته كني سلي=العمر فاني والعوض صار اغتراب

اقولها والقلب ماهو به خلي=مزنه روى ريع المحبه والهضاب

اصبحت اهذري بالموده وانجلي=للكل بيّنت الخفا دون احتساب

رضيت به لو كان ياليني ولي=ناره عَمارٍ جعل عاذله التراب

وانا اشهد اني طحت ماسمّي علي=ياللي اصبتن لا تزايد بالعذاب

جائز المليحان
06-11-2010, 07:56 PM
اللي غذاه الوصل ينحل بدونه
.......... // تمسي حياته بالرغد ضك وهموم

حـيٍ و جمر الشوق احرق جفونه
......... // امن الوله يقلط على الصعب ويسوم

بـايع هقاوي لجل ناسٍ يبونه
........ // كافر بعلمٍ يودع الحب مقسوم

كـلمه تقال وحالف إلا يصونه
...... // لولا سطاها ماتعذر عن اللوم

جائز المليحان
06-11-2010, 07:59 PM
خلك على مبدا الصـدق والصراحـه
شخصٍ تبناهن على الراس تاجـي
وان قــل مــردود الـحـلا والسمـاحـه
عند الولي من يمسك الحق ناجي

جائز المليحان
06-11-2010, 08:11 PM
والله إني لملي الصفحه عشانك=وانتثر لك ود واطلبك السموحه

كيف لا والعشق حيٍ في زمانك=كيف لا والقلب ينشدكي طموحه

جائز المليحان
07-11-2010, 05:58 PM
http://www.weelan.org/misc/weelan_35272.jpg





كم .. حذّروني .. من .. غلاك=واقول .. قلبي .. هو .. يبيه



قالوا.. حرامي .. من .. وراك=وانطق .. براضي .. واشتهيه



الحب .. اعماني .. بهواك=والفكر .. عيّا .. يزدريه



اضيق .. بالضيقه .. معاك=وافرح .. لفرحك .. واهتنيه



حتى .. تبيّن .. لي .. خطاك=عزي .. لجاشٍ .. يرتجيه



ما عادني .. راغب .. رضاك=ولا عاد .. نفسي .. تحتريه



طوّحت .. ارضك .. مع .. سماك=اخفيت .. كونك .. دون .. ايه



خلاص .. قررت .. الحراك=من دون .. حبٍ .. او .. شبيه



وان كان .. قلبي .. ما جفاك=خذه .. ما عاد .. إنّي .. ابيه



هذي .. حقيقة .. منتهاك=واللي .. يحبك .. هو .. سفيه

جائز المليحان
19-11-2010, 03:14 AM
الراي بين الناس مخطي على مصيب=متأرجحن مابين هذي وهذي

واللي تعدا للعيا ما نفض جيب=مسكين عظمه من قفا الخلق غاذي

ياهيه ياللي ماصعدت المراقيب=يمناك تقصر واللحم منك هاذي

خلك على مربى الوطا والقصاصيب=ياتايهن بالبصر والزول شاذي

إياك تقربني تذوق العواقيب=درب السلامه دوّره ثمّ حاذي

هذي نصيحه من قبل مفقد الطيب=ما كل نفسٍ تستطيعه وتاذي

والله لنوّع بك نماذج واعجايب=منها تصيح : الموت من وين خاذي؟

مار انثبر لتقول صعبه لك اجيب=ماتسترك مغشى وخلفه تلاذي

جائز المليحان
25-11-2010, 07:23 AM
الرجال اصناف والدنيا دروس=والبشر مافيها رايه او علم

والحظيظ اللي تربى مايحوس=نايفٍ يبقى على روس القمم

من قديم الوقت والهمّه ضروس=عاليه لو كان ما تملك قلم

مارضت بالضيم او بعض الجلوس=دون حلمه ما تصاغى للرمم

وان سمعت القاف او نبض الهجوس=تدري ان العز مبناه الألم

جائز المليحان
25-11-2010, 07:25 AM
ذيبٍ عوى لج الضلوع المحاديب=هز المسامع يوم بالصوت نادى
جاوب صدى والصوت لا جاوب يجيب=خافي الحشا يوم الحشا له تنادى

جائز المليحان
25-11-2010, 07:27 AM
إن كان ظنّك بالهجوم السلامه=يمناك تقصر من خطا الظلم والزور

ما كل من يسبق ينول العلامه=والكذب عزمه للملا غصبٍ يخور

لا تفتكر انك رقيت القرامه=مثلك على ماقيل في جرهدٍ بور

تستاهل الخيبه ولا لك ندامه=ياكيف تنسى ان الزمن وقت ويدور

مار انتبه للوعر وارض العدامه=قدامك المشوار ومن بعده السور

وان كنت تبغى النصح وفج الظلامه=يمناك صوبنها عن الظلم والزور

جائز المليحان
25-11-2010, 07:30 AM
عيدك تبارك الا عيدي تبارك=في حضرتك العيد عندي بعيدين

ياليتني محظوظ قربك ودارك=ابقى على نهج الفرح والفرح زين

او ليتني بالحيل جنبك وجارك=والله ماتبعد عن الفكر والعين

العيد عرفك والبقا في شعارك=كلمه ثمينه باقيه عندي لدين

امنّتني حفظه وأمنّت كارك=نبقى على درب الوفا والغلا لين

احظى بشوفك واهتني في مدارك=واروي ضمى عاشق تأزم من الشين

النار حيه والرجا ضم نارك=برد الشتاء ماينفعه ضم الاخوين

بالله مامرك مسير وزارك=طيفٍ يشابه صاحبك يشكي البين

بالله ماحسيت في يوم شارك=واثلج شعورك مثل ما تثلج يدين

بالله ماظنيت مجنون بارك=مدمن ولا يمكن يفارقلك العين

هذا الهوا مركوب والطار طارك=من وين ما تبغاه يمشيلك الفين

وعيدك تبارك الا عيدي تبارك=رسالتك تعني لي العيد عيدين

جائز المليحان
25-11-2010, 07:31 AM
لا زلت اهني النفس واقول حظه=توه تعدل يوم ربي لكي جاب

عيدي تبدّل والسعد بان رظه=مضارب الفرحه تبدت للاصحاب

ياضي حالي يوم قلبي يخظه=غرون تمكن بالحشا ضف الاعجاب

كف الغلا والشوق راكد ولظه=احيا عروقن بالهوا واهجه ذاب

الضيق ليلن والهوا غصب قظه=والروح صارت تذكره دون ترتاب

الله واكبر كيف الاشواق غظه=مشاعرن تنقل من ركاب لركاب

بدلت ثوبي وارتضيت المغظه=وهيّفت يم اللي تناصوها الاحباب

مدينتن مافيها راجي مفضه=الانس فيها عمدةٍ فاتح الباب

ولازت اهني الروح واقول حظه=مدام رويان الغصن حي ما غاب

جائز المليحان
25-11-2010, 07:33 AM
زمجري يحروف شعري شعللي قاف القصيد=جمهري بالشعر قومٍ ماتحب الجمهره

جرهديهم يالنوادر زلزليهم بالوريد=علميهم بالمعاني كيف شعر المقدره

شاعرٍ قافه تعلا يوم منطوقه فريد=شجرته في كل غصنٍ تورق وفيها ثمره

ونوّه اللي لا تجلى واضحٍ لو هو بعيد=لو يكون النوّ جره من قلم في محبره

تجتمع حوله مشاعر واتعصّب له اكيد=تثبت لقلب المنافق كيف كان ومحقره

هاجسي لامن تبيّن يحتضن هرجٍ سديد=يسبر اللي مايشاف بعين ثمٍ يحضره

طاحت اشباه الحثاله دامها مثل العبيد=ماتعلم لين تضرب لين يوطى صابره

شايشه وقت العوافي قبل مايحمى الحديد=خانسه عند الحقيقه ثاويه في مثبره

آسم رقابه نكايه وسمي يصبح له نشيد=كل يوم تعانق اسمي راكزٍ في منحره

وزمجري يحروف شعري مثلكي لا مايبيد=النحت في الصخر ماهو مثل بعض الابخره

وافهم افهم يا صغيّر دامك بجوي بليد=الحشو مايدحم إلا من يشابه ناظره

اهد وارتع بالفضاوه مالك بهام الشديد =شيٍ أكبر من مقامك يوم صنفك مبزره

جائز المليحان
25-11-2010, 07:36 AM
روحي معاهم جعل دربك سهالات=انا مع ذاتي وصادق كلامي

ماتغرني الضحكه ونثر البشارات=والود غير الحب غير الغرامي

جيتك وفا واخلاص وحفظ المقامات=وارفع مقامٍ مايراعي مقامي

جيتك اخو جيتك وليفٍ ورايات=جيتك على كل الامور القرامي

وان كان بالفرقى جمايل وغايات=روحي عسى درب الجفا لك سلامي

اقولها والفكر يرثي البدايات=والجوف حافظ قدركي والعظامي

جائز المليحان
25-11-2010, 07:41 AM
الهوا لو قالوا انّه مايسير=واقفٍ للخِل الأول مامضى

اشهد إّنا ضعنا في عتم المصير=الرجال تموت والحسره قضى

لكن إن الكذب والحبل القصير=ماعثى بالحال ولا شب الغضى


الهوا مجنون واموره تِغير=تسلب الاشواق وتعيش برضى

والهوا مطيور لا جيته تطير=فوق ارض الحب عايش بالفضى

والهوا في قربه اوضاعك تنير=الحظيظ اللي بمندوبه حضى



والهوا لا راح أنّبك الضمير=جمرته تودع حياتك باللضى

لكن انك ماتموت ولا تبير=تلقى من ينجيك عن حرّ الشظى

يعني قول ان الهوا لا مايسير=كذبةٍ ماتنزرع بارض حضضى

جائز المليحان
25-11-2010, 07:44 AM
قالت :=

يانور قلبي يا غلاه وهيامه=قلبي على شوفك شفوقن ومشتاق

حبك غزا قلبي وعزز سهامه=ما عاد لي حيله على البعد وفراق

فقلت : =

ما عاد لي بالخلق ودرق الملامه=بشت الحيا لجلك رميته بالاطلاق

نورك شفا جرحي وقض الظلامه=والعين من غيرك فلا تقبل عناق

جائز المليحان
25-11-2010, 07:47 AM
سعدت بالكيبورديه الصباحيه من الغالي ابن نفج

وكان هذا ردي الكيبوردي الصباحي عليها






حيث كانت قصيدته تقول :









يــــــا صــــــا حـــبـــي يــــــوم الــخــلايـــق مـهــاجــيــع

عــيـــنـــي لــقــلــبــي مــــــــا رجـــــــــت بـانــتــفــاعــه ..





كـــــــل يـــــــوم تـــشــــرب مـــــــن عـــذابــــه قــراطــيـــع

و الـقـلــب ضــايــع فــــي هـبـايــب ضـيــاعــه..





يــــــــا جــــايــــز مــلــيــحـــان مـــــــــا هـــــــــي مـــرامـــيـــع

قــــــل وش ســبــايــب عــزلــتــه و انــدفــاعــه ..





بــعــض الــهـــوى خــلّـــف قــلـــوب ٍ مـواجــيــع

و اعــلـــن عــلـــى دنــيـــا الـمـحــبــه وداعــــــه ..





و راع الــهـــوى يـطــلــع صـــعـــاب الـمـطـالـيــع

يـــرقـــب عـــلـــى زيــــــن الـــحــــلا و اتــبــاعـــه ..





يـتـبـع حـسـيـن الــوصــف مــــن ريــــع ٍ لــريــع

و يــقــيــس جـــرحـــه بــالــزمــن و اتــســاعــه ..





و تـــــال الــهـــوى حـــــب ٍ تـــلاشـــى بــتــوديــع

و الـحــب يـــا المـطـنـوخ يُــطــوى شــراعــه ..





لــــيـــــت الــــهـــــوى يــــومـــــر بــــالايـــــام و يـــطـــيـــع

ليا قلت هوّن قال : سمع ٍ و طاعه ..









فكان الرد الكيبوردي السريع يقول :







أهلاً هلا باللي لفونا مجاميع=نفرح بهم كالمزن عقب انقطاعه ..

( يابن النفج ) ( يا سعد ) ( يا مخالف الهيع )=( يا زارعٍ ) بالجاش ود الجماعه ..

قافك لفا ولّع بي اليوم توليع=جدد حروبٍ ما بغيت اندلاعه ..

يالشوشلي ان كان حصّلت توديع=غيرك غشاه الهم دون الوداعه ..

لصبح كئيب مفرع الراس تفريع=واليا غفا هجره يقض انجضاعه ..

ينعى زمانٍ ماحدر به مداميع=لاشك فاض الدمع عقب ارتفاعه ..

لولا الحيا بالضيم للعالم يذيع=ينثر خفا زفرات نفس ومجاعه ..

عزمه وباسه صابهن بعض تقطيع=والدين صمام الهوى عن صياعه ..

خِله جفاه وحالفٍ له فلا يبيع=مجنون يسمع بالوفا من طباعه ..

يعني هفا بالعشق او شارف يضيع=واللي يحوف الحب يحرق صباعه ..

مار امطخ اليمنى وقبّل بتنويع=احدٍ يجيه الخل يعلن وداعه ؟ ..

هذي الحقيقه لو مشاعرك ما تْطيع=لاتقرب الرجعه ولو بَه لِمَاعه ..

والوقت قاتل للقهر والتراويع=والغصن الاصفر لا حيا طال باعه ..

العشق يقشع سابق العشق تقشيع=واليا انزرع بالوصل زان استماعه ..

هذي نصيحه كان ودك لي تطيع=الذكرى افضل من تمني رجاعه ..

وان قلت .. لله .. ماني لشورك مطيع=ابشر بمندوب الخطر واندفاعه ..

نسلب لك المجمول نفدع بتفديع=غصبٍ ينيخ لخافقك .. ما ستطاعه ..

لاشك ما بدّل فراش ومهاجيع=إلا كريه الصنف لاقي بضاعه ..

لكن على ما يشتهي .. امرك .. نطيع=كله ولا تبقى اسير الضباعه ..








وسلامتكم

جائز المليحان
25-11-2010, 07:50 AM
جيتك على كف الوفا فااارد يديّ=وانته بعد ذوق الوفا تقول : باروح

العين لا سالت من فجوجهااا الميّ=تعني همومٍ ترعد بخافق الروح

تكفى تدارك حالتي يابعد حيّ=القلب من خوف المفارق بدا ينوح

جائز المليحان
25-11-2010, 07:53 AM
وينها دنياج غيّبج القدر=ضاعت سنيني اراجي ترجعين

الجفا حسره تضيّج بالصدر=فوق قلبي ترتمي غصب وتبين

ليتني ماخترت بالدنيا بدر=النجوم ألوان لكن ما تعين

وليت فكري بالهوا نهجه غدر=كان يقبل بالخشاش وبالسمين

وينها دنياج غيّبج القدر=لولا خاطر شوفتج ما قلت وين

جائز المليحان
25-11-2010, 07:56 AM
ياليت قلبي بالهوى ما تعلّق= ما كان حالي بالخفا يكسر الحال

ما كنت اهلّ الدمع مزنٍ تخلّق=زخٍ على خد الوله يكتب أحوال

كم لي أداري والمشاعر تطلّق=تنشر حقايق للغلا تكشف البال

اشتاق له والعشق نجمٍ تألّق=زيّن سما هايم تغشّته الاهوال

ياليت جاشي ما فتح ما تغلّق=ما كان تاه الفكر والودّ والفال

اليا بغيت الوصل قام يتزلّق=لله ولا الزئبق يضاهيه بافعال

وشلون اجي له واحتوي واتملّق=رجمه وعر متخالفه فيه الاقوال

ولو قلت حبي للرجوم يتسلّق=ما تنفعه والخل يرضع من انذال ؟

ضاع العوض من يوم ثوبه تشلّق=حتى الصبر من جمرة البعد ما مال

راس الحلا لا صار دوم يتصلّق=بالجور محقونٍ وبالضيم همّال

ودك تفكه دام هامه تفلّق=الضرب بالميت فلا يعدّل الحال

ياليتني ابقيت بابي مغلّق=اسلم من النوحه على ذيك الاطلال

وياليت قلبي بالهوى ما تعلّق=ما كان جبت العيد وبينّت الاخمال

جائز المليحان
25-11-2010, 07:58 AM
راح وفكره اني بجلس واتبرّا=مادرى ان الصداقه غير غير

الغلا ماهو مثل ماهو تورّا=والهوى غير الموده غير غير

راح ولكن للحقيقه ما تحرّا=فكره ماهو مثل فكري غير غير

جائز المليحان
25-11-2010, 08:01 AM
لا تقول ان الهواجس تستريح=الهواجس ما تبي منك شفقه

ما تشافى ما تهاون ماتبيح=لين تكسب من على النخل عذقه

جائز المليحان
25-11-2010, 08:05 AM
قالت : هويتك والغلا هايمٍ فيك=والعين ياعيني رجاها تشوفك

قلت : الهوا عذبٍ ومتمسكٍ بيك=والروح ذهلى من تكامل وصوفك

قالت : طويتك للوفا والوفا ليك=باللين ياخلي اجيك واحوفك

قلت : البقى بالوصل وبالوصل احييك=عهدٍ عليه يالحلا ما اعوفك

من بعدها واوضاعنا هيك في هيك=مره كذا ومرات يمكن تروفك

متذبذبن حال الهوا لوهو يعطيك=ذي حكمةٍ يا سامعي لا تطوفك

جائز المليحان
25-11-2010, 08:07 AM
يبقى الجهل عنوان فكر المهابيل=اليانحرث فاحت خوافي سذاجه

علاجهم لا شفتهم بالمقابيل=حقر السفيه ومرتضين السماجه

جائز المليحان
25-11-2010, 08:08 AM
اشيم عن هرج الخفا والحثاله=من طلعتي مانزل لهم بارض وسلوم

مالي بهم بالطيب ربع وزماله=لله ولا يلحق مقامي بهم لوم

جائز المليحان
25-11-2010, 08:09 AM
الله يلوم اللي يلوم المواليف=لاصار لبس الخل لبسٍ إلهي

محلا من النظره وفتح المظاريف=إلا لذيذ الطعم لا صار راهي

جائز المليحان
25-11-2010, 08:11 AM
تبقى الحثاله في زمان الحثاله=متنومسه ظنه على الراس والعين

جائز المليحان
25-11-2010, 02:59 PM
ياعيونٍ كل ما ناشن فرح=حال دون الفرح مندوبٍ حزين



كن سايق سعدهن منهن طرح=فائهن للتاء سوّد بالسنين



صار نبض الروح ترجامه ترح=واعذاب اللي حياته ماتزين



لو يشين الوقت او خله جرح=قال عادي بالنوايب مغتذين



ماعرف للانس او عمره مرح=من حياته بالمصايب للدفين



مره قالوا انه بالصدفه سرح=في مغبة انشغال العاذلين



قالوا انه للغظي هاض وشرح=بيّن الخافي على كف الونين



وقبل ما ينهي الحلم صابه قرح=وانتبه والاهو بارض العابسين



هن عيونٍ عانقن فرحه ترح=كلّ ما لمسن سعد امسى غبين



ناصباتن بالتعاسه له صرح=مايهده عزم او حظٍ سمين

جائز المليحان
05-12-2010, 01:01 AM
أكبر قهر دفعتي للطيب والجودي=والعاقبه قطعة اليمنى من اقصاها

ياصاحبي هالوقت لو كنت كالعودي=جمر الردى يحرق الطيبه ويشناها

ضريبة القرم لامن عانق سنودي=ضرب القفا بالخفا والظلم يزهاها

حسبي على اللي غدا بالخلف ماجودي=من حرّته يزرع الكذبه ويدراها

لا خايفن خالقه ماله عن النودي=متزهمل الناقصه متعصّب رداها

اكبر طموحه يصيب الطيش بارودي=لا واحسافة اماني ضاع مبناها

مايدري ان العطا من شيمة جدودي=والروح تكسب من الافعال احلاها

اشيم عن هافي الكلمه ولازودي=والحقره قَسْم العفن لا زاد يلقاها

مالي بهم يافتى قاله ولا ردودي=دار الخلا نزلهم بالصيف وشتاها

ياكود نشمي نعد بعرفه الفودي=ارضه كريمه ووبل العز اسقاها

في هرجته كنّه القاضي وموعودي=منه الزلل غايبن والكبد ماذاها

يسخا بكف الوفا ويجسّر عضودي=وانا على مامضى اماثل اعطاها

اكبر قهر غلطته ان جات بحدودي=ان كان مقصودها للعين اعماها

ان كان برق الحسد يلوح بصعودي=برقي على ديرة المذكور ما جاها

ماكنت اعرف البشر وانه كما البودي=هياكله لامعه والزيف يكساها

حتى لفت غارقه بالبهت والكودي=وقته عرفت الجسد يشكي طغا عظاها

لا صار قلب الفتى غاير وملهودي=ظليمة النفس تسهل حين بغضاها

اكبر قهر دفعتي للطيب والجودي=والعاقبه عضته لليمنى واقصاها

ياصاحبي بهالزمن احذر من العودي=للسَلّم الاول مدام الخلق بعياها

واياك تحكم على الازوال والبودي=حتى تشوف الصدق عامر ويهناها

عند النجاح اتحضر وتقول ياسعودي=يمناك هاته ترى يمنايه غطاها

اقولها والخطا مابيّح سدودي=يالله عسى ظالمي بالنار ولِّظَاها

عيون المها
05-12-2010, 11:47 PM
حروفك موسيقى جميله

ونبض رقيق جميل وعذب

كما هي حروفك دائماً تنساب بكل هدوء لتصل إلى القلب دون إستئذااان

رائع رائع هذا الهطول

صح كلك وسلم قلبك


ودي وتقديري

جائز المليحان
06-12-2010, 01:48 PM
أهلاً بكِ سيدتي
وحضور بلا شك افخر به وأماري
فشكراً لكِ ولتعطيرك متصفحي المتواضع

اخوك ابو احمد

جائز المليحان
06-12-2010, 09:52 PM
العز عز البلد من عز حكامه=معهم يفج الفضا ويعانق القمه

مدامت افكارهم اتوافق احلامه=العز يصبح بسيطٍ في ذرى الهمه

محدن تعزوى الردى ويعاشر اعلامه=ويمسي امير البلد ويبت للامه

اللي يعد الثرى من حسبة رمامه=ماهو بكفون يكف زحول ملتمه

وفي حكم آل سعود نكاوز الهامه=حتى غدينا نجومٍ تلمع مهمه

من عهد لاطم عتاة الشر وازلامه=عبدالعزيز الموّحد فارج الغمه

إلعهد ابو متعب الصنديد وإقدامه=وحنا على منهج التوحيد ونضمه

سياسةٍ تكفل المسلم على اسلامه=تحفظ حقوقه وتعلي الخير وتجمه

واللي لفاها معاهد يتبع إلهامه=يامن على الروح والميثاق له ذمه

هو مذهب العود الاول واظهر اسهامه=وعياله اللي تصرّ العلم وتعمه

الله يخليهم ذخر العز وحزامه=والله يمد الولاه وفضله يتمه

حكامنا جنسهم من نادر الخامه=متشابهين الوفا والجود والدمه

عليهم عد الصيام وعد من صامه=ازكى تحيه ودعوه تذهب الحمه

والعز عز البلد من عز حكامه=مدامهم باذلين الجهد للامه

جائز المليحان
14-12-2010, 04:35 AM
قالت :

هبت هبوب الشعور العذب ياجائز......والليل يسري وانا مسراي بالنيه
بالمدح لو جاد حرفي منت له عائز......والطيب ياخذ لمدحه منك ماريه


فقلت :

لاذعذع الشعر زان النظم والفائز... شخصٍ كسب صحبة اللي نارهم حيه
أهلاً هلابك وقدرك عالي وحائز... كف السما ومنك نجمه صار عاريه

جائز المليحان
14-12-2010, 04:39 AM
ياشينها وان جت من إنسان غالي=تخنق هوا العبره ولو تقطع ازرار

الكلمه اللي نكّلت بك نكالي=مجبور تبلعها ولو تخلق اعذار

لولا الغلا ماتقبل انك تصالي=جمر الكلام اللي غدا منبعه نار

قصيدة حزن
15-12-2010, 01:10 AM
لعاشقي الغوص والبحث عن الدرر


المكان هناا مليء بالنفائس


فلا تفوتوا هذة الفرصة للفوز بإحدااهاا


وأنا سأكون أولكم ..لن أبرح المكان ففيه استنشقت الجماال

شمالية
15-12-2010, 03:08 AM
جائز المليحان..

لن يعبر احد من هنا دون أن تفيض بداخله رغبة استوطان هذا المكان ؟

بدأت اعتكف......بين جنبات هذا المتصفح..

متابعتي...أخي..الفاضل

جائز المليحان
26-12-2010, 01:36 AM
لعاشقي الغوص والبحث عن الدرر


المكان هناا مليء بالنفائس


فلا تفوتوا هذة الفرصة للفوز بإحدااهاا


وأنا سأكون أولكم ..لن أبرح المكان ففيه استنشقت الجماال


كل الشكر والود والتقدير اختاه
على جميل هذا الحضور الذي تشرفت به وخالقي
اخوك ومن سعد بتعقيبك
ابو احمد

جائز المليحان
26-12-2010, 01:37 AM
جائز المليحان..


لن يعبر احد من هنا دون أن تفيض بداخله رغبة استوطان هذا المكان ؟

بدأت اعتكف......بين جنبات هذا المتصفح..


متابعتي...أخي..الفاضل


كل الشكر والود والتقدير اختاه
على جميل هذا الحضور الذي تشرفت به وخالقي
اخوك ومن سعد بتعقيبك
ابو احمد

جائز المليحان
26-12-2010, 02:15 AM
انشوده ولا اروع

http://www.youtube.com/watch?v=lwBq8jI3ikY

جائز المليحان
26-12-2010, 02:16 AM
تصميم لنص : اشد ما يمضي على الشخص لا فاق

للمبدع والحنجرة الذهبيه .. وصاحب الجميل الذي لن أنساه ما حييت

فايز الفايز



http://www.youtube.com/watch?v=-lYBJYD9lrY

جائز المليحان
26-12-2010, 02:20 AM
وكذلك تصميم لنص : شق الفضا

http://www.youtube.com/watch?v=L9pT1VUrPKw

سعود الزلع
27-12-2010, 08:22 PM
جـائز المليحـان

عندما تكون صناعة الحرف في مصانع المبدعين امثالك بهذه الطريقه المبهره ..

فغصباً عن انف الذائقــه .. اقول لك انت مدهش ..


سوف ابقى متابع أيها الطوفـان ..


جل الاحترام والتقدير

عيون المها
29-12-2010, 02:02 AM
تشبثت بِ أجْنِحَةُ حُروفك

لِ تُحلقُ بيَ هُناكَ نَحو القمم

هُطُولك له عطر خاااص


دام بوحك الراقي وإبداعك الانيق

عبدالرحمن الحميدي
30-12-2010, 09:27 PM
الـعــشــق قـضـيـنــا جـديــلــه وذاتـــــه
حتـى سبرنـا خافـي العشـق بـالـذات
يـامــا دخـلـنـا فـــي غـيـاهـب عـبـاتــه
ويامـا نهلنـا مـن حـلا الحـب بسكـات
بـعــض الـبـشـر لاذاق حــلــو بـلـهـاتـه
افـصـح بـهــا لـلـكـل وبـالـكـل آفـــات
ودك الـى شفـت الهـوى فــي حيـاتـه
بشويش تشـرب منـه وبشويـش تقتـات
قـطــره تـبــل الـكـبـد حـتــى وفــاتــه
اوفق من الجغمه تجي عقب ما فات


واصل يابو احمد وإن شاء الله الحقك وانا أقرا

جائز المليحان
03-01-2011, 05:54 PM
كيبورديه ..



بعد قراءة قصه مؤلمه ... <<< يتأثر بالقصص أحياناً



.

.

.

.



فتقبلوها على لسان حال : صاحبها





ضاق صدري .. بالمكان .. وضقت .. منه..!!=والبعض .. في .. قربه .. يتوه .. الامان..!!

دام .. من .. يضحك .. الى .. صديت .. عنه..!!=عالج .. ضلوعي .. بطعناتٍ .. ثمان..!!

الشرف .. والنسل .. وناسي .. وشهو كنه..؟؟=والبهت .. والجور .. واوزار .. الطمان..!!

والقدر .. والعرف .. ونفسٍ .. مرجهنه..!!=غافله .. والغدر.. تمم له .. ثمان..!!

ضاق .. صدر .. ومايلام .. بقولة .. إنه..!!=ضايقٍ .. بالخلق .. واضلاع .. المكان..!!

اليمين .. اللي .. تعضك .. لا .. تقنه..!!=وشلك .. بيمنى .. تلبسك .. الهوان ..؟؟

واللي .. جرحه .. من .. قريبه .. وش .. تظنه ..؟=يسعد .. بشوفه .. ويقبل .. بالمهان ..؟؟

ضاق .. صدر .. ولا يلام .. وحيث ..إنه..!!=ضايمه .. سمّوه .. بحزام .. الزمان ..!!





بئساً لكل رجلٍ سلب مال أيتام

بحجة أنه وكيلهم والقائم عليهم

.

.

بئساً لكل أبٍ متنكر

تزوج في الخارج

ثمّ تنكر لأبنائه من تلك الزوجه

.

.

بئساً لكل من كان من المفترض أن يكون

عوناً لشخصٍ على هذا الزمان

فكان فرعونا

.

.

.

ختاماً



بؤساً لكل غادرٍ أو متنكر

ماجد عبدالله
08-01-2011, 04:37 AM
صح اللسانك ابواحمد والله جزل وبقووووه

تم الحفظ في المفضله للمتابعه المستمره

http://7lema.up4arb.com/uploads/49a86563f5.gif (http://7lema.up4arb.com/)

جائز المليحان
11-01-2011, 02:10 AM
جـائز المليحـان

عندما تكون صناعة الحرف في مصانع المبدعين امثالك بهذه الطريقه المبهره ..

فغصباً عن انف الذائقــه .. اقول لك انت مدهش ..


سوف ابقى متابع أيها الطوفـان ..


جل الاحترام والتقدير


اخي الكريم

بل انا من يترنح خجلا من مرور هامةٍ كهامتك طال عمرك
فلك الشكر والود والتقدير شاعرنا المبدع

وكن بالقرب دوما فعنك لا نستغني يالامير
اخوك ومتابعك في متصفحك على الدوام
ابو احمد

جائز المليحان
11-01-2011, 02:12 AM
تشبثت بِ أجْنِحَةُ حُروفك

لِ تُحلقُ بيَ هُناكَ نَحو القمم

هُطُولك له عطر خاااص


دام بوحك الراقي وإبداعك الانيق


ودام هذا التواجد العطر والفخم والباذخ الترف
سيدتي ان لتواجدِ طعم ونكهة وحياه
فلا حرمني من مثل هذا الحضور الذي اتشرف به
اخوك طال عمرك
ابو احمد

جائز المليحان
11-01-2011, 02:13 AM
تعبت اهوجس في رضاك و وصالك=القلب يرجي والفكر رافض الحال

هي معضله اجمعك ويا خيالك ..؟=او كايده ان قلت لك صبرنا طال ..؟

جائز المليحان
11-01-2011, 02:14 AM
صح اللسانك ابواحمد والله جزل وبقووووه

تم الحفظ في المفضله للمتابعه المستمره

http://7lema.up4arb.com/uploads/49a86563f5.gif (http://7lema.up4arb.com/)





بل انا سيدي واخي والقريب من القلب
من يتشرف ويسعد بتواجدي من ضمن اشيائك
كل الود والتقدير والثناء اللا محدودين
بتواجدك ها هنا
اخوك ومحبك في الله على الدوام
ابو احمد

جائز المليحان
11-01-2011, 02:18 AM
الـعــشــق قـضـيـنــا جـديــلــه وذاتـــــه
حتـى سبرنـا خافـي العشـق بـالـذات
يـامــا دخـلـنـا فـــي غـيـاهـب عـبـاتــه
ويامـا نهلنـا مـن حـلا الحـب بسكـات
بـعــض الـبـشـر لاذاق حــلــو بـلـهـاتـه
افـصـح بـهــا لـلـكـل وبـالـكـل آفـــات
ودك الـى شفـت الهـوى فــي حيـاتـه
بشويش تشـرب منـه وبشويـش تقتـات
قـطــره تـبــل الـكـبـد حـتــى وفــاتــه
اوفق من الجغمه تجي عقب ما فات


واصل يابو احمد وإن شاء الله الحقك وانا أقرا


ياهلا

ويا مرحباً بالعشير والامير الغالي

اهلاً بك اخي واديبنا الحميدي

وانا وخالقي من يسعد بتشجيعك هنا ومرورك العذب والعطر
كل الود والتقدير والثناء لمرورك الجميل هذا

اخوك ومحبك في الله
ابو احمد

جائز المليحان
11-01-2011, 02:21 AM
كيبورديه / مرسله للشاعر المبدع
محمد بن موسى



يابو فهد اقرب نبي نسمر شوَيْ=نطرح هموم الوقت نلعن ثواها

اضبط لنا الدله على الكيف ياخَيْ=ومن خبرتك احكر لنا زل ماها

نقطع ظلام الليل من واهج الضَيْ=حتى الملل يفنى لشدة لظاها

سوالفٍ يفطن لها نابغٍ حَيْ=وما كل من يقرا يترجم خفاها

البارحه والقرص في غيهب الفَيْ=تشابهت به نِدرها مع قطاها

توافدوا في ساحتي صاحي وعَيْ=ومطنوخْ ومتنكر وماشي بعماها

الحظ قرّبهم وجمعّهم الغَيْ=ياصاحبي ماهي على ما تراها

رد الخبر بل الحناجر من المَيْ=الراي مزنٍ وانت تملك سماها

الصمت مخطرْ كاويٍ خافقي كَيْ=منه العلامه تايهه في مداها

تعبت اراقب باحتي يابعد حَيْ=ياكيف ابعرف غايتي وش تراها ؟

جائز المليحان
11-01-2011, 02:22 AM
ياتاج راس البيض طال انتظاري=ياملهمة شاعرك في كل ما جاد

عينك مبيت الزين سبة دماري=وجيدك دفا قلبٍ من البرد قد باد

العاطفه تنثر رحيق احتضاري=في غيبتك يا خلفة الروح والزاد

يامزنةٍ اروت جراهد قفاري=منكي عبير الورد و العشب زبّاد

اتوه في حبك واحث المساري=لجلك تهون امورٍ عظام وكواد

وختامها ياميرتي في قراري=عسى حشا جوفك يضفن بلا نداد

جائز المليحان
11-01-2011, 02:25 AM
قلت احاول آتسلى وآتلهى واستدير .. !!=......... واترك الدنيا وراي وما عليَّ من علم .. !!
كنت عازم مادريت ان المحاني تستخير .. !!=........ والعيون ان وافقت مضنونها تنسى الألم .. !!

جائز المليحان
11-01-2011, 02:27 AM
الجادل اللي ما تلد لأي عين وأي لون=أرويت ضامي شفها حتى غدت بي هايمه
ما عاد تنظر للمدى لالا ولاتنظر لدون=دامي نسايم فرحها ارضيت كيف الصايمه

جائز المليحان
27-01-2011, 03:44 AM
ياصاحبي .. منّي ..[ تحمّل ] ../ عتابك=لولا .. الغلا .. ماجيت .. وابديت / مافيك

الله .. وكيلك .. كل .. مالشوق / جابك=او ذعذع .. الشرقي .. غديت / بطواريك

جيتك .. وفا .. والقلب .. مجروح ../ نابك=ياكيف .. تغدر .. خافقٍ .. كان / حابيك .. ؟

زهمتك .. [ بحبي ] .. وحضرة ../ جنابك=ماتندهن .. إلا .. [ بخاين ] .. / مماشيك ..!

سابقتني .. بالظلم .. تنشر .. / سرابك=وانا .. كسير .. الود ..محتاج ../ ظاميك

تبخل .. علي .. بقول ..حتى ../ هلا بك=وتجود .. في .. نبش .. الخطايا .. / اياديك

ياشين .. لو عمري .. بغاك .. / وزهى بك=كثر .. الزعل .. يِمحل ..[ مرابع ] ../ اراضيك

فان .. كان .. سجّاد .. التغلي ../ سرى بك=غلطان .. ماني .. بالمحبه .. / متوليك

اشيم .. عن .. جورة .. هواك ../ وقرابك=الموت .. اهون .. من .. [ مسمّاي ] ../ واليك

جيتك .. وكل .. منهو .. حولي .. / درى بك=انك .. / عديم .. [ احساس ] .. ولاعدت ../ راعيك

جيتك .. اقض .. [ الوصل ] .. لو هو ../ سطا بك=من .. حرّة .. الفرقى .. [ خناجر ] ../ توازيك

خلاص .. روّح .. في .. متاهة ../ عذابك=انا .. غسلت .. القلب .. عن .. [ سمّ ] ../ تاليك

لا تنتظر .. رجعه .. لحضرة ../ جنابك=لو .. ذعذع .. الشرقي .. وكثرة .. / طواريك

جائز المليحان
27-01-2011, 03:45 AM
زرعت في سفح الامل ود واحلام=وبنيت دارٍ ثابته في عمدها

ماكنت اظن الوقت يقلب بالايام=واعيش من بعد الفرح في لهدها

هذي حقيقة من تبع بعض الاوهام=لصبح صباحه بان له قصر امدها

واهمي اللي كل ماقلت ينضام=نار الفتن للسعد باسه خمدها

حتى غديت بغيهب الضيق ضرغام=من جور حظي ماشقيت باحدها

وياخل قلي وشبه الحب ما دام ؟=وياكيف نصبح كالعيون ورمدها ؟

عِشره طويله كنت لك عز وحزام=درب المهالك لجل قدرك اردها

لبست جلباب الفقر وانت بنعام=وحمست دم الروح دامي فهدها

بقيت لك هاوي وراغب ومقدام=وجازيت قلبي بالصدود وجحدها

عمري غدا بسنين من بعد الاعوام=وبرد الجفا حت الغصون وجمدها

ياهيه قلي وش به الحب ما قام ؟=مادمت انا ارضك وكلك مهدها

معقول من فج الوفا وبالوفا حام ..!=عض الندم من فوق اصابع عددها ؟

ومعقول ان الحب في حضرتي نام ؟=وإلا النوايا من صدق ماحمدها ..؟

يانبتةٍ غذيتها بكامل إلهام=هاتي العلوم وقللي من زبدها

وكان الحقيقه من تبع بعض الاوهام=ولصبح صباحه بان له قصر امدها

مشكورةٍ والجاش ما هاب الاعدام=والروس حلّه عند والي عقدها

روحي عسى دربك سهالات والغام=واليا انكويتي فالنفوس وجهدها

واياكِ تنسين الذي بجوكِ هام=واسقاك من صافي المشاعر شهدها

لايردعك خوفك وخونك للحلام=من حب ما يكره وذاته كمدها

خصٍ اذا قدره من اقوام واعلام=شفه على الهامات وعزمه لكدها

اليا لفيتي قال يامرحبا وقام=يسلك دروب المرجله مع عهدها

وزرعٍ زرعته في متاهات الايام=غارت عليه بعض الطيور وهددها

وترجمة مادار بسمايه والاقلام=تنحت حروف الشعر وتثبت سندها

من دون ما اسهب ولا اقصر بالافلام=غاياتنا تصعب على من نقدها

ياكود متوغل وبالمعرفه زام=اللي غطاة القول عقله فردها

تمت وحرّز نصنا بحلو الاختام=وارسل لعمهوجة حشاي فِبلدها

جائز المليحان
27-01-2011, 03:53 AM
عصر الخميس اللي مضى من حياتي=روّح وأنا لازلت حافظ له أسرار

هو يرجع التاريخ ويجلب هناتي ..؟=أو ترضخ الدنيا وتقلب بالادوار ..؟

تاه الفرح حتى الامان فسباتي=ضايع ولا عوّد ولا خفف اضرار

يا سّرِ وإن خانت معاي امنياتي=تبقى في وسط الجوف يا سرٍّ نوّار

عصر الخميس اللي غدت به عباتي=روّح وأنا من ضيقة الفقد منهار

جائز المليحان
27-01-2011, 03:55 AM
هو=

ليت الذي نهواه بالوجه نلقاه=ماكان ضاق الخِلق والهمّ يسري

هي=

وليته يحس بلهفة القلب لطراه=وعن موقعه بالروح ياليت يدري

هو=

هذي حقيقة ماجرالي برجواه=يدّي على خدي والاشواق تجري

هي=

جوّد عروق الحب تله من اقصاه=ماعاد لي رجعه ولا عنه عذري

هو=

عندي بنى في شاطي الود مرساه=غيره رهيف الحس ماهو بقدري

هي=

ابيع عمري واشتري لحظة رضاه=وغيره حشى مايوم بالبال يطري

هو=

اشد قافي وارتخي في زواياه=من واحدٍ ابسط وصوفه بيغيري

جائز المليحان
27-01-2011, 03:56 AM
{ ..الجفا { .. والغدر { .. ومفارق صديق
........................ وجملة اسباب الردى ماجيبها

{.. جيت لك {.. وافي {.. على هيئة غريق
...................... والدّناءه جمّلتك بطيبها

جائز المليحان
27-01-2011, 03:58 AM
أحيان تفقد من خطا الوقت خلان=واحيان تكسب من عياه احترازه

=

ياجعل من بدّل موارده شقيان=الخايب اللي تاه فيه انتهازه

جائز المليحان
12-02-2011, 03:53 PM
في زمانٍ اقشرٍ عدّا وراح=ثارت الدمعه من اوزار الخليل

شخص اعدّه راس مالي والرباح=كنت اظنه نادر العمله قليل

مادريت ان الهوى ليل و صباح=وحب ليله يمسحه صبح الدليل

ليت حظي مانتهض مني وطاح=كسرة العظم القوي جبره عليل

وليت عمري مارضى لي بالنواح=في سبيل الوصل وظلال الظليل

ياخسارة ما زواني بانسطاح=من عميلٍ ناكر العشره ذليل

وياحسافة هاجسٍ هام السماح=امتطى العليا على صهوة جليل

الجروح النازفه تبقى جراح=مايلطّف لطمها شيمة سليل

هو زمانٍ اقشرٍ عدا وراح=جمرته لا شك ماعضّة شليل

ولو يعود الوقت لو هو بالمزاح=حالفٍ لشفي غليلي من الخليل

جائز المليحان
25-02-2011, 02:16 PM
مالت أغصان الموده وإرتخى جذع الغرام=وانهمر بالجو وبل الحب وانفاس الحياه

ماهقيت العشق ساحر لعبته عذب الكلام=يرخي اللي ما تراخى يجبرك تنطقها آه

جائز المليحان
19-03-2011, 03:14 AM
ياناس صار السبت بالحيل غالي=ألذ وأطعم من تليّات الاسبوع

يفيض بالخيرات والامن عالي=واللي نوانا بالخطر ما مطخ كوع

في عهد ابو متعب كريم السبالي=مطوّع الكايد وبالحق متبوع

حاكم لدارٍ لا وطاها الزوالي=إمدبل الشرهات والشر مسبوع

راسي كما ترسي عظام الجبالي=ماحركوا شَعره رديين الاطبوع

بلهان وإن شدوا شديد الحمالي=روّح به وفكره فلا ضاق مصدوع

مايلفته ياكود لمع الكمالي=في عين شعبه لاغدا العز مطبوع

الله يديمه للوطن والموالي=ويديم حكمه والعدو يلحقه جوع

يكفي كسانا الحب اول وتالي=ويكفي عشقنا السبت من بد الاسبوع

جائز المليحان
03-04-2011, 04:13 AM
تحادثت مع أحد الزملاء حول بعض مايتكرر من أخطاء في الشعر
من ضمنها التذكير والتأنيث بالنص وكيف أن البعض يرى النص جميل
في حين ان سبره وتبيانه يكون ركيك جداً وإن وجدت القافيه او الصور
فمن الخطأ للتذكير والتأنيث دون إنتباه
ولكنه بادرني بمقولة : طيب كيف ..؟!
فقلت له ارد عليك بعدين ^_^
وبعدها دزيت له هالنص كتبيان ودرس عملي لما اقصده انا ^_^
واقول يارب .. يكون درس جميل وواضح
والله يقدرنا على التجميل امام الكل
.
.

إن كان حبك ينعش القلب يابنت=حبي لكي انعش حياة الشقاوي
وان كان بدروب الجفا شفتني فانت=مخطي وماشي في سراب الهقاوي
انا معك ثابت وللخلق اعلنت:=انا اشهد اني طحت عند الرهاوي
ماكنت مجبورٍ ولا لخاطرك كنت=غير الوحيد اللي حيا بك هواوي
شفّي على الوصله وبالوصل آمنت=وإني بوجودك قادرٍ للبلاوي
هذا الكلام وزبدة الهرج لا هنت=انتي الحياه وبلسمٍ للقراوي

^_^

جائز المليحان
03-04-2011, 04:34 AM
http://up.graaam.com/uploads/images/graaam-1-5dd90f0b4f.jpg


أبشّرك / همّك / عن / القلب / إنزاح=روّح / عذابك / في / متاهة / عذابه
ماعاد / يهديك / التعب / عند / الإصباح=ولاعاد / يسقيك / الشقا / من / شرابه
هفوة / زمانه / عاقبة / فرحه / اتراح=وصدق / النوايا / ولّعت / في / ثيابه
مسكين / صدّق / باللقا / عطر / فوّاح=الله / يعينه / كيف / فكره / غدا به
هيمان / ظنّ / الود / مجمع / للأرواح=نسى / وتناسى / الحب / مرٍ / غيابه
غلطة / زمانٍ / ضيّعت / زين / الأرباح=زلّة / مشاعر / بيّنت / باغترابه
لا شكّ / مابيّح / خوافيه / وان / طاح=موته / ولا قولة / غدربه / سرابه
وأبشّرك / حِمّلك / عن / الظَهر / إنزاح=ومع / السلامه / دون / بحث / الإجابه

جائز المليحان
21-04-2011, 04:14 AM
حالفٍ لو زان وقتي / وإستدار=لقلب الدنيا واهدّي / هالضلوع

مار وقتي يوم عدّى / ماستشار=والبلا عقلي طموحه مو/ قنوع

زاوية إبداع
21-04-2011, 10:14 PM
اللي غذاه الوصل ينحل بدونه
.......... // تمسي حياته بالرغد ضك وهموم

حـيٍ و جمر الشوق احرق جفونه
......... // امن الوله يقلط على الصعب ويسوم

بـايع هقاوي لجل ناسٍ يبونه
........ // كافر بعلمٍ يودع الحب مقسوم

كـلمه تقال وحالف إلا يصونه
...... // لولا سطاها ماتعذر عن اللوم


كنت هنا بين هذا الكم الهائل من الابداع
جميل جدا ماطرحت خاصة هذه الابيات جدا مميزه
دمت متميز

جائز المليحان
28-04-2011, 12:14 AM
رددت عليكي اختاه
وانا وخالقي لم اعلم بانكي مررتي من هنا
.
.
شكراً لكي والجميل هو تواجدكي شاعرتنا الخلوقه والمميزه
اخوك / ابو احمد

جائز المليحان
28-04-2011, 01:02 PM
يقال بأن الصدور مقابر

ولكل حينما يُسبر الصدر

بأية وسيلةٍ كانت فإنه يبيح مكنونه

وتختلف وسائل السبر

.

.

ماسبر الصدر هنا .. لحنٌ مختلف

له نكهة خاصه وكانت ترنيمة منشده

مؤثره على نازف الحرف محدثكم

.

.

كان هذا السابر .. هذا اللحن

ناهيك عن الكلمات ..

ولكن اللحن .. له ذكرى خاصه ..

جددت جروح وأظهرت بعضاً من خفايا روح تعبانه



http://www.youtube.com/watch?v=T0df5syl0Xo


.

.






نآح الحمام وباح مكنون=ألّجم كسير الإبتسامَه

حدّر على دمعاتي النون=أغرق جموعٍ بإقتحامَه

أظهر قديمٍ كان مدفون=أحيا مشاعر من ركامَه

أثّري جريح الحب مفتون=مسرع مطيحه بالعدامَه

ياخل ماهي شك وظنون=وِدّك فلا جاه إنهزامَه .!!

تكتيك متمرس ومجنون=أودع خفوقي بالملامَه

ان جيت اسافر صاح بالعون=قلبك رخيص العشق سامَه ..؟!

وان قلت اراجع قال بالهون=ترجع وترجي للسلامَه ..؟!

حظٍ تغربل عاش مغبون=والنفس تَكمى في كلامَه

ماله ياغير الستر وردون=وإلّا السكوت وابتسامَه

وَجَرْح عِينٍ ضفّت الحون=هَمْلولها أمسى علامَه

لو هي تمنّى السّر مركون=نوح الحمامه غصب ضامَه







ختاماً ..

قد لايكون اللحن مصدر إلهام للبعض

لأن المصدر الحقيقي

.. الذكرى ..

جائز المليحان
06-05-2011, 03:12 PM
تغيب وترجع ثمّ(ن) اتروح=ثمّ(ن) تِعوّد من غيابك
تلعب مَعَ هامات وصروح=ظنّك تعاني من عذابك
روّح عساك الفاجعه روح=يانقص عقلك مَعْ زهابك
اللي تمنّى الغدر مطروح=ماضاق وقته واعتزا بك
يسبر خفايا دون ليبوح=لو كان حضرتك وجنابك
هذا الكلام وزبدة الفوح=روّح عسى يطوّل غيابك

جائز المليحان
11-05-2011, 02:01 AM
يطيب البوح والغربه تفيض بهاجس المشتاق=على نفح الهوا يخرز ترانيمه وقيفانه
يقض الوجد والمعنى تلمه تمتمات أوراق=عذق يصدح بما اخفى غرامه خلف بيبانه

جائز المليحان
11-05-2011, 07:05 PM
تتوه خطانا في قربك وقربك يعني الابعاد=على قدر الغلا يبقى جفاك موثّق اوصالك
الا ليت اللقا امسى غيابه في نهار رقاد=ولا لوّح هوا عشقك ولانطرد ورى امثالك

جائز المليحان
12-05-2011, 02:47 AM
http://forum.mn66.com/imgcache/2/341535women.jpg



إقلط تقهوى حط بالقلب مركاك=ومن عذق ضلعي إقطف اللي تريده
دام المشاعر فانيه دون ذكراك=فنجال حبك يالغلا لا تعيده
اشرب فديتك من حشا عاش يبغاك=زل الوفا وان زاد محلا مزيده

جائز المليحان
14-05-2011, 05:12 PM
ياقلبي اضرب خافقك بالخفا : x =وإنزع صحيبه وإطرحه بين الأموات

وإن صاح ملعون الثوى عالجه : بِقس=وأرهب حضوره وألجم أفواه وأصوات

اللي فرح للغير يبدي لك : العِبس=والجاش مثل الوجه متخالف الذات

إمرغ كيانه نزّله منزله : طِفس=واذبح سمين الوصل وانحره بسكات

أسيرة الصمت
14-05-2011, 06:40 PM
{..صَح لِسَانك
مُتَصَفَّح رَائِع بِرَوّعَة حرَّوْفك..
تَجَوَّلْت بَيْن صَفَحَاتِك وَبُهِرت بـ احْسَاسِك..
رَاق لِي كَثِيْرَا مَانْثرت هُنَا..
مُسْتُمَتِّعَه بـِ بَوْح قَلَمِك وَمُتَابِعَه لهُ..
بـ انْتِظَار الْقَادِم..
مَوَدَّتِي..~

http://nooralhop.com/vb/images/smilies/qaa3.gif

جائز المليحان
15-05-2011, 05:49 PM
بل الأروع والأجمل سيدتي
تواجدكِ وتنويركِ متصفحتي المتواضعه
شكراً لكي بحجم السمآء
.
.

جائز المليحان
15-05-2011, 05:49 PM
أسلّي خاطري بالمزح اعالج طعنتي بسكات=على رمضى القهر امشي وعيني تفتل حجاجه

أكابر والغدر مظني على صدري يضيم الذات=ألا وإن ضاقت الفرحه عزومي تتّبع فجاجه

جائز المليحان
16-05-2011, 06:23 PM
http://img101.herosh.com/2011/05/15/218594111.jpg



لو[ تستر ] الدمعه .. على ../ خد ../ منديل=نور [الرحم ] يبقى .. على ../ الوجه ../ بيّن

ياحاكم(ن) .. [ عينك ] من.. / اللين ../ قنديل=سحابك .. إن .. [ حدّر ] .. فلا هو ../ بهيّن

انت .. الذي../ [ طيبك ] .. غذا../ قوة ../ الحيل=عاهل .. ولا../ لك .. بين.. [ الاشباه ] ../ حيّن

جائز المليحان
17-05-2011, 02:33 AM
على عيني تشق الثوب=وعينك فصّلت غيره

جائز المليحان
18-05-2011, 07:54 AM
أبيات قديمه .. متلقاه من شيخ عن والدته عن عجوزٍ قديمه
من عجز حائل
كانت أرملةً .. وذهبت إلى أحد التجار تطلبه عوناً لها
في معيشة أيتامها .. ولكنه ردها .. وكان وقتها حكم عبدالعزيز في أوله
فأنشدت هذه الابيات :

طقيت باب العفن للورع جيعان
واقفى يدعّي جعل رزقه نهابه
.
.
ياما سهرت الليل والعفن شبعان
وياما عوينا مثل عوي الذيابه
.
.
ياعلّ ابو تركي عتيقٍ عن النار
وياعلّ عمره عدّ هل السحابه
.
اشبع مساكينن وشبّن وشيبان
اللي مساكين الجبل عند بابه
.
.
صباحيه سمعتها هذا الصباح فأعجبتني وأحببت أن أبدأ بها

سعد المطيري
19-05-2011, 08:38 AM
http://img101.herosh.com/2011/05/15/218594111.jpg


لو[ تستر ] الدمعه .. على ../ خد ../ منديل=نور [الرحم ] يبقى .. على ../ الوجه ../ بيّن

ياحاكمٍ .. [ عينك ] من.. / اللين ../ قنديل=سحابك .. إن .. [ حدّر ] .. فلا هو ../ بهيّن

انت .. الذي../ [ طيبك ] .. غذا../ قوة ../ الحيل=عاهل .. ولا../ لك .. بين.. [ الاشباه ] ../ حيّن



ياءءلله ياأبوأحمد
قدره شعريه هائله على ترجمان المشاعر ..

أرى الدموع تتكلم كيف وربك أنطقتها..



أبوأحمد انت شاعر من العيار الثقيل
ساأمر من هنا دائما ليس لشي ولكن...
لاأقرا شعر حقيقي..


أسمح لي بالمرور دائما

جائز المليحان
22-05-2011, 05:00 PM
ياهلا بك يابو فجر
ويالله حيك
تو ما نور الموضوع بتواجدك طال عمرك
وحضور انا تشرفت به فهو من أخٍ اكن له كل الود والتقدير
وصاحب مكانةٍ شعريه وأدبيه ومرجله يفخر بها
شكراً لهكذا تواجد
اخوك / ابو احمد

~إرتــوآء..!
22-05-2011, 08:40 PM
جميل ما أقرأ هنآ ,,

ولتعلم يـ أنيق الحرفـ ,,


أن هذا المكآن عميق المعنى وآرفـ الجمآلـ


سلمت من كلـ شر ,,

جائز المليحان
23-05-2011, 12:29 AM
جميل ما أقرأ هنآ ,,

ولتعلم يـ أنيق الحرفـ ,,


أن هذا المكآن عميق المعنى وآرفـ الجمآلـ


سلمت من كلـ شر ,,


أهلاً بسيدة الأدب والرد المُهيب
أهلا بك سيدتي بين جنبات متصفحي المتواضع
وخالقي إن لتواجدك ولتعقيبك ومجرد حضور ومرورك
الأثر العميق بالنفس
فشكراً على هكذا حضور اتحفتي اخاكِ به ولاحرمني الله
تواصل أديبةٍ بحجم أختي إرتواء
شكراً لكي من الخاطر
أخوك / أبو أحمد

احساآس مختلف..
25-05-2011, 02:57 PM
سلمت.,
متاابعة للاابدااعاات.,
*
’,

جائز المليحان
26-05-2011, 02:17 PM
المختلفه
احساس مختلف
شكراً لكي بحجم السماء
فلقد شرفتني بتواجدك ومرورك من هنا
أخوك ابو احمد

بدر الخلاوي
26-05-2011, 03:53 PM
اســـتاذي ابو اــــحمد
استأذنك سأكون هناااا
اخـــوك و تــــــلميذك..
.

بدر الخلاوي .

جائز المليحان
28-05-2011, 04:27 AM
اســـتاذي ابو اــــحمد

استأذنك سأكون هناااا
اخـــوك و تــــــلميذك..
.


بدر الخلاوي .


اخي الكريم والاستاذ المتواضع
ابو صالح
شكراً لك ولتواجدك المنير والمثلج للصدر
حد السماء
فتواجدك بلا شك مصدر فخر وإعتزاز وتباهي لأخيك
محدثك والسعيد بتواجدك
ابو احمد

جائز المليحان
28-05-2011, 04:34 AM
كيبورديه ... للتواصل
والكاف .. ينطق ج

حسب لهجتنا

^_^


http://www.alnabih.org/vb/imgcache/47623.imgcache




كنا .. جماعه .. والغلا .. / خامس .. القوم=واليوم .. ما غيري .. وطيفك ../ وذكراك

الله .. وكيلك .. كيف .. غيّر .. بنا ../ اللوم=الشرهه .. إن .. كبرت .. تسبب ../ بفرقاك

كنا .. سوا .. والعشق .. ثاير .. على ../ الدوم=متبادلين .. الحب .. طريايَ ../ طرياك

انتي .. انا .. وانالك .. انتي .. / ولا نسوم=والخلق .. ماتسوى .. ولا .. ربع ../ ماطاك

واليوم .. ما عاد .. الهوا .. ساطع ../ اليوم=كثر .. التجني .. والتبلي ../ تقفاك

حتى .. طلبتِ .. البعد .. والعذر ../ مذموم=جازيتي .. المعطي .. على .. غير ../ معّطَاك

سهم .. الحلا .. بدّل .. إلى .. سهم ../ مسموم=وخلك .. على .. رغم .. التجاريح ../ ماذاك

إيوه ..[ عشيرك ].. باقيٍ .. شخص ../ زيزوم=مامَنّ .. مايبذل .. ولو .. زاد ../ ماجاك

حتى .. ولو .. قصر .. الهوا .. بات ../ مهدوم=يبقى .. الوفا .. حافظ .. مكانك ../ بجفواك

وكنا .. جماعه .. والغلا .. خامس ../ القوم=واليوم .. ماغيري .. وطيفك ../ وذكراك

فارس بن عويف
28-05-2011, 04:40 AM
صباحاتك نور وسرور أخي جائز ..
مررت من هنا لأُعانق الجمال قبل أيَ شيئٍ آخر ..

وصح السانك يا مبدع
لك تقديري وإحتراماتي ..
.

جائز المليحان
11-06-2011, 02:40 AM
يسعد اوقاتك جميع يابعد راسي
شرفتني وانرت متصفحي
اخوك واحد متابعيك / ابو احمد

جائز المليحان
11-06-2011, 02:49 AM
خاصه ..
إهداء إلى أبناء الدابس ...
مع فائق الود والتقدير لكافة ابناء الحمايل والقبائل



يالابتي يامحزمي ياذرايه=ياسيفي البتّار بالماقف الشين
يادرعي وأرضي ونجمة سمايه=ياحصني المبني على الطيب والدين
ياعصبتن شاشت وفا في فضايه=دابس وتودع من نواها على البين
في حفلنا جبنا عظيم الروايه=شيّنٍ من الفرحه فلا شافته عين
حزّنا على الطولات واهل الوشايه=ماحرّكوا شعر الذي مد الايدين
ماتوا قهر ماتوا غبينت نكايه=ماتوا وشرواهم على الموت باقين
حنا الاسود اللي ملكنا البدايه=وحنا الاسود اللي على العز زامين
ومن صلبنا ابداً ولابه نهايه=ماتنطفي نارٍ وراها سلاطين
وازكى تحيه لبو جايز ورايه=اللي جمعنا للقا واللقا زين
والكامل الله مار ربعي حكايه=تنحت على صخر السطا بالميامين
والخاتمه وختامها يا ذرايه=عدونا يا جعل قومه عقيمين

جائز المليحان
11-06-2011, 03:09 AM
الصدرضايق والفكر منقلب حال=والعين ياعين الشقا مسّتهلّه
مابين هم وغم واقوال وافعال=تاهت ملامح فرحتن مسّتعلّه
ياليتها كانت على شرهة الخال=مار البلا بعض البشر مسّتغلّه
واجرحي اللي كل ماقلت ينزال=عيا البخت والنفس به مسّتظلّه
اهيم في غبات الاشواك والبال=سيوف الكروب العوج له مسّتحلّه
لا واهني اللي من الضيم ما كال=روحه فلا هي للغبن مسّتدلّه
لكن على ماقيل وان طال موال=ذاتي وبس - لله - هي مسّتذلّه
اخضع واناجي وارتجي منه الارسال=وانوح : ضايق والفرج مسّتولّه

قصيدة حزن
11-06-2011, 03:14 AM
ان كان الضيق يسكن صدر ك


فتاكد بأنا نضيق لضيقك


اتمنى ان تكون ابياتك الاخيرة حبرااا على ورق

والا يسكنك الهم أبداا

ولا يعرف الغم طريقاا لقلبك

علي الصبري
11-06-2011, 12:16 PM
جائز المليحان


أنت خطيييير جداً شاعر بكل ماتحمله الكلمه من معنى
من العيار الثقيل ومختلف , كنت من المتابعين هنا وإستمتعت
بشموس أقلامك ونقاء حروفك صح السااانك وبوحك لكَ ودي وتقديري الله لايضرك ...

جائز المليحان
12-06-2011, 01:11 AM
ان كان الضيق يسكن صدر ك


فتاكد بأنا نضيق لضيقك


اتمنى ان تكون ابياتك الاخيرة حبرااا على ورق

والا يسكنك الهم أبداا

ولا يعرف الغم طريقاا لقلبك


في البدء
لا اراكي الله مكروها ولا غما او هما اختاه
وثانياً
يكفي اخاك فرجاً وفسحة تواجد امثالك ممن اعتز بمعرفتهم
وثالثا ان شكراً بحجم السماء لكي
اخوك ابو احمد

جائز المليحان
12-06-2011, 01:14 AM
جائز المليحان



أنت خطيييير جداً شاعر بكل ماتحمله الكلمه من معنى
من العيار الثقيل ومختلف , كنت من المتابعين هنا وإستمتعت

بشموس أقلامك ونقاء حروفك صح السااانك وبوحك لكَ ودي وتقديري الله لايضرك ...


اخي الشاعر الاخطر والشاعر الملفت للنظر منذ تواجده
اهلا بك عدد زخات المطر سيدي
وحضور هامة شعريه كهامتك وخالقي لهي شرف وتنوير
لاخيك ومحدثك
لاحرمني الله معرفتك ايها الخلوق اخوك ابو احمد

جائز المليحان
22-06-2011, 03:09 AM
يضايقني زماني دون رَحّمه=واشيل الحمل وافل الحجاجي

ألا وإن جتني الضيقه بشَحّمه=يمين الله ماكسّر زجاجي

اصرّ الصدر لوهو صار فَحّمه=واشوم وغيري يضنيه العجاجي

ولي في قرب ربي فِرج زَحّمه=ولي عن عِرفة البعض الفجاجي

جائز المليحان
23-06-2011, 03:51 AM
كيبورديه ..



وينك ؟ ضلوع .. الحنايا / ترتجيك=كل .. ماتطري .. يلجنّ / بالسهر
والعيون .. اللي .. تمنى / تحتويك=من عناها .. كنها .. تبكي / دهر
خابت .. ظنونٍ .. هواها / تلتقيك=ليت .. غيب ..الحظ .. مابان / وظهر
كم .. مضى لي .. بالهقاوي / احتريك=والهقاوي .. فصلها .. مانبت .. زهر
حتى .. قلبي .. اعتصرني / يفتديك=والمصيبه .. غيبتك .. فوق / الشهر
تكفى .. لا .. تحرم .. هواجس / تنتخيك=حالها .. بالضيم .. أفصحلك / جهر
واسألك : لو .. كنت .. حسبة / والديك=تنخر .. عظامي .. وتكسر لي .. ظهر ؟
مار .. عوّد .. واقبل ..اللي .. هو / يبيك=وانبت .. بأرضه .. جميلات / الزهر
من .. غيابك .. وضعه .. أمسى / بالركيك=بين .. همّ .. وضيق .. واغماية / قهر


.................................................. ...............

جائز المليحان
25-06-2011, 02:09 AM
النفس تغفل والمخاليق تغتاب=والنابغ اللي ما سأل بالحثاله

هِيّا كذا من راقب الناس ينصاب=لاعدّل الميله ولا رتاح باله

جائز المليحان
25-06-2011, 02:47 AM
اروج ترى بالقلب حبرن وممحاه=حبرن يوثق والبلا بالمماحي

يعني تجي باقبال حبن تغشاه=والا تغيب ونمسحك بسّتماحي

جائز المليحان
28-06-2011, 05:13 AM
كيبورديه .. للتواصل مع القلوب الطاهره ..



يطول الهرج وعيون الغلا تستوحش الاشواق=على رغم الفرح تبقى رهينة شوفة الغالي
الا وان طالت المده تطيق من الصبر ما طاق=رضت تستلهم القمه تجوب فبرجها العالي
قضت نحب الجفا واستعطفت من زاكي الاعذاق=عذق صبر الوفا واستمطرت من ريقه الحالي
نزف جلمودها الونه على حظٍ نما بفراق=تجرّع جمرة الجفوه مَعَ همٍ مهو تالي
حشا وان ضامها غمٍ تغشت غيهب الاعماق=سرى فكره تبع طيفٍ حزم في خصره الشالي
تجود وتنثر احساسه تترجم ماخفى باوراق=ولايفهم معاناته اديبٍ من زمن بالي
يطول الهرج وعيون الغلا ماخالفت اذواق=خلاصة فكرها ينبض بفكره ظلها طالي
نمت واستحضرت واستوحشت في عارض الاحداق=تبيّن هيّبة الفرقى على عينٍ بها غالي

بدر الخلاوي
28-06-2011, 10:01 AM
لاخلى ولا عدم منك ومن كيبوردياتك العذبه

كنت هنااااااااااا

وسأكون هناااااااااااااا

دوما

جائز المليحان
01-07-2011, 03:50 AM
انعم واكرم من رجل اتشرف بمعرفته
وبشاعر افخر بمتابعته واتعلم منه ما حييت
اهلا بك وبحضورك اخي ابو صالح
ولاخلا ولاعدم وعساك بالوجود
اخوك ومن يتشرف بتواجدك ابو احمد

جائز المليحان
01-07-2011, 03:57 AM
كتب الشاعر الخلوق / سعيد الكناني مشاركه سريعه واسماها خجوله كما ذكر
وقد راقت لي فكرتها جدا .. وسويت عليها لقافه ^..*
مما حدى بي لتغيير بها وقد استحسنت التغيير ^_^ <<< من زود اللقافه
لذا
راق لي النص كثيراً وراقت لي لقافتي :biggrin:
ولهذا نقلت لقافتي الى هنا .. وعذرا منه شاعري الكريم ومن اتعلم منه
ان بدر مني خطأ أو تعدي أو أي أمر أدى لخطأ مني تجاهه ..

النص بعد .. اللقافه



أطلقت عنان الأفكاري=فتناثر دُرّ الأشعاري
زيّنت سمائي بمبسمهِ=فتزايد فَتْنُ ألانظَاري
وتطاير قلبي مبتعداً=وأناخَ البوَحَ لأَخباري
فطردت الصمت وأزعجني=وتمَلمَل قَهرَ المشواري
حتى الاشواق تعاتبني=أتصون الصمت وفي داري ؟
تتساقط أوراقي غدرا=وتخون معاهُ الأعذاري
عشت الإهمال على قدمٍ=ودموعي كالنهرِ الجاري
جِبُت الاحلام فلا فَرجٍ=وقفِلت لأرضى بِـ أقداري
وذكرت لنفسي : لما وجلك ؟=وقديمي يحفظ أسراري ..!؟
صبراً نقطفه على مهلٍ=خيراً من جرفٍ به هاري
- لو كنت اعلم عاثرنا -=[[ مازرُت الحب بإِصراري ]]

جائز المليحان
01-07-2011, 05:15 AM
في نص كيبوردي سابق ..
كان التحدث عن لحظة اللقاء .. وكره الاشواق .. حباً في بقاء اللقاء
.
.
واليوم .. يعود نص مشابه .. ولكن من زاوية أخرى



من زاوية : الإنتظار

.. حيث إنتظار اللقاء من بعد غياب ..


حينما لايكون هنالك أجمل من جوع الانتظار إلا إشباع الانتظار


فتلك الثواني البسيطه ..أو إن قلنا الدقائق المميتة اللذيذه ..
في انتظار حضور الحبيبه




حينما تقبل من البعيد



حينما يتهيأ ان خيالها قد إقترب .. حينما تُحِسُها القريبة البعيده

حينما تتسارع الأنفاس في إنتظارها


تكون تلك اللحظه

فعلاً
.
.

طويله
طويله
طويله
طويله


طويله .. على منتظرها ..

لدرجة أنه يبحر مع تلك اللحظه

ويبحر فكره خلالها ويجول ..


فتكون أشد ماتكون وقعاً .. حين وقوعها ..
.
.
.

زاويه

.
.
.

.. أتمنى قرائتها بعيون المحب والمنتظر لعيون من يحب ..

.
.


http://bldtna.com/forums/imgcache2/3167.gif



يطول الوقت وعيون اللقا تستعجل الاشواق=على كثر الفرح تبقى رهينة شوفة الغالي
ألا وان طالت المده تطيق من الصبر ما طاق=تهد عزومها الضيقه تهدّي صوتها العالي
رمت ثوب العيا واستبدلت من زاكي الاعذاق=عذق صبر الوفا واستطعمت من ريقه الحالي
نِزف جلمودها الونّه على ماضٍ نِما بفراق=تجرّع جمرة الغيبه مَعَ همٍ مهو تالي
حشا وان ضامها غمٍ تغشت غيهب الاعماق=سرى فكره تبع طيفٍ حزم في خصره الشالي
تجود وتنثر احساسه تترجم ماخفى باوراق=ولا يفهم معاناتَهْ اديبٍ من زمن بالي
يطول الوقت وعيون اللقا ماخالفت اذواق=خلاصة فكرها ينبض بفكره ظِلها طالي
نمت واستحضرت واستعجلت في عارض الاحداق=تبيّن شِدّة اللهفه على عينٍ بها غالي

وسلامتكم ..

جائز المليحان
01-07-2011, 08:06 AM
كيبوردية ..



يا إله الخلق يارب البشر=ياعليمٍ في خفى الكون الضرير
كيف جرح الخل ياتي بالقهر=والمصيبه ميتٍ فيه الضمير
ماهقيت البعض لا ثار ونفر=يقلب الدنيا ويجعلك الخطير
لين جات ونشّفت عين البحر=والبلا محدن على حملي خشير
ليتها من قبل لا تاتي تغر=تنفجر بعيون ناقلها النذير
سوّدت بالجاش وآخرة السطر=ياحسيبه بالذي عقب بيصير

جائز المليحان
16-07-2011, 08:21 AM
نص ولد سريعاً ^_^ يعني كيبوردي :


خضبّت عيني من حلاك .. اسهبت في بحر اللقا

.................................................. ... واللي ذبحني في رجاك .. حسنك وفكرك والنقا

ياصاحبن امسى غلاك .. راية عذابي والشقا

,,,,,,,,,,,,,,,,,,,,,,,,,,,,,,,,,,,,,,,,,,, ياجعل من غيّر هواك .. ينفى وللغبنه رقا

صدرّت ما دار بقفاك .. اخلفت ماقلبك هقا

,,,,,,,,,,,,,,,,,,,,,,,,,,,,,,,,,,,,,,,,, واللي تبيّن في سماك .. يالله عسى ماله بقا

~إرتــوآء..!
17-07-2011, 05:37 AM
هنآ أنا كنت لأسجل إعجآبي يـ أنيق الحــرفـ ,,

جائز المليحان
24-07-2011, 11:11 AM
اهلا بالاخت الكريمه ارتواء
وحضور .. يشرفني واسعد به بلا شك
فكوني بالقرب دوما
لاخلا ولاعدم اختاه وشكرا لتواجدك

جائز المليحان
24-07-2011, 11:12 AM
تتوه بغلطت اعذارك وعينك للخطا عجلى=ولا لك في فضا التوبه مقيلٍ يدمح عتابك
ألا ياهيه لا تقبل ونفسك للاسف خجلى=واذا قلبك على جرحي ترى يشفى من غيابك

جائز المليحان
06-08-2011, 03:24 PM
مواساه لأخٍ عزيز


.

.





الحمد للهْ والنوايب نوايب=والعبد دون الشكر مايكسب رضاه

فضله عظيمٍ يخلف اعتى المصايب=ويجود من جوده على العبد بعطاه

من بعدها والقلب لا شك ذايب=ساحت عروقه من عظيمات بلواه

يامحمد اللي جاك حقٍ وصايب=ودربٍ على رغم المسافات تاطاه

فقدك لابو سامي يزيد اللهايب=ومثله فقيده يفقده شخص خاواه

تجزع ومن لذ الملذات طايب=ومن ضيقتك تمشي على غير مهداه

حتى بمنامك تنطق : الحظ خايب=وياكيف خيّي بالصواديف ملقاه ؟

فرقى الاخو بالجوف اودع عطايب=والجاش يبكي خافقٍ كان يرعاه

والله لو تنفع تجيبه طلايب=والا المفادى لرجعته كان تفداه

ذابت عروقك دون هب الهبايب=والدمع لولا الكبت يذرف وينعاه

يا محمد اللي راح لا شك غايب=ولو كان به رجعه فكلن تحراه

مار العوض ياخوك بعيال شايب=وبِرٍ على رغم التقاصير يجزاه

واليا تعبت اثن القدم للنصايب=اجر وغنيمه واتّدبر بما جاه

وياجعل ابو سامي وباقي القرايب=في جنة الفردوس مسكنه باعلاه

والحمد لله والنوايب نوايب=والعبد لولا الشكر مايكسب رضاه

جائز المليحان
06-08-2011, 03:36 PM
غفى رمش العتب وارخى على بيض الورق حَظّه=تلحّف شرهة الصادق و خاطب جاش مايسمع

ألا ياواهج الماضي دخيلك حبنا قَظّه=خلاص العمر مايسعف يقيك وجمرتك تدمع

وَهنْ
06-08-2011, 03:47 PM
صح لسانك و سلم احساسك
متآبعة .,

جائز المليحان
06-08-2011, 04:16 PM
صح كلك أختاه
والشاعرة وهن بلا شك مجرد مرورها
شرف وتكريم
شكرآ بحجم السمآء

جائز المليحان
21-08-2011, 11:57 AM
نامت عيون البشر ياغير عين=من عناها مالقت للنوم للباب
ترجمت مافي خفاها بجملتين=واعذابه كانها / تتبع سراب

~إرتــوآء..!
21-08-2011, 11:15 PM
كنت هنآ لأسجلـ تحية لهذا الزخم الشعري ..
’’’’’’أنيق الحــرفـ ’’’’’

جائز المليحان
22-08-2011, 12:26 PM
كثرة / مدورة / السوالف / والاوهام=بنّاية / الكذبه / على / محجر / العين

دستورها / تكسب / ولو / تودع / إعدام=نفسه / على / كل / البشر / والموالين

تمضي / وتنسى / ماضي / الكذب / مادام=وان دام / في يومنٍ / فلا ياصل / سنين

واليوم / حان اليوم / تبديد / الاحلام=جتكم / حقايق / واصفقوا / يدين / بيدين

الجادل / اللي بالحيا / ذكرها / زام=من بين / اياديكم / سَحبّتَهْ / على هوين

بالصدق / والتبصيرْ / وفي منهج / احشام=واكرام / لحيه / ماتقيسه / موازين

جتني / على / مودي / وجيته / على / شمام=والكاذبين / امسوا / على الغبن / والبين

ماقلتها / عابث / ولا / قلته / ايهام=الكلمه / ان خابت / ترى / راعيه / شين

هذي / حقيقه / قالها / صاحب / إلمام=أمثالكم / تعجز / عن الفوز / بالزين

جائز المليحان
22-08-2011, 12:29 PM
سيدتي واديبتي الكريمه\الاخت ارتواء
يكفيني فخراً مجرد المرور
فما بالك بتسجيل الحضور
لا خلا ولا وعدم
اخوك ابو احمد

جائز المليحان
23-08-2011, 03:21 PM
كيبورديات .. سريعه


ياهيه وان كانك خفيفٍ وصاغر=انا على روس المنيفات روّاد
لا تحسبنّي مثل قلبك وفاغر=اعلم خطاوي كل نجسٍ ودوّاد
فان كان هقوك بالخفيّات داغر=غلطان رمحك ماهو بالظهر هوّاد
مار ابتعد وان جيتني بصوت ثاغر=ماني على شرواك ياهيه عوّاد
لا لاتقول القلب صِلِّح وشاغر=جاشي على امثالك فلا قيل نوّاد

جائز المليحان
23-08-2011, 03:41 PM
سيلٍ .. حدرته .. / من .. رحيق ../ المشاعر=غطى .. على .. / روس .. العدا ../ دون .. الاصحاب
حتى .. المنافق .. / وان .. لفى ../ بقلب .. ذاعر=من .. شيمتي .. يامن ../ ولا ../ يسمع .. عتاب
الله .. خلقني .. للمراجل ../ و شاعر=والهافيه ../ تلقى .. لها ../ بغيري ../ اعجاب
ماقول .. قولٍ .. يخلفه ../ صوت .. جاعر=من .. طلعتي .. / فعلي .. على .. قولي ../ خضاب
وان .. بيّنت ../ شلفات ../ بعض .. المناعر=آطى .. على ../ خشم .. الردي ../ ياكل .. تراب
اللي .. يضيف .. الوقت ../ وللخد .. صاعر=يصبر .. على .. صفقات ../ خده .. الى خاب
قدمتها /.. من .. دون ../ تأجيج ../ ناعر=ردٍ .. على ../ من .. قال .. / وش فيه : منهاب ؟
وسيلٍ /.. حدرته .. من /.. سنام .. المشاعر=لولاه ../ مايبقى ../ ولا .. تسلم ../ ارقاب

قصيدة حزن
23-08-2011, 05:12 PM
كنت ,,ولازلت هناا


كلما ضاقت بى الارض


رحبت بي كلماتك



......

فهاد محمد
24-08-2011, 01:45 AM
عسيت المكان واعجبني ربيع حرفك

لذالك قررت ان انصب خيمه لأعود إليها وانتفس هواء العذوبه كلما احتجته

سجل اعجاب قديم يأبو احمد


اجمل تحيه لشخصك وحرفك

عبدالله بن سعود العنزي
24-08-2011, 02:58 AM
مريت شفت الخفايا خاطرك ضايق
بحروف شاعر يعزي روح تعبانه


ولقيت بعض الخفايا جوها رايق
ولقيت ذكرى دفنها وسط وجدانه


الغالي ابو احمد دائما مبدع
اسجل اعجابي بما خط قلمك المتميز
دمت بخير

جائز المليحان
28-08-2011, 12:05 PM
بعض العرب نحشم لحاها عن الشين=والبعض الاخر ننحشم عن لحاها
من لا عرف قدره غدا منعمي عين=يتبع خطاة الهرج يطرد لغاها
والله كرمني دون تفسيرت يدين=والمعتدي لا شك يوطى برحاها
ماقلتها عابث ولا قلتها بين=حشمة لحىْ عن هافياتٍ لحاها

جائز المليحان
28-08-2011, 12:08 PM
أديبتنا وكاتبتنا المميزه
قصيدة حزن
وشاعرنا وشاعر المحاورة الجزل
فهاد بن محمد
وشاعرنا الجزل والمميز منذ حضوره
عبدالله بن سعود العنزي
وخالقي إن لمروركم التميز بحد ذاته
وانه لوسام اتشرف به واماري به بين البقيه
فشكراً لكم ولاحرمني الله هذا التواصل
اخوكم / ابو احمد

جائز المليحان
28-08-2011, 12:24 PM
مريت شفت الخفايا خاطرك ضايق
بحروف شاعر يعزي روح تعبانه

ولقيت بعض الخفايا جوها رايق
ولقيت ذكرى دفنها وسط وجدانه


....................................

أهلاً هلا بك هلا يالشاعر الفايق
القاف يزهى وعين الخل ضميانه

اقلط فديت الذي في بيتنا يوايق
القلب شرّع جروحه فك بيبانه

على جميل اللقا والموعد السايق
شرفت روحٍ غدت بالعشق هيمانه

العذر ياخوك .. قريت الاسماء على عجل دون التأكد من المحتوى
لأن مروري جاء متأخر
وللتو قريت ما كتبته
فالعذر من الله ثم منك
وعسى هالطازجه ترتقي لمقامك والا مقامك ارفع يالامير

جائز المليحان
28-08-2011, 01:40 PM
يا شوق وان كثروا عليك الخطاطيب= قولي لهم يا شوق قلبي معيي

يتبع هوى اللي بالمراجل عواطيب=ماهو بعيدٍ مير ماهو بخيي

وانا علي اظهر واقض اللواهيب=ارقى على متن المعزه واحيي

جائز المليحان
22-09-2011, 06:35 PM
تعالي كفكفي دموعي=غرقت اليوم بسبابك
تعالي خفّفي روعي=قريب الموت بغيابك

جائز المليحان
22-09-2011, 06:54 PM
ياليت لي قلبٍ قديرٍ على البوح=وأقول ماعندي وأبيّن خوافي
اثلج فوادي والخبر يبري الروح=واكسب مودة من جهلني وعافي
مار البلا دستور باني له صروح=سلمٍ قديمٍ مايجيز التشافي
نصبر على شانه ولو ننزف جروح=والعاقبه يابعدها من عوافي
الله لنا واللي بنا لوهو يفوح=ملعون خيّر ماله إلا الخوافي


زمان عن الكيبورديات ..

جائز المليحان
23-09-2011, 01:35 AM
ايوه هنا كوني قريبه لي شوي=وايوه هنا حطي يمينك و سمعك
شفتي ؟ سمعتي !! كيف ميت وانا حي؟!!=وشفتي ؟ عرفتي ؟ .. كيف احيا .. بدمعك !!؟
ايه اتبعثر والجفا ماهو شوي=شتات عمري يجتمع حين جمعك
يكفيك اقابل بهجتك مابي الضي=ويكفيك ضوي مكتسي ضي شمعك
ايوه تروي واركدي يابعد حي =جيتك مسالم مابي اليوم قمعك

جائز المليحان
23-09-2011, 02:31 AM
اعترفلك مابقى عندي كلام=الحروف اللي اكتبت لك انتهت
روح روّح انجلا عتم الظلام=المشاعر عن مشاعرك إلتهت

محمد بن موسى
23-09-2011, 02:47 AM
مطوع الفكرة وعاسف الحرف

صح بووحك ونبض روحك على كل حرف نزفته على متصفحك الرائع

هنا قرات الشعر الحقيقي الذي لامس شغاف القلب وابهج الصدر

لله انت يا ابا احمد

راقني ما قراته من ألق

ابدعت وكفى

جائز المليحان
23-09-2011, 03:03 AM
مطوع الفكرة وعاسف الحرف


صح بووحك ونبض روحك على كل حرف نزفته على متصفحك الرائع

هنا قرات الشعر الحقيقي الذي لامس شغاف القلب وابهج الصدر

لله انت يا ابا احمد

راقني ما قراته من ألق


ابدعت وكفى



سلطان الحرف .. منبع الإبداع
محمد بن موسى
أهلاً بهكذا حضور يشرفني وأسعد به
وإن كان هنالك من زيزفون للأدب
فهو سمو حرفك بلا منازع
أهلاً بك ولاحرمني الله تواصلك
كيف لا .. وهرم أدبٍ تواجد بين ثنايا متصفحي
لاعدمتك يابو فهد

جائز المليحان
23-09-2011, 05:51 AM
صوت وصدى .. حدثتنا دون ترتيب وكيبورديات
بيني وبين الشاعر / سعد المطيري
.
.

حيث كان الصوت بعد ما كتبت له بيت شعر واحد
أثار قريحته الأدبية :


فقال راداً على البيت :


ارحب عسى يفداك يالوايلي بوش=ويفدا عيونك من تردى كلامه
اركب على اللي لأجلها الغيم مفروش=تخرق بسرعتها بياض الغمامه
ليا أقلعت تشبه شجاعٍ يبا الهوش=يقبل على جمع الرجال بشهامه
والى وقفت مثل العروسة على الكوش=متميزة والزين فيها مقامه
يسوقها اللي مادخل راسه الدوش=متعودٍ للجو مثل الحمامه
كابتن ولاهو للمهماات مربوش=مبطي وهو للموت رابط حزامه
واليوم أنا خلفه معي شوق وعفوش=متعدي ياخوك قصر اليمامه
مارحت غير أنه معي شيك وقروش=بلعن ابو يوم الفقر واحتكامه
وان كان تبغى خوتي لازم الحوش=نهبط عشانك ياخوي النشامه





فكان الصدى



حي الجواب اللي فلا يلحقه غوش=مثل الذهب صافي ولابه رهامه
من شاعرٍ يزهى على الهام وينوش=حاف المراجل ما تفيا ظلامه
يبو فجر ياسعد من بات مطشوش=وعقب الكسافه ذاق منك الكرامه
نشفق على خوتك لاشك ونحوش=كنوز الرجال موجبين القرامه
يوم البعض فعله ملفق ومرشوش=حمر النواظر بالنوايف علامه
وحنا على تاج المعالي لنا نقوش=منبع وفا روس السطاة وخطامه
الله يسهل رحلتك علها خوش=والفقر يسحب تاليه من سهامه
وان حاول التغيير دوره معك بوش=لفات عزمه تستقيم لحطامه
حتى الحلا ماعاد يبقى مكنتوش=غير الغنى يبقى لقيام القيامه


وسلامتكم

جائز المليحان
23-09-2011, 02:57 PM
ليش .. !! نتستر .. والمخاليق .. // تدري ؟=واللي .. نريده .. [[ عشق ]] .. ماهو ..// بمحظور ..!!

مليت .. أكرر .. قول .. مآخذ ..// بحذري=واقرى .. جريده .. آخر .. الليل .. بالسور ..!!


^_^

جائز المليحان
23-09-2011, 03:09 PM
لمن قال .. هو انت رقيق احساس ..؟ ^_^
الله يسامحه حطمني وانا كنت من زود الاحساس
ما ادخل النت الا وانا كاشخ ومتعطر
حتى ابين اني رقيق مشاعر ^_^
ههههههههه
.
.
.



أنا رقيق احساس كلي مشاعر=ولولا المشاعر مانزفتك يالابيات
وانا كما صم الجبال المناعر=عند اللوازم ثابت الرجل والذات

دارين
23-09-2011, 09:07 PM
الله الله يا جائز
يا سلام عليك والله تطربني في قوافيك
وبالصفحة اللي قبل هذي ... وتحديداً الردين اللي قبل الرد الأخير
قمة الإبداع وربي

أكثر ما يدفعني لـ متابعة مدونتك يا جائز غير إنها تحتوي على الإبداع حرف ومعنى
أجد إنك تكتب اللي في خاطري هههههه

صح لسانك وسلم بوحك ولا شك إني متابعة دائمة لك بمشيئة الله
لكن حبيت الليلة أسجل حضوري هنا

عبدالله بن سعود العنزي
24-09-2011, 12:33 AM
صوت وصدى ..
ولا اجمل ولا احلى
تسلم يابو احمد امتعتنا في خفايا روحك الطاهره
بيض الله وجهك والشاعر المبدع / سعد المطيري

وصل الله حمود الوقداني
24-09-2011, 01:50 PM
ابو احمد

عدم حضوووري في هذا المتصفح
قصور مني اعترف به
احيي هذا القلم وراااعيه

جائز المليحان
24-09-2011, 06:00 PM
شلفا عزيزه وركزت بين الاضلاع=ان عدّت الطعنه صداها تبقّى

وَ حرّ كبدٍ من خفيّات الاوجاع=وَ جرح قلبِ من زمانه تشقّى

هذا الغدر لا حل ما ياتي بساع=جمرات طعنه بالمحاني ترقّى

وان عدت الطعنه على غير مرجاع=يبقى القهر / ياكيف مثله تنقّى .!!؟؟

فهاد محمد
24-09-2011, 06:54 PM
صوت وصدى .. حدثتنا دون ترتيب وكيبورديات
بيني وبين الشاعر / سعد المطيري
.
.

حيث كان الصوت بعد ما كتبت له بيت شعر واحد
أثار قريحته الأدبية :


فقال راداً على البيت :


ارحب عسى يفداك يالوايلي بوش=ويفدا عيونك من تردى كلامه
اركب على اللي لأجلها الغيم مفروش=تخرق بسرعتها بياض الغمامه
ليا أقلعت تشبه شجاعٍ يبا الهوش=يقبل على جمع الرجال بشهامه
والى وقفت مثل العروسة على الكوش=متميزة والزين فيها مقامه
يسوقها اللي مادخل راسه الدوش=متعودٍ للجو مثل الحمامه
كابتن ولاهو للمهماات مربوش=مبطي وهو للموت رابط حزامه
واليوم أنا خلفه معي شوق وعفوش=متعدي ياخوك قصر اليمامه
مارحت غير أنه معي شيك وقروش=بلعن ابو يوم الفقر واحتكامه
وان كان تبغى خوتي لازم الحوش=نهبط عشانك ياخوي النشامه





فكان الصدى



حي الجواب اللي فلا يلحقه غوش=مثل الذهب صافي ولابه رهامه
من شاعرٍ يزهى على الهام وينوش=حاف المراجل ما تفيا ظلامه
يبو فجر ياسعد من بات مطشوش=وعقب الكسافه ذاق منك الكرامه
نشفق على خوتك لاشك ونحوش=كنوز الرجال موجبين القرامه
يوم البعض فعله ملفق ومرشوش=حمر النواظر بالنوايف علامه
وحنا على تاج المعالي لنا نقوش=منبع وفا روس السطاة وخطامه
الله يسهل رحلتك علها خوش=والفقر يسحب تاليه من سهامه
وان حاول التغيير دوره معك بوش=لفات عزمه تستقيم لحطامه
حتى الحلا ماعاد يبقى مكنتوش=غير الغنى يبقى لقيام القيامه


وسلامتكم

وانت سالم

صح لسانك ولسان سعد

مبدعين:016:

جائز المليحان
26-09-2011, 10:41 PM
الله الله يا جائز

يا سلام عليك والله تطربني في قوافيك
وبالصفحة اللي قبل هذي ... وتحديداً الردين اللي قبل الرد الأخير
قمة الإبداع وربي

أكثر ما يدفعني لـ متابعة مدونتك يا جائز غير إنها تحتوي على الإبداع حرف ومعنى
أجد إنك تكتب اللي في خاطري هههههه

صح لسانك وسلم بوحك ولا شك إني متابعة دائمة لك بمشيئة الله

لكن حبيت الليلة أسجل حضوري هنا


ياهلا بك اختاه
وابرك الساعات تواجدك وتنويرك متصفحتي
ولا اخفيك سراً ان جل ما يكتب هنا
كيبوردي يعني على الطاير والسريع
ووما يختلج الذات بالساعه
اكرر الترحيب بك
ولا حرمني الله تواصلك فاضلتي

احساآس مختلف..
26-09-2011, 10:42 PM
سلم حرفك وونبضك.,
متاابعة.,
*
’,

ابراهيم ساعد
26-09-2011, 11:52 PM
المبدع جائزالمليحان..

يشرفني متابعة ركنك الجميل..

سعدت بماقراءت من ابداع..

شكرا لبوح قلمك العذب..

دارين
01-10-2011, 01:39 PM
من الظلم إن مدونتك تتوارى والله خلف الصفحات
ومن أبسط حقوقنا عليك كـ معجبين ومتابعين
إنك تسعدنا ولو بالقليل من وهج إبداع قوافيك

لكن تدري يا جائز
والله كل يوم تقريباً أدش هنا وأقرأ أبياتك هذي
لشدة إعجابي فيها وبكل ما تحمل من معنى
وساعتها أتذكر الصدفة اللي جمعتني فيكم وأجدد شكري لها والله


ياليت لي قلبٍ قديرٍ على البوح
وأقول ماعندي وأبيّن خوافي

اثلج فوادي والخبر يبري الروح
واكسب مودة من جهلني وعافي

مار البلا دستور باني له صروح
سلمٍ قديمٍ مايجيز التشافي

نصبر على شانه ولو ننزف جروح
والعاقبه يابعدها من عوافي

الله لنا واللي بنا لوهو يفوح
ملعون خيّر ماله إلا الخوافي

زمان عن الكيبورديات ..

وَهنْ
01-10-2011, 07:25 PM
شلفا عزيزه و ركزت بين الاضلاع
ان عدّت الطعنه صداها تبقّى

وَ حرّ كبدٍ من خفيّات الاوجاع
وَ جرح قلبِ من زمانه تشقّى

هذا الغدر لا حل ما ياتي بساع
جمرات طعنه بالمحاني ترقّى

وان عدت الطعنه على غير مرجاع
يبقى القهر / ياكيف مثله تنقّى .!!؟؟




صح لسانك ملايين
متابعة دائمة
إلا ان هذه الابيات تستحق ابداء الاعجاب


جائز المليحان
03-10-2011, 11:01 PM
الله الله يا جائز

يا سلام عليك والله تطربني في قوافيك
وبالصفحة اللي قبل هذي ... وتحديداً الردين اللي قبل الرد الأخير
قمة الإبداع وربي

أكثر ما يدفعني لـ متابعة مدونتك يا جائز غير إنها تحتوي على الإبداع حرف ومعنى
أجد إنك تكتب اللي في خاطري هههههه

صح لسانك وسلم بوحك ولا شك إني متابعة دائمة لك بمشيئة الله

لكن حبيت الليلة أسجل حضوري هنا

والله إن لمرورك لذوق ونكهه
ومجرد مرورك من هنا وسام على صدري فاضلتي
شكراً لكي ماحييتي ولاحرمني الله تواصلك
اخوك ابو احمد

جائز المليحان
03-10-2011, 11:09 PM
صوت وصدى ..

ولا اجمل ولا احلى
تسلم يابو احمد امتعتنا في خفايا روحك الطاهره

بيض الله وجهك والشاعر المبدع / سعد المطيري


سلمت ودمت ياطويل العمر
والشرف لي ياطويل العمر
بتواجدك ومرورك من هنا
لاخلا ولاعدم وعساك بالوجود
اخوك / ابو احمد

جائز المليحان
03-10-2011, 11:14 PM
ابو احمد

عدم حضوووري في هذا المتصفح
قصور مني اعترف به
احيي هذا القلم وراااعيه

يكفيني مرورك يابو مشاري من هنا
ولاهنا شك ولا خلافه
انت اخ وانا منك اتعلم رعاك الله
اخوك / ابو احمد

جائز المليحان
03-10-2011, 11:15 PM
وانت سالم

صح لسانك ولسان سعد

مبدعين:016:
سلمت ودمت وصح كلك يابعد راسي
والابداع تنويرك متصحفي اخي الفاضل

جائز المليحان
03-10-2011, 11:17 PM
سلم حرفك وونبضك.,
متاابعة.,
*
’,
سلمتي ودمتي اختاه
شاكر ومقدر ولاخلا ولاعدم
اخوك ابو احمد

جائز المليحان
03-10-2011, 11:20 PM
المبدع جائزالمليحان..

يشرفني متابعة ركنك الجميل..

سعدت بماقراءت من ابداع..

شكرا لبوح قلمك العذب..

الشكر موصول لك فاضلي وتواجدك في متصفحي وتنويرك
شكرا لك وعساك بالوجود
اخوك ابو احمد

جائز المليحان
03-10-2011, 11:23 PM
من الظلم إن مدونتك تتوارى والله خلف الصفحات

ومن أبسط حقوقنا عليك كـ معجبين ومتابعين
إنك تسعدنا ولو بالقليل من وهج إبداع قوافيك

لكن تدري يا جائز
والله كل يوم تقريباً أدش هنا وأقرأ أبياتك هذي
لشدة إعجابي فيها وبكل ما تحمل من معنى
وساعتها أتذكر الصدفة اللي جمعتني فيكم وأجدد شكري لها والله



يالله .. يادارين
اتعلمين سيدتي / أحسب لحديثك ألف حساب
وتعجز الحروف حينما تود الثناء والشكر على تواجدك وتنويرك
لك ومن عميق الفؤاد / شكراً لك سيدتي

جائز المليحان
03-10-2011, 11:25 PM
صح لسانك ملايين
متابعة دائمة
إلا ان هذه الابيات تستحق ابداء الاعجاب


صح كلك حتى ترضي سيدتي
ويكفيني فخراً تواجد الشاعرة المبدعه وهن
شكراً لكي ماحييتي
اخوك ابو احمد

جائز المليحان
04-10-2011, 12:14 AM
على خير .. جينا .. وإنتلاقى .. على خير
.... ... ... ونستودع الله .. كل .. غالي .. علينا

جائز المليحان
09-10-2011, 12:40 AM
أعيد وأكرر أن لا متنفس لي كالكيبورديات ..




لا تذرفين .. الدمع .. يابنت .. // تكفين=مثلك .. حرامٍ .. عينها ..// تستفيضي
خلي .. الالم .. والهم .. والغبن ..// والبين=للي .. غدا .. بين .. الشتا ..// والمقيضي
عينك .. تفيض .. وعيني .. منديلها ..// يدين=وان .. غرّدت .. عينك .. عيوني ..// تهيضي
ليت .. القلوب .. تبادل .. الوضع ..// يومين=واستبدل .. جروحك .. واعوّد ..// مريضي
وش .. حاجتي ..؟؟ والغرو .. بحظوظه ..// الشين=ان .. ماسحبته .. للهنا .. وش ..// يعيضي ؟
بيّنت .. ماعندي .. على .. مسمع ..// الزين=وان .. ماسمع .. ياقلب .. تمسي ..// بغيضي
ولا تذرفين .. الدمع .. يابنت ..// تكفين=قطرات .. مزنك .. يالغلا ..// لي تغيضي
اجن .. واعلن .. للملا .. [ والملا ] ..// وين !!؟=انزع .. ستار .. الصمت .. دون .. الغميضي

بدر الخلاوي
09-10-2011, 02:22 AM
أعيد وأكرر أن لا متنفس لي كالكيبورديات ..

http://i179.photobucket.com/albums/w282/original_anime_pictures/crygirl.jpg


لا تذرفين .. الدمع .. يابنت .. // تكفين=مثلك .. حرامٍ .. عينها ..// تستفيضي
خلي .. الالم .. والهم .. والغبن ..// والبين=للي .. غدا .. بين .. الشتا ..// والمقيضي
عينك .. تفيض .. وعيني .. منديلها ..// يدين=وان .. غرّدت .. عينك .. عيوني ..// تهيضي
ليت .. القلوب .. تبادل .. الوضع ..// يومين=واستبدل .. جروحك .. واعوّد ..// مريضي
وش .. حاجتي ..؟؟ والغرو .. بحظوظه ..// الشين=ان .. ماسحبته .. للهنا .. وش ..// يعيضي ؟
بيّنت .. ماعندي .. على .. مسمع ..// الزين=وان .. ماسمع .. ياقلب .. تمسي ..// بغيضي
ولا تذرفين .. الدمع .. يابنت ..// تكفين=قطرات .. مزنك .. يالغلا ..// لي تغيضي
اجن .. واعلن .. للملا .. [ والملا ] ..// وين !!؟=انزع .. ستار .. الصمت .. دون .. الغميضي



ابو احمد شهادتي فيك مجروحه
مجنون كيبورديات
ابيات قمه
وبداخلها معاني
من الطراز الفاخر
مبطنه رغم الوضوح
صح لسااااااااااااااااااااااااااااااااانك
هذا اقل شي اقوله لك
وتقبل مروري من هنا
استاذي الغالي
جل تقدري ومودتي واحترامي لسمؤؤؤك

قصيدة حزن
10-10-2011, 12:13 AM
أعيد وأكرر أن لا متنفس لي كالكيبورديات ..




لا تذرفين .. الدمع .. يابنت .. // تكفين=مثلك .. حرامٍ .. عينها ..// تستفيضي
خلي .. الالم .. والهم .. والغبن ..// والبين=للي .. غدا .. بين .. الشتا ..// والمقيضي
عينك .. تفيض .. وعيني .. منديلها ..// يدين=وان .. غرّدت .. عينك .. عيوني ..// تهيضي
ليت .. القلوب .. تبادل .. الوضع ..// يومين=واستبدل .. جروحك .. واعوّد ..// مريضي
وش .. حاجتي ..؟؟ والغرو .. بحظوظه ..// الشين=ان .. ماسحبته .. للهنا .. وش ..// يعيضي ؟
بيّنت .. ماعندي .. على .. مسمع ..// الزين=وان .. ماسمع .. ياقلب .. تمسي ..// بغيضي
ولا تذرفين .. الدمع .. يابنت ..// تكفين=قطرات .. مزنك .. يالغلا ..// لي تغيضي
اجن .. واعلن .. للملا .. [ والملا ] ..// وين !!؟=انزع .. ستار .. الصمت .. دون .. الغميضي



كيبوردية ..بلون دمووعهاا ..:'(

ذرفتها أمامك ..فكان قلبك ملاذها وميناؤها

....ماأجمل الصداقة حين تتحول الى حياة

يعيشها ..الصديقان بقلب يحمل الهم ذاته

محمد بن موسى
10-10-2011, 12:24 AM
ابو احمد

للابداع والتفرد والعذوبه عنوان

وانت هو ذاك العنوان

دمت كما انت متألق وعذب

دارين
10-10-2011, 06:50 PM
حتى .. المنافق .. / وان .. لفى ../ بقلب .. ذاعر=من .. شيمتي .. يامن ../ ولا ../ يسمع .. عتاب

أستغرب نفسي كثيييير والله .. شلون مريت وما وقفت إحترام وإجلال لـ مكامن الإبداع هنا !!

::

كذلك صح لسانك وبوحك جائز الكيبوردية الأخيرة جميلة كثير

صالح الزايدي
10-10-2011, 09:41 PM
هنا ..
موضع لـ الإستمتاع والإستفادة ..
الله عليك يَ أبو أحمد / شهادتي فيك مجروحة ..

جائز المليحان
11-10-2011, 04:05 AM
بدر الخلاوي
قصيدة حزن
محمد بن موسى
دارين
صالح الزايدي
.
.
.
لاحرمني الله تواجد قمم وأهرام أدبيه أفرح بمجرد تواجدي حولهم
فما بالكم بتنويرهم متصفحي
شكراً لكم من القلب .. اخوكم ابو احمد

جائز المليحان
11-10-2011, 04:15 AM
الموت في عين البطل / قصه / ومعنى / وإنتصار=والموت في عين الردي / يعني نهاية فرحته
لابو الهلايم والهطل / لابو / دغاليب / الدمار=واللي يبي يمسي / عفن / يقصر مسافة سرحته

بقايا روح
12-10-2011, 12:36 AM
ايوه هنا كوني قريبه لي شوي=وايوه هنا حطي يمينك و سمعك
شفتي ؟ سمعتي !! كيف ميت وانا حي؟!!=وشفتي ؟ عرفتي ؟ .. كيف احيا .. بدمعك !!؟
ايه اتبعثر والجفا ماهو شوي=شتات عمري يجتمع حين جمعك
يكفيك اقابل بهجتك مابي الضي=ويكفيك ضوي مكتسي ضي شمعك
ايوه تروي واركدي يابعد حي =جيتك مسالم مابي اليوم قمعك



:
خفايا هذه الروح ,
كـ حديث الغيم عندما يهطل مطراً وترتوي به الارواح
عمق وثقافة وجزالة الحرف هنا غير مستغربة على مطوع الفكرة
أستاذ ونحتاج القراءة لك , لنتعلم
:
صح قلبك اخوي
ومتابعه بعمق


/

عبدالله بن سعود العنزي
12-10-2011, 12:50 AM
الموت في عين البطل / قصه / ومعنى / وإنتصار
والمـوت فـي عيـن الـردي / يعـنـي نهـايـة فرحـتـه

لابـو الهلايـم والهطـل / لابـو / دغاليـب / الدمـار
واللي يبـي يمسـي / عفـن / يقصـر مسافـة سرحتـه


الله الله يالكفووووو

بذمتي ان كل حرف من الابيات يسوى قصيده

جائز المليحان
13-10-2011, 09:24 AM
:
خفايا هذه الروح ,
كـ حديث الغيم عندما يهطل مطراً وترتوي به الارواح
عمق وثقافة وجزالة الحرف هنا غير مستغربة على مطوع الفكرة
أستاذ ونحتاج القراءة لك , لنتعلم
:
صح قلبك اخوي
ومتابعه بعمق


/
الشاعرة // بقايا الروح
والتي يضيع الحرف امام تواجدها وشاعريتها
اهلاً بك وشكراص على هكذا حضور
فهو وسام على صدر اخيك
أعبق التحايا

جائز المليحان
13-10-2011, 09:30 AM
الموت في عين البطل / قصه / ومعنى / وإنتصار

والمـوت فـي عيـن الـردي / يعـنـي نهـايـة فرحـتـه

لابـو الهلايـم والهطـل / لابـو / دغاليـب / الدمـار
واللي يبـي يمسـي / عفـن / يقصـر مسافـة سرحتـه


الله الله يالكفووووو


بذمتي ان كل حرف من الابيات يسوى قصيده


وبذمتي غن مجرد حضور عبدالله بن سعود من هنا
مصدر فخر وإعتزاز ووسام على الصدر
شكراً لك ولاخلا ولاعدم

جائز المليحان
13-10-2011, 09:56 AM
من القديم ..
موجهه إلى الشاعر // محمد بن موسى


تكفون دام إني مع الحب شامخ=خلوني أسكب عبرة الضيم بسكات
ماني بجاهل مار ماني ملامخ=مغدور والخنجر بها زود حسكات
واللي سطا بالقلب لاشك صامخ=صمتٍ فجر للدمع عينٍ وسكات
يقطعه من حبٍ غدا عند كامخ=جندل خفوقي خافقه دون مسكات
يامحمد الرويان ماقلت دامخ=وش حيلة المصدوم من بوح دسكات ؟

جائز المليحان
13-10-2011, 11:08 AM
هزي غصونك حلا تنزف عذوقك رحيق=وانثري ليلٍ علا ارتقى شمس الحنان

جائز المليحان
13-10-2011, 03:12 PM
انا الغريب اللي كلا قلبه الخوف
................. وانا الشجاع اللي فلا خاف قلبه
دنياي تجمع بين ماقلت واشوف
................ دنيا التناقض والتجانس بصلبه

بنت الكحيلا
13-10-2011, 04:01 PM
مصتفح رائع وبه من الدرر الكثير

بارك الله فيك اخي جايز المليحان على هذا الإبداع

تقبل مرور اختك المتواضع

لك كل الشكر

رآنــســي
13-10-2011, 04:38 PM
رأئـع مـأخطـه قلمـك ..
دأئمـآ متميـز ..
أستمر على هذآ التمييز ..
تقبل طبتي هونااا
رآنــســي

جائز المليحان
14-10-2011, 05:26 AM
بنت الكحيلا
رآنسي
لاخلا ولاعدم من هكذا تواجد
وحضور اتشرف به واسعد
شكراً لكنّ ما حييتّن
اخوكن ابا احمد

جائز المليحان
14-10-2011, 05:27 AM
مقسى من جروح الهوا والغرابيل=إلّا المحبه في يدينٍ شحيحه

تسرق خفوقْ وتستلذ التناكيل=وان طاح ما سمّت عليه بمطيحه













في ساعةٍ ودك بها تحيا وتموت=النفس تقبل مايجي عابر لها

لاعانقت شمس الغدر ماضٍ يفوت=يرقى على متن النهايه بابها

تعييك بالحسره ولا ينفع قنوت=حرّ المواجع نارها جلبابها

تكره بها العالم ولاتقبل بصوت=إلا المدامع لصدحت باخبارها

ايه الجروح الباقيه بالصدر قوت=كل مايداعبك الغدر تبدا بها

تدفعك في برد الجفا من دون كوت=تفتح متاهت جَيّها واعراضها

ياكيف صدّقتَه وهي ماهي بنوت ؟؟!!=ياكيف ماهي صادقه باسهابها

وبارق وارفع من خيوط العنكبوت=ياكيف جابت خافقٍ ما جابها ؟!!

ضفت مشاعر والمشاعر ماتموت=تبدي جنون العاطفه واعجابها

انفاس شاعر مايغير بالريموت=امسى من الطعنه رهين ارماحها

وان ناصحته الخلق ماهي لك بنوت=جاوب وبرّر عبرته واسبابها

بارق وارفع من خيوط العنكبوت=جابت خفوقٍ صادقٍ ماجابها









ودك إذا قلبك عصيٍّ على الحب=ماتقرب اللي صادقٍ في مراده

للغدر بسمه تودعك غيهب الجب=وللخلق مولى مايضيّع عباده





.

.

وسلامتكم

دارين
14-10-2011, 02:19 PM
جائز .. وجدتك هنا في هذه القصيدة مختلفاً .. وكأني بـ جائزٍ آخر لم أقرأ له مسبقاً
وإن بقيت روح جائز الإنسان طاغية على شعور الحرف

لذا أستأذنك بقراءتها قراءة خاصة بـ دارين .. مع مراعاة أني لست شاعرةً
ولم يكن تخصصي أدبي إطلاقاً
وليس لي علاقة بالأدب سوى بـ كتابة القصة والرواية .. وبذائقةٍ شعريةٍ عاشقة للشعر المتفرد بالإبداع بأنواعه
فإن لم ترق لك قراءتي يا سيدي فـ ها أنا قدمت لك عذري وأرجو أن تقبله

\
.



مقسى من جروح الهوا والغرابيل=إلّا المحبه في يدينٍ شحيحه

تسرق خفوقْ وتستلذ التناكيل=وان طاح ما سمّت عليه بمطيحه

المدخل هنا .. أو لعله الإستهلال إن صح لي قول ذلك
لم يكن عبثاً وضعه قبل الولوج في القصيدة بل كان بوح صادق عن شعور أمض القلب
أراد به شاعرنا إيضاح أي أنواع الشح أقسى !!









في ساعةٍ ودك بها تحيا وتموت=النفس تقبل مايجي عابر له

لاعانقت شمس الغدر ماضٍ يفوت=يرقى على متن النهايه بابها

تعييك بالحسره ولا ينفع قنوت=حرّ المواجع نارها جلبابها

تكره بها العالم ولاتقبل بصوت=إلا المدامع لصدحت باخبارها

ايه الجروح الباقيه بالصدر قوت=كل مايداعبك الغدر تبدا بها

تدفعك في برد الجفا من دون كوت=تفتح متاهت جَيّها واعراضها

ياكيف صدّقتَه وهي ماهي بنوت ؟؟!!=ياكيف ماهي صادقه باسهابها

وبارق وارفع من خيوط العنكبوت=ياكيف جابت خافقٍ ما جابها ؟!!

ضفت مشاعر والمشاعر ماتموت=تبدي جنون العاطفه واعجابها

انفاس شاعر مايغير بالريموت=امسى من الطعنه رهين ارماحها

وان ناصحته الخلق ماهي لك بنوت=جاوب وبرّر عبرته واسبابها

بارق وارفع من خيوط العنكبوت=جابت خفوقٍ صادقٍ ماجابها


أي روعة هنا تجلت ؟ .. وأي إحتراق مشاعرٍ يا جائز ؟
وأيمّ الله أنك عانقت مدى الإبداع في هذه القصيدة .. كيف لا

وأنت تتدرج بنا من أعماق الأنا وتصطحبنا معك في أبياتٍ كل بيتٍ منها يقسو على ذات القلب
وبصدق كم أود أن أقرأ كل بيتٍ على حده قراءة خاصة
ولكني أخشى والله أن أخفق في العدل وأكونَ من الظالمين لأحد أبياتها

إلا أني لم أستطع إلا التوقف إعجاباً وإجلالاً لـ هندسة شعرية إستطاعت صياغة هذا البيت


ياكيف صدّقتَه وهي ماهي بنوت ؟؟!!


يـاكـيــف مــاهــي صــادقــه بـاسـهـابـهـا


( نوت ) .. لم يكن إختيار شاعرنا عشوائياً لهذا الإسم .. ولا لأجل القافية

نعم .. لم يكن كذلك كما أراه أنا



بل هنا شاعرنا .. أراد أن يجسد حب الأنثى الحقيقي بـ شخصية ( نوت )

تلك الأنثى التي رضخ لـ قلبها شاعرٌ وفارسٌ خلّدته الصحراء .. وحفظت وقع أقدامه
ألا وهو ( عقاب العواجي ) ذاك الفارس الذي رقّ شعراً وعشقاً لأجل محبوبته نوت
لـ يخلدها بأشعاره عاشقاً وهائماً بها ولـ تبادله هي عشقاً جعلها لم ترتضي له بديلاً






ولأن شاعرنا جائز وجدها رمزاً حقيقياً للحب الذي لا تشوبه شائبة

وقع الإختيار عليها لـ تكون هي رمز الحب الأنثوي الصادق في قصيدته





وبارق وارفـع مـن خيـوط العنكـبـوت




ياكيـف جـابـت خـافـقٍ مــا جابـهـا ؟!!



بـارق وارفـع مــن خـيـوط العنكـبـوت


جــابــت خــفــوقٍ صــــادقٍ مـاجـابـهــا


وحق الله لم أستطع أن أبلغ الختام .. دون أن أتوقف أمام هذه الأبيات .. وأتساءل

أي حرفنةٍ وذكاءٍ شعريٍ بلغت هنا يا جائز ؟



أعيدوا القراءة فقط .. لـ نرى كيف كرر شاعرنا الشطر الأول في كلا البيتين

دون أن نمقت ذلك التكرار .. أو نشعر به
بل سـ نكتشف أنه تساءل بتعجبٍ بالغ في البيت الأول
كيف لها أن تتملك الأعماق بأحاسيس واهية ضعيفة هي أشبه بـ خيوط العنكبوت !!






ثم يجيب هو بذاته بتأكيد في البيت الأخير

أن ذلك حدث وأنها نجحت واستطاعت بأحاسيسها الواهية التي خلت من الصدق
أن تبلغ أعماقاً أحبت بصدق .. ويال عجب ذلك !!









ودك إذا قلبك عصيٍّ على الحب=ماتقرب اللي صادقٍ في مراده

للغدر بسمه تودعك غيهب الجب=وللخلق مولى مايضيّع عباده


بربك يا جائز .. أي ألم ٍنازف هنا حد الوجع القاتل ؟!
وأي حزنٍ إكتسى به هذا المخرج المؤلم ؟!

لن أتحدث عن هذا المخرج .. بل سأترك لكلٍ منا حرية قراءته بالكيفية التي يشاء !
لأني أجد أحاسيس شاعرنا هنا كانت طاغيةً .. كثيراً .. وجداً
لذا لن نخدشها بالقرب منها .. بل سنكتفي بتأمل هذه النصيحة الثمينة
فقط .. أحسنوا القراءة لها



::



ومجدداً أعتذر عن هذه القراءة يا جائز .. فـ هي مجرد قراءة خاصة بـ دارين

دفعها إعجابها بهذه القصيدة لـ قراءئتها من منظور خاص بها

جائز المليحان
15-10-2011, 12:53 AM
في البدء شكراً على هكذا تحليل
وبصراحه لم اتوقعك هكذا
ولكني الآن اعتقد بان لكِ بالشعر باعاً غير يسير
صح فكرك ونبض روحك وكلك اختاه
أعبق المنى

ريتاج
17-10-2011, 12:33 PM
جئت ابحث عن ذات رجل

احسه غامض بعض الشيء

فوجدت روح تعلي ان تكون بهذا الغموض

فباقة من عطور البنفسج لكــ وإعتبرنى من المتابعين لنزف قلبك اخى جائز

كنـــ هنــ:013:ـــا ـــت

جائز المليحان
23-10-2011, 01:58 AM
أهلاً بكٍ فاضلتيـ ريتاج
ومرور أسعد به وأتشرف
أعبق التحايا لكي سيدتي

جائز المليحان
23-10-2011, 01:59 AM
سبتنا عقب المحبه .. صار يرمي بالهموم
.......................... سامح الله سبتٍ أعيا بالكوارث له شعب
لملم قلوبٍ ثكالى .. حدّر امزان الغيوم
........................... لـاـ مس الضيقه بقلبٍ من علومه به تعب
طوّق افراح المشاعر .. زوّد خناق الهدوم
........................... طيّر اسراب السكينه أودع البسمه رعب
الله يرحمك الامير القايد الفذ الكتوم
......................... الله يجبر بالمصاب ولو نقول انه صعب
نايفٍ حاف المعالي والمعالي فيه دوم
............................. نوّخ الكايد لدوله ارتقت منه بـ كعب
الّسعود نعزّيه .. من دون ماننسى العموم
.......................... السّعود وشعبها ومنهو على ترابه لعب
وسبتنا عقب المحبه .. اجزل بلفح السموم
...................... في رحيل النايب العبرات تكّت بالشعب

فرج الدهمشي
23-10-2011, 02:47 PM
الاستاذ القدير جائز مليحان

حضور اول للاحتفاء فقط وتسجيل متابعه ولا تعليق يليق
والصمت في حرم الجمال جمال اسمحلي بهذه الاطلاله ولي عوده ان شاء الله
اعجابي وتقديري

دارين
25-10-2011, 12:26 PM
:

والله تعبنا وإحنا نقول يا جائز المليحان .. نبي جدييييييدك
ذنب وقسى ( الشّح ) بالإبداع .. يا جائز
وإلا ..
آنا وأنت عند الشمري رعد .. وهو يتفاهم معاك

هــا شقلت ؟

\
.

جائز المليحان
28-10-2011, 07:51 PM
هلا بك الشاعر فرج الدهمشي
.
.
هلا بك اخت دارينـ ...
.
.
ولاحرمنا الله تواجدكم وتنويركم الدائم

جائز المليحان
28-10-2011, 08:38 PM
الصدر ضايق ..// والجروح / الغايره ..// تنزف ألم=وانتي / كريمه .. يالشقا ..// ماجبتي ..// عندي ..// غاليه
وقتك من النقمه..// يشمّ / الورد ..// ومنّه ..// ماسلم =حظك تعثر ..// وانجرح ..// عطر ..// الورود ..// الحاليه
والصدر ضايق ../ وإنسل ../ من ضيقته ../ هاجس ..// قلم=خافيه ..// ينثر..// للملا ؟..// غربال .. بغلا ..// غاليه




يقطعك .. ياحبل .. الوصل ../ ان جدت .. وارخيت ../ الكلام=شرفة .. حروفك .. تستبيح .. الغافلات من / الزلل
وش عاد .. وانفاس .. الغمام .. اتنفست .. منك ../ الغمام=ماتنفعك .. كثرة .. شروح .. الوضع .. من دون / الخلل
لا والله .. الا روّحت .. حسرتك .. واضنيت ../ السلام=سحابتك .. ماودّعت .. بالعرق .. بلسم او .. / بلل
ياليت .. بالدنيا .. بخورٍ .. او عطورٍ ../ للملام=حرام .. لكتم .. خاطرٍ .. بيّن .. على .. خَطبه / جلل
لبعد .. صدى .. صدوف .. الخطا .. عن عنجهيات .. / الظلام=وان .. عاد .. عوّد .. حبلنا .. ياجعل .. مرسوله .. / شلل
ضاقت بي .. حتوف .. النوا .. والعلم ..من دون ../ الغرام=والخافي .. الله .. يعلمه .. مدام .. ما نشكي .. / كلل
قدره .. كبيرٍ .. في حروف .. العز .. وحروف ../ الختام=وقدري .. عظيمٍ .. لو بدا .. عنده .. من .. انصاف .. / الهلل



جفّت حروف المسأله واستمطرت قلبٍ حنون=يسعى على عين الرضا باقبالته واقفايته
كبّر وهلّل بالغلا واستعطف امزان الجنون=ترهي على اللي بالخفا امسى واصبح رايته
مابيّح اوزار الغضب ماخالف خيار الظنون=ما عاتب إلا صاحبٍ ظنّه بأنه غايته

قصيدة حزن
28-10-2011, 08:44 PM
مررت من هناا

بغلى غاليه //


لاستمتع بجمال كيبوردياتك

واحرفك القريبه من القلب

الاميره
30-10-2011, 03:22 AM
وجدت منبع أخر للابداااع متخفيا عن الانظار

سهرت في ارجاء متصفحك فااستمتعت كثيرره

واللي أعجبن بالحيل شطرك

ياليت لي قلب قدير على البوح

مررت من هنا
مغروره بك

جائز المليحان
31-10-2011, 05:37 AM
في زمن .. صار التواصل .. فيسب بوك .. اوتز أبـ
............................................... اشهد إنّه .. وتز أبٍ .. ياعرب .. بالتنشئَه
الضنا .. أمسى يتعلم .. ينده الوالد .. بـ / بـبـ
.......................................... و الابو .. من حسرته .. ينعى صروح .. التهيأَه
اجهزه عند التعامل .. عانقت .. بنتٍ .. وشبـ
........................................... الفتى .. يرجي .. تعارف .. والبنات .. التعبأَه
وان صرخ .. باس الزمان .. ونادى .. بالاجيال .. جبـ
........................................ من ورى .. ظهره .. شروا .. والاجهزه .. بالتجزأَه

جائز المليحان
31-10-2011, 05:38 AM
قصيدة حزن
.
.
مغرورة بك
.
.
شكراً لكنّ بحجم السمآء
لاخلا ولاعدم

دارين
31-10-2011, 12:50 PM
\
.

لك يا جائز خطك الخاص وإسلوبك المميز في كتابة القصيدة
ما تشبه أحد أبداً .. تبارك الله ..
لا تغرق بالكلاسيكية ولا تطفو على سطح مفردة الحداثة
ولا أظن قرأت قصيدة لـ جائز تفتقر للعمق والجزالة إطلاقاً

"

سعيدة جداً والله إننا قرأنا لك جديد .. لأنك الله يسامحك
( شحييييييح ) في إبداعك .. ولا كأن لك جمهور متعطش لـ جديدك

لكن صح لسانك وبوحك ونبضك
قصيدة رائعة جداً .. فيها نوعا ما إختلاف زادها تميز
وبلا شك إن بصمة جائز المليحان الإبداعية إستوطنت كل حروفها

\
.

ابراهيم ساعد
31-10-2011, 12:54 PM
جائزالمليحان..

لازلت متابع لاابداعك الجميل..وبوحك العطرهنا..

لك مني اعبق الاماني الصادقه..

ابراهيم ساعد
05-11-2011, 06:45 PM
كل عاام وانت بخير

اعاده الله عليناوعليك بالخيروالبركات..

جائز المليحان
08-11-2011, 02:15 AM
دارين
.
.
ابراهيم ساعد // لا خلا ولاعدم والله تواجدكم
.
.
وكل عام وانت بخير يالامير
وانا اشهد من الكنوز اللي افخر بمعرفتها
.
.
كل عامٍ والجميع بخير