ابتلشنا باالليالي مـن غلاهـا

[محمد الثبيتي]

مقطوعه اتمنى ان ترقا لاذواقكم



ابتلشنا باالليالي مـن غلاهـا=وابتلشنا من غلاهـا بالمنـام
اتزايد من غلاها فـي جفاهـا=وما بقلبي مايصّـور بالكـلام
غصب عني كل مابي في يداها=واتجاوب مع خفوقي باالمـلام
ماتحاول تفتهمني مـن ذكاهـا=ساعيه لاحراج قلبـي ياحـرام
اتزاهى لعنبوها في صباها=واتقلد من جمالن للوسام
اتعذب مثل غيري في هواها=ومن رداة الحظ معها باحتدام

[بنت القصيد]

صح الله لسانك يالقرم وبيض الله وجهك
روووعه بروعة شاعرهااا
جزله من راس جزل ياطويل العمر........

تقبل مروري
اختك بنت القصيد ..........

[يزيد محمد]

ماشالله عليك ابيات رائعه وخفيفه ...
قصيده جميله ولازم تشيَّل .. ويازين لو شيلت بصوت مهنا العتيبي

[محمد العتيبي]

صح الساانك

[جهنم الشعار]

صح لسانك اخوي محمد الثبيتي

قصيده جزله من شاعر جزل

ولي تعليق اتمنى انك تتقبله بصدر رحب

اللي هو اول شطر من كل بيت في القافيه فيه زيادة حرف
(ابتلشنا باالليالي مـن غلاهـا)
(اتزايد من غلاها فـي جفاهـا)
(غصب عني كل مابي في يداها)
(ماتحاول تفتهمني من ذكاهـا)
(اتزاهى لعنبوها فـي صباهـا)
(اتعذب مثل غيري في هواهـا)

فلكي تعتدل القصيده من ناحيت الوزن يا إنك تزود حرف في قافية كل ثاني شطر من القصيده او انك تمسح حرف من نهايت كل اول شطر من القصيده

اتمنى اني لاكون طولت ولا ثقلت عليكم
وهذا لايعيب جزالت القصديه

اتمنى مره اخرى ان تتقبل التعليق بصدر رحب
واتمنى لك التوفيق

اخوك جهنم الشعار

[محمد الثبيتي]

للجميع صحت السنتكم والله لايهينكم


جهنم الشعار هلا وغلا وقبول النقد اخوي يشترط صحة نقد الناقد
فلو كان محله لقبلته وكلنا نخطي ومن اخطا تعلم.
اعد النظره وستتعرف اكثر.

تشرفت بتواجدكم جميعا وياهلا وغلا بجهنم الشعراء.

[ذائع الصيت]

محمد الثبيتي
صح السانك وتسلم يمينك
تقبل مروري
اخوك
ذائع الصيت