المساعد الشخصي الرقمي

مشاهدة النسخة كاملة : علومها 3 عــيــوب

محمد الهاجري
07-11-2005, 02:22 AM
السلام عليكم ورحمة الله وبركاته



طفلة صغيره ..ومن الصغر
..علموهــا ثلاث عيوب
بوجه الغريب ..لاتضحكين
وسوي .. ولا تســأليــن
!!..وأهمها .. حذاري تحبين

ومر الزمن .. والطفلة
كبرت .. وهالعيوب كبرت..
!!..إحفظتها بقلبها ..إفهمتها بعقلها
!!...إلا الأخـــير .. وآآه من الأخيــر

حاولت تفهمــه .. ماقدرت
!..حاولت تجنبــه .. ماصبرت
واخيراً قررت
تنسى ذاك العيب الكبير
..تنسى ذاك الهم الكبير

-----

ومرت الأيام .. والوقت الطويل
ومرها طيفٍ من بعيـــد
سكن في قلبها ..ضحك في وجها
حســت بقلبها .. يرجف
وبعينهــا .. تدمــع
ودهــا إنه منها قريب .. ودها
....مايبعد عنهـــا
مســكينه حبت .. ولا حســت
وسوت أكبر ..هالعيــــوب

-----

راحت لأمهــا .. تشكي
تحــكي .. وتحكــي
مثل ماتعودت من يومهــا ..طفلة
أمها بكت وقالت : بنتـي تحب
!!..أبوها سكت وقال : لايدري أحد

أبعدوها عن الناس
خافوا تقول ذاك الإحساس
وصارت تسامر ..النجمه
وتحسب ..للقدر "حكمه"
تفكر في فارس الأحلام
وتبني ذيــك الأمال

-----

ماطولت في حلمها
جاها ولد عمـــها
يبيهــا ..يبي قربهــا
وافق أبوها .. وافقت أمها
قالوا : مافيه إلا ولد عمها
يبعد العيب عنا .. وعنها

وهي .. للحين ترسم
محدٍ أخذ رايها .. ولا احدٍ شاورها
بكت قالت : لا .. محدٍ سمعها

وجا ذاك اليوم إلي يسمونه زفاف
وهو بعيونه .. يوم الممات
وإجتمعوا الأحباب .. والأصحاب
محدٍ درى عن قلبها .. عن همها
محدٍ عرف وش نيتــها

-----

قالوا : الفرحه
وكلٍ هتــف
قالوا : الزفه
وكلٍ وقــف
بس للأســف
هي ماحضرت
هي ارحلــت
خذت ذنبها .. وذنب
أهلهــا .. وإرحلت ..
خذت عيبها الكبير
!..وإرحلــــت

حتــى ذاك الطيــف البعيد
إتركته .. وإرحلت





تقبلوا ارق واجمل تحيه
Kuwiat
مالك الروسي
07-11-2005, 06:05 AM
الله الله عليك ياكويت

ان لله وان اليه راجعون

محزن ان يكون الاب والام هكذا
وزين سوت خذت قشها ورحلت :)
والحب مو بكيف الواحد يحب ولا لا
لو بالكيف صارت وناسه :)


تحياتي لك
محمد الهاجري
07-11-2005, 06:26 PM
الاخ : الوايلي


هاهاهاهاهاهااهاها

يعني لو الحب على الكيف كان قلبك الحين صاير فندق :)





تسلم يالامير على المرور الراائع والجميل




تقبل خالص وارق تحيه

Kuwait
نايف الشوق
07-19-2005, 01:49 AM
يعطيك العافيه اخوي كويت

مشاكره حزينه وللاسف هي الواقع بس وشنقول غير الله يكبر عقول اهلنا ويحمي عيالنا وبناتنا
تحياتي لك
chelsea
07-19-2005, 11:03 PM
شنو رحلت وين راحت عاد !! p:

صح لسانك

تقبل تحياتي أختك : chelsea
صغير لكن عقلي كبير
07-20-2005, 01:07 PM
الله عليك يا كويت
مبدع تسلم والله اعجبتني الخواطر وماتقصر ولا هنت
بطيحان البطيحان
07-20-2005, 11:36 PM
الاخ العزيز / كويت

تسلم على الابداع والله لا يهينك
محمد الهاجري
07-21-2005, 12:19 AM
السلام عليكم ورحمة الله وبركاته


الاخ نايف : أشكرك على المرور العذب والتعليق على الخاطره .

الاخت : chelsea : أشكرج على المرور الجميل وين رحلت ماتت الله يرحمها ذبحها الحب :P

الاخ : بـدر : اشكرك يالغلا على هالمرور الذي نور الصفحه وان شاء الله انها نالت على اعجابك يالشيخ .

الاخ الوحيد : أشكرك يالامير على هالمرور الذي عطر الصفحه وتسلم ولا هنت يالغلا




تقبلوا خالص تحياتي

Kuwait
ملاك الحزن
07-22-2005, 06:10 PM
... السلام ...

راااااااااااااائعه اخوي // كويتي ..
اشكرك عليها كل الشكر .. وكلي شووووووووووووووووق لجديدك..




..وهلا ومرحبا..
محمد الهاجري
07-24-2005, 08:19 PM
السلام عليكم ورحمة الله وبركاته



أشكرج اختي ملاك الحزن على المرور الطيب .




تقبلي خالص تحياتي

Kuwait