بـاكيتـا ،، جـــاب العيـــد !!

[مداوي جروحه بروحه]

حسيت ببعض العجب وانا افتح جريدة اليوم السعودية وفيه صورة كبيرة مكتوب عليه ( باكيتا جاب العيد ) .. ما ادري هل بدأت الحرب على المدرب لأقناع الرئيس ونائبة على تغير المدرب ؟ غريبة ! لم يقولوا مبروك جاب العيد ! او الدفاع جاب العيد ! للأسف ما ادري هالهجوم الغريب على باكيتا .. باكيتا الي اشاد به الجميع بعد لقاء تونس .. والحين بعد ما قالوا انه محمد امين يجب ان يصبح اساسي واقحمه كأساسي لكن برضوا يقولوا جاب العيد ! يعني ما افهم والله ليش هالحرب الكبيرة على باكيتا اذا خسر .. و المدح الكبير عليه اذا فاز .. يقولوا قرأ الفريق وفاز عليهم والحين يقولوا ما قرأ الفريق وخسر وما لعب بالتشكيلة المثالية و و و و و....ألخ



يا خسارة بس .. هالصحف ومهاجمتها للمدرب بعد الهزيمة ولا مرة شفتهم يهاجمون اللعيبة الي ما قدموا المستوى المتوقع .. لكن نأمل افضل وأفضل بالأيام القادمة ونشوف مستوى مشرف امام الأسبان ونتمنى من باكيتا اقحام الدعيع او خوجة .. وتغير جذري بالدفاع ..




-مقتطفات من المباراة واللاعبين-
مبروك زايد .. بصراحة .. غيرك افضل .. ولا تنسى تغير الجزمة ( الله يكرمكم ) الي فشلتنا فيا :018:
تكر والمنتشري .. لا تعليق :018:
عبد الغني .. قدمت الي عليك وما قصرت
الدوخي .. وينك عن الهجوم .. ؟!
عمر الغامدي وكريري .. كفاية انبراش ونتمنى تلعبون افضل امام الأسبان
عزيز .. افضل محور سعودي في نظري ..
نور .. غير الجزمة علشان ما تزلق مرة ثانية ويجي علينا هدف
امين .. دخولك بالشوط الثاني وانت متحمس للعب افضل
ياسر .. وجودك لحالك في الأمام غير مجدي .. ليت فيه احد معك
سامي .. ما قصرت يا كبتن ..
مالك .. نجم سعودي قادم ..
نواف .. ليتك اساسي .. كان استفدنا من تصويباتك الصاروخية ..

[مايــــــــــهـــــــــاب]

اولا اعتذر اخوي مداوي لعدم انتباهي للموضوع والرد عليه في وقته

ثانيا

اخوي مشكلتنا هي هي مشكلة المنتخب السعودي وعلى مر الاجيال الصحافه والاعلام والعقليه الرياضيه

اولا اللاعبين داخلين قدام اوكرانيا وهم على بالهم داخلين يلعبون مع البرازيل او فريق قوي مره

انا بصراحه اذا شفت لعب كوريا مع فرنسا واليابان قدام البرازيل احقد على لاعبين المنتخب السعودي

ليش هالارتباك ليش هالخوف كل لاعب يستلم الكوره ويبي يتخلص منها الى متى وحنا طموحنا المشاركه بكاس العالم خلاص مانبي نشارك بكاس العالم نبي دور الستعشر
او الثمانيه

وانشالله دور الاربعه >>>>>>>>>>>>>>>>>>>>>هذي قويه شوي بس تقبلها



المنتخب وربي كتكتيك من افضل المنتخبات بس مشكلتهم نفسيه وتفكيرهم

ويشاركهم الصحافه

اللي تبي تمشي المنتخب على كيفها وفوق هذا كله لو طلبو شي وسواه المدرب وانهزم جحدوه كانهم ماطلبو هالشي انا اعترف ان المدرب غلطان بلعبه بثلاث محاور بس وينهم عنه من اول ليش يشيدون فيه عشان التعادل في تونس ولا عشان المستوى اللي قدموه طيب هاجم المدرب على التشكيله

زايد >>>هذا حارس ياناس هذا هدف مايجي على اقل حارس بالسعوديه اقصد الهدف الثاني

نور >>>افضل لاعب سعودي في كاس اسيا الفين ونجم بس مادري وش فيه وانا اقول نور هو اللي فيه شي غير طبيعي يعني ممكن اعذره واقول مستواه نازل

كريري والغامدي <<<<<<<<<<<المنتخب ناقص لاعبين بوجودهم واي واحد يستلم الكوره رجع للاعب اللي وراك
تكر >>>>>>>>>>>>>>>>>>>>ماعليه بس مافي احد فاهمك بالدفاع

منتشري <<<<<<<<<<<<<<<<أفضل لاعب باسيا بس العب في فريقك المنتخب ماتوقع يصلح لك لانك ماتلعب له

حسين عبد الغني <<<<<<<<<<<مبدع ولو ان الفريق مايساعد

نواف <<<<<<<<<<<<<<بصراحه مستغرب من مستواك

ياسر <<<<<<<<<<<<<<<<<<<لاعب مكانه مو الدوري السعودي مكانه برى الاسباني الانجليزي الايطالي او الهولندي الفرنسي بس مو السعودي

مالك معاذ<<<<<<<<<<<<<<<<<أنتظرو هاللاعب بيكون اعجوبه بالكره السعوديه بس يبتعد عن الغرور ويسلم من الاصابات وياخذ فرصته

<<<<<<<<<<<<<<<<طبعا بما ان ردي بعد مباراة اسبانيا فانا اقول سعد الحارثي انت انحطيت بموقف محرج من باكيتا وكنت قدها ولو انك قهرتني بالكوره السهله اللي ضاعت بس ماتنلام

<<<<<<<<<<<سامي الجابر ذئب ومبدع وفنان بس المنتخب ماساعدك برضه نفس الحكايه


<<<<<<<<<<<<<محمد امين لاعب شوط ثاني معروف ولا شلون يصير احتياط بالاتحاد واساسي بالمنتخب

مشكلة المدرب انه كافا محمد امين ونزله اساسي وهو مايدري انه عاقبه لان محمد لاعب شوط ثاني


المهم نرجع من باقي


الدوخي <<<<<<<<<< مستغرب منه كوره حلوه وكوره غلط يعني مو ثابت المشكله مستواك مو ثابت في نفس المباراه مو في مبارتين احس انه لاعب خواف او جبان مع احترامي له


اممممممممم



اممممممممم من باقي
<<<<<<<<<<<<<<<<<<<<<<خالد عزيز انشهد انك ذيب ولولا الله ثم لولاك ان المنتخب اكلها


<<<<<<<<<< شي واحد قاهرني ودي اعرفه ليش ادارة المنتخب الغة عقد كالديرون مع انه وصلهم لنهائيات كاس العالم بدون هزيمه لاول مره وبهدف واحد في مرماهم وبهجوم قوي يعني حل جميع مشاكل المنتخب

عشان هزيمه من العراق وبالمنتخب الاولمبي طيب الرجال قالها لكم اهم شي عندي كاس العالم

الامير نواف بن فيصل يقول احنا الغينا عقده عشان هو يختار مساعدينه بنفسه طيب من تبيه يختارهم انت ولا مين
الرجال عارف مصلحة المنتخب ولا شلون ياصل كاس العالم بدون هزيمه ويهزم كوريا رابع المونديال بالسعوديه وكوريا









بصراحه انا احس اني يئست من المنتخب










اسف على الاطاله اخوي مداوي بس لقيت في موضوعك مكان افش فيه خلئي لانهم رافعين ضغطي :)


مشكور مره اخرى على اجتهادك الرائع


واسف على تاخري بالرد بس ماشفت الموضوع الا هالحين

اخوك مايهاب

[توتو]

كل مدرب يسبون فيه

لو اننا فايزين كان طيروه للسقف


لكننا خسرانين عشان كذا يحاولون يبررون الخستره



يستاهلون المنتخب بلاه الاعبين موالمدرب



انا موقاهرني الا محمد الدعيع شايب يا اخي خلاص مو لازم تكون انت الحارس خل المواهب الشابه تطلع مو شرط تكون انت او مبروك


اما ياسر القحطاني كان الله ماخلق الا هو بكل شيى ياسر وياسر


ياسر فعل وياسر عمل


مافيه يعني الشلهوب سعد هذولا لاعبين بعد والا مالهم رب


لكن انا اتمنى ان المنتخب مايتاهل الا اذا كان عنده القدره على الفوز وعنده قوه واتمنى ان الصحافه ماتبرر الخساره دائما وتلصقها بظهر المدرب المدرب يحمل شيى من اللوم لكن الخطاء مايكون من المدرب في كل مباره



اسفه على الاطاله ومشكور مداوي


توتو

[مداوي جروحه بروحه]

مشكور مايهاب & توتو على المرور

على العموم المنتخب السعودي خرج من المونديال بدون أي لعب مشرف حتى أمام

أسبانيالم نرى تقريبا الا فرصه واحدة حقيقية أضاعها الحارثي

والمشكله مثل ماقال أخوي مايهاب مشكله نفسيه فكل منتخبات العالم من

ألاساسيات في فريقهم أخصائين نفسيين لاكن المشكله الكبرى هنا الفكرة الخاطئه

عن الاعداد النفسي فهي ليست بالمال وحده

ولكم تحياتي