عفوا"...للمتذوقين فقط !!!!

[مـريــن]

بسم الله الرحمن الرحيم


السلام عليكم ورحمة الله وبركاته


http://www.wardaah.com/gallery/data/thumbnails/39/13.gif

هديه متواضعه لعشاق الشعر


قصائد مختاره للشاعر الرائع

فهد المساعد

القصائد مقروءه ومسموعه

حبيت تشاركوني الاستمتاع بها

اذا وجدت اقبال راح أقدم المزيد

من روائع هذا الشاعر في هذه الصفحه


أتمنى ان تنال استحسانكم



...

اللي تركني



مسموعه .. إضغط هنا (http://www.almusa3ed.com/poem/15_elly-tarkni.ram)


اللي تركني وانا في عز غربالي
بعد الشدايد وش اللي ذكره فيني

يبغى زمانه يعود ويرجع الغالي
وشلون يرجع بعد ماطاح من عيني

لا الوقت وقته ولا له شي في بالي
انا نسيته مثل ماكان ناسيني

ياما تمنيت نظره منه في حالي
ياما تمنيت صوته لو يناديني

واقول لااظلم علي الليل بلحالي
الله يجيبه يشتت غربة سنيني

من كثر ماكان طيفه دايم قبالي
احيان احسه معي وتضمه ايديني

ولامن تنبهت لين وجيه عذالي
كل على ماطرا باله يسميني

ليته تركني بعد هذا على فالي
زي ماتركته بعد قتله بساتيني

من بعد ماصار جا بلسانه الحالي
يبغى يرجع زمان بينه وبيني

قولوله اني ماحبه كثر ترحالي
او لا حرام يتضايق ويبكيني

قولوله اني احبه بس من تالي
ان راح ولا رجع ماعاد يعنيني




http://www.al-wed.com/pic-vb/878.gif




المدينه والغريب


مسموعه .. إضغط هنا (http://www.almusa3ed.com/poem/14_elmadina-oo-el3'areeb.ram)


جا يشوف الحال كيفه بعد ما هزه حنينه
وقبل يسألني سألته كيف حالك يالحبيب

قال أنا كني غريب ضيع دروب المدينه
قلت انا كني مدينه تنتظر رجعة غريب

قال اجل وشفيك تكره سيرة الحب وسنينه
قلت اجل وشلون ما اكره سيرته دامك تغيب

انت لامن غبت حتى مرايتك صارت حزينه
كيف ماتبغاني احزن وانت لي حظ ونصيب

الهدايا والرسايل والمكاتيب الثمينه
والليالي والقمر والريح والكون الرحيب

كل ماتبعد تجيب الشعر ليه من يدينه
وتقعد جروحي تودي في الطواريق وتجيب

يابعد كل القصيد ونزوة حداه وانينه
لاذكرتك لاح بيت وطاح ورد وفاح طيب

وان نسيتك مانساني صوتك المبحوح لينه
ياخذ لجرحي بثاره من خطاياك ويطيب

وبعد هذا جاي ترمي ذنبك بوجه المدينه
مادريت ان المدينه كلها شمعة غريب




http://www.al-wed.com/pic-vb/878.gif



خلاص


مسموعه .. إضغط هنا (http://www.almusa3ed.com/poem/09_5ala9.ram)



ياصغير السن قدرك طاحت ابراجه
الجرح خلا الصخر ينطق ونطقني

خلاص ماعاد تعني لي ولا حاجه
رح جعل ربي يوفقك ويوفقني

من بعد ماكنت نور العمر وسراجه
اليوم صرت الظلام اللي يطوقني

عطيتك اكثر من اللي كنت محتاجه
اسرفت في الحب لين الحب وهقني

خلاص مالي ومال الحب وازعاجه
مالي ومال الدروب اللي تضايقني

تعبت اضم البحر واهدي امواجه
تعبت اجامل واشوف الوقت يسرقني

شكواي للي عليه الضيق وافراجه
اللي إذا شاء يرحمني ويرزقني

اما انت يابو جبين عقد احجاجه
لا عاد تسأل علامك منت طايقني

الناس كل على دربه ومنهاجه
وانا عن الناس مابه شي يفرقني

إلا إني دايم احب الصدق واواجه
مخلوق والله على هالوضع خالقني

حتى رفيقي ضماد القلب وعلاجه
على كثر ماتمسك فيه صدقني

لو أدري انه مرافقني على حاجه
لامسكه حاجته واقول : فارقني



http://www.al-wed.com/pic-vb/878.gif


كبوة جواد

مسموعه .. إضغط هنا (http://www.almusa3ed.com/poem/05_jawaad.ram)

صعب لامنك فشلت وصعب لامنك لقيت
ان من يكره نجاحك يدري انك مانجحت

امس ضقت ورحت اقلب ذكرياتي وانتهيت
عند صورة طفل صوته مثل صوتي لا انجرحت

وش مثل لا والله الا هذا انا يوم ابتديت
انطق حروف تلعثم في لساني لا انمدحت

هذا انا يوم الحياه في نظرتي عشرين بيت
ومسجدين ومدرسه من طين كم فيها اصطبحت

هذا انا واصبحت اتمتم هذا انا حتى بغيت
اختنق بس القدر عيا على موتي وطحت

وصاح صوت الطفل فيني انت من وين ارتميت
قلت انا المستقبل اللي فيه كم همت وطمحت

امس كنت ابيك تكبر بس والله لو دريت
اني اللي عشت لاجله مت عندك واسترحت

لودريت ان الزمان يجر رجلي ماعديت
ولودريت ان البحور بلا مواني ماسبحت

كان دربك لي طويل وكل ماشفتك هويت
قلتلك كبوة جواد وماكبيت إلا وجمحت

ليه تسمعني وتمشي آه ليتك مامشيت
وآه ليتك من كثر عثرات الايام انتصحت

ضاعت أحلامي وظل الحزن فيني واهتديت
للطريق اللي يوديني على دمعي ورحت

يالحزن ليتك مثل دمعي وتنزل لارقيت
بس اعرفك لو مسحت الدمع تبقى مانمسحت

كان حلمي في وجود انسان يبكي لابكيت
وصار حلمي في وجود انسان يفرح لافرحت

كنت اشوف الناس مثلي كل ماجعت وضميت
مادريت ان الاوادم ناس فوق وناس تحت

آه يا اول ذكرياتي خذني فحضنك نسيت
لا اسالك عن وجه ابوي اللي معه ياما سرحت

خذني فحضنك ابغفى ياه مبطي ماغفيت
وان لمحت دموع عيني سو نفسك مالمحت

خذني فحضنك وبعثر في جروحي وان قضيت
هز لي كتفي وقل لي عيب تبكي لو سمحت

إضحك وعلم زماني من انا ومن وين جيت
طق باب الحزن واصرخ في لامني فتحت

وضمني يمك وكمل ضحكتك لامن بكيت
ودي اذكر كيف كانت ضحكتي لامن فرحت



.


.


http://www.wardaah.com/gallery/data/thumbnails/39/13.gif

انشالله تعجبكم


تحياتي

[ثامر السلمان]

مشكوره يالمزيونيره على المشاركه الجميله


شاعر جميل ويستحق التقدير

[مـريــن]

ياهلا والله فيك اخوي


نورت الموضوع وانشالله تكون استمتعت مثلي بروائع هذا الشاعر


وانشالله راح يكون هناك المزيد لهذا الشاعر هنا


ولشعراء اخرين في مواضيع اخرى بإذن الله





تحياتي

[عايض العتيبي]

شكرا يا المزيونيره


وما قصرتي

[مـريــن]

ياهلا فيك اخوي عايض


نورت الموضوع


وانشالله تكون عجبتك القصايد


تحياتي

[توتو]

مشكوره المزيونيره


كل القصايد حلوه وعاد ننتظر المزيد


توتو

[مـريــن]

ياهلا وغلا خيتوووو


نورتي الموضوع بمرورج


انشالله تكون عجبتج القصايد


تحياتي

[طالب الروسي]

الله لا يهينج يا المزيونيره


اختيار موفق

ومبطي عن هالقسم


زين منج رفعتي فيه النشاط



لاعدمناج

[مـريــن]

ياهلا وغلا أخوي طالب



نورت الموضوع بمرورك


وانشالله تكون عجبتك القصايد


تحياتي

[مـريــن]

السلام عليكم ورحمة الله وبركاته



اليوم اعود لاكمل ما قد بداته

هنا اكمل قصائد الشاعر الرائع


فهد المساعد



علها تنال استحسانكم .

.





http://www.therustictouchstore.com/div2.gif




ღ سالفة عشاق ღ


للاستماع..اضغط هنا (http://www.movn.net/Fahd_AL_MSa3d/SaLFaT_3ShaaG.ram)



من بغى الفرقا لقاله عذر واسباب ودليل
خلـ عنك العذر والاسباب دام الحب ضاع

كان ودك بالفراق ابشر عسى عمرك طويل
لاتردد وانت لك كلمه ولك امرًٍ مطاع

لي عليك انك تبت بكلمةٍ تشفي الغليل
ولك علي اني لـ أوقف وقفة الرجل الشجاع

لاتجاملني مخافه قال مدري خوف قيل
عمر هرج الناس مايسمن ولا يغني جياع

كان قصدك سر حبك اوعدك لا اصبح بخيل
واحمل اسرارك معي للموت كثر المستطاع

بس قلها قل ما احبك وابشر بصبرً جميل
لاتحسبني من مثل من طبعهم لوي الذراع

صاحبك ماهو كذا ياصاحب القد النحيل
صاحبك طبعه غريب وغربته غربه طباع

فالهوى مايقبل الحل الوسط ولا القليل
مثل ماهو لاشرى يشري ليا من باع باع

ثابت لوهي تميل الارض حدره مايميل
يدري ان الفقر ماهو عيب والدنيا متاع

ماعشق لذة حياته كثر عشق المستحيل
ولا كره حتى مماته كثر كره الانصياع

كم تعلم من شديد البدو وش معنى الرحيل
وكم تعلم من غروب الشمس وش معنى الوداع

وكم تعلم من سحاب الصيف وش معنى الحصيل
وكم تعلم من ليالي البرد وش معنى الضياع

ايه انا هذا طريقي موحوش وصعب وطويل
وانت لامنك تعبت العالم فجوجه وساع

اعتبرني في بداية سكتك عابر سبيـل
ورح وانا قلبي معك من وين وجهت الشراع

يكفي اني لا انذكرت في سالفة عشاق قيل
عاشر احبابه شجاع وفارق احبابه شجاع





http://www.therustictouchstore.com/div2.gif






ღ نديم الجرح ღ

للإستماع..إضغط هنا (http://www.movn.net/Fahd_AL_MSa3d/NaDeeM_AL_jar7.ram)



يـانـديـم الجرح واللي وصتك بارقامها
عـارف انك ما تعرف الا شذى يشمومها

لا تـعلمني عن اخر ما حصل في ايامها
مـن رسـالـتها عرفت اليوم كل علومها

ادري ان الـوقت شمر عن يديه وضامها
وادري ان الحظ الاقشر صار مثل هدومها

وادري ان الـهم وقف في طريق احلامها
لـين صار الحزن اثرها والشقى مقسومها

بـس تستاهل هي اللي طاوعت من لامها
وباعت اللي كل ذنبه ما دخل في سومها

خـلـهـا تـدفـع ثمن غلطاتها ما دامها
هملت قلبي وراحت واسرفت في حومها

ويـبتعد مع كل خطوه صوت وقع اقدامها
وتقرب الضيقه وتصحى دمعتي من نومها


لـيـن غابت عن عيوني وانجلا هندامها
ليلةٍ تغفى على صدر الظلام نجومها

كـنت احس بشي والله ما تشيل عظامها
لو تحس بشي منه يمر وسط حلومها

كنت احس ان الظلوع العوج مثل ايتامها
واشعر ان القلب نبضه منتهي من يومها

والـحـياة اللي تدور اشهورها واعوامها
وقفت واليوم دور رماحها وسهومها

ياكثر ما اغرقت نفسي في بحور اوهامها
وياكثر ما ضعت بين اوهامها وهمومها

مـا جـداي الا احـلم اني واقفٍ قدامها
واتخيلها تعاتبني واروح الومها


يـانـديـم الـجرح خلك من علوم ايامها
مابقى في القلب رغبه يلتفت لعلومها

والـرسـالـه ردهـا للي زمنها ضامها
وقلها كلمه.. وتفهمها حسب مفهومها

والله ان اقـص كـفـي قبل ادق ارقامها
والله ان اشيل قلبي قبل اشيل همومها



http://www.therustictouchstore.com/div2.gif



تحياتي

[محمد الدوسري]

الاخت المزيونيرة

قصائد رائعة واختيارات موفقة , لشاعر يمتاز بعذوبة المعنى وسلاسة الكلمة , وسرعة وصولها وملامستها للقلوب , هو من القلة التي يمكن ان يطلق عليهم أصحاب وأرباب السهل الممتنع .

شكرا لهذه الاختيارات الرائعة , وقد تفاجأت بالفعل ببعض القصائد التي لم يكن لي فرصة ان اقرأها من قبل لهذا الشاعر المتألق .

شكرا اخرى للمجهود المبذول في هذا الموضوع .

تحياتي لكٍ

[مـريــن]

ياهلا والله اخوي ابو اصاله ;)


مشكور ع المرور العذب


وانشالله يارب تكون عجبتك القصائد


وانشالله في المزيد من القصائد




يعني كرر الزياره :d

[محمد الدوسري]

في الانتظار


فلا تتاخري


نريد المزيد من الجديد والفريد :)

تحياتي لك