أرحل وبرحل وليتك بالمره تقفي ...

[عجزت أنساك]

السلام عليكم ورحمه الله وبركاته ....

كتبت هذي القصيده وانا أدري انه تعاني خلل من الوزن .. لكن حبيت من

يفيدني بالنصائح المفيده .. وطبعا اللي يبي يجاملني رجائن لا يكتبلي الرد

انا أبي الانتقادات والنصائح التي تفيد .. واللي يوزن لي القصيده له كل الشكر :)


ياللي تناديني أقصر صوتك وأقفي = ياما ناديتك وأنته دوم مقفيني

توك تجيني الحين وتوقف بصفي = كم مره أوقف بصفك وتخليني؟؟

ماني بمسامحك ماني عنك بمعفي = الله أعلم اللي جاني منك يكفيني

أخبرك إليا زهمت بأمرن(ن) توفي = وانته أوفيت بالجروح اللي تشقيني

غبنت قلبي بسبايبك .. العين ماتغفي = أسهر ليلي ولهايب النار تضويني

كن جمرة(ن) بالحشا عيت لا تطفي = وإليا طريت علي زاد لهبها فيني

تطعن فيا عند الخلق وعني تغفي = ماني باللي يطعن من ’كان’ يغليني

أرحل وبرحل وليتك بالمره تقفي = خلاص ماعاد أمرك ياصاح يعنيني

أدوس على قلبي وأقهر انا ظرفي = لو الزمن حدني عليك ما يثنيني
فــي أنتظااااركم

[محمد الثبيتي]

السلام عليكم ورحمة الله وبركاته
اخوي افتح صندوق الخاص بك لكي يعبر لك الاخوه والاخوات عن رايهم .
اما النقد على العام فقد حذرنا منه لكي لاندخل في مهاترات الجميع في غنى عنها .

[محمد الثبيتي]

السلام عليكم ورحمة الله وبركاته
اخي اكمل على هذا السياق والعذر والسموحه من القصور




ياللي تناديني بصوتك وانا اقفي=نسيت يومني اناديك تقفيني
خلاص منكم بالغلا زال شفي=حبك نزعته لوتقّطع شراييني

[سامر الليل]

هلا اخوي محمد
انا بحاول انتقد شعرك بس بشرط انك تنتقد شعري اللي حاطه واللي بحطه انشالله.
قصيدتك من ناحية الوزن جيدة بعكس ماقلت
في البيت اللي يقول(اسهر بليلي ولهايب النار تضويني)
لهايب النار تضوي وتحرق وتكوي
يعني لو قلت(لهايب النار تكويني) كان انسب للفكرة
في نفس البيت لما هيجنت القصيدة شفت انه
اسهر ليلي لو استبدلت ب (اسهر بليلي) لكان الجرس الموسيقي والوزن الداخلي متناغم.
اخر شي ( خلاص منكم يالغلا زال شفي) فيه تناقض بين الغلا وبين شعورك.
بشكل عام القصيدة جيدة ولكن تفتقد للجرس الموسيقي..

[عجزت أنساك]

محمد الثبيتي .. سامر الليل أشكركم على مروركم العطر ...

وكلامك جميل ياسامر الليل .. ولكن هل من يستطيع ان يفيدني

بنصائح قد تفيدني لكتابه الشعر .. نصائح من كل النواحي

وانا في انتظاركم وتسلمون

[العازف]

يعطيك العافيه على القصيده الحلوه ويسلمو

[جهنم الشعار]

اخوي عجزت انساك صح لسانك
كلام جميل جدا

وكما ذكرت انت ان القصيده تخلوا من الوزن
وانا اسميها خاطره

والوزن اخوي عجزت انساك يكون باللحن او التفعيله

واتمنى ان تتقبل ملاحظاتي بصدر رحب

اخوك جهنم الشعر

[عجزت أنساك]

جهنم الشعار .. أشكرك على مرورك .. لكن اللي بساله هل توجد موهبه شعريه؟؟

سالت مليون مره هالسؤال محد يرد علي ... وانا ابي الرد بدون مجاملات ؟؟

[جهنم الشعار]

اخوي عجزت انساك

الموهبه تتضح عندما تكتب قصيده موزونه

فحينها يسهل علينا تقييمك من ناحيت الموهبه

تقبل شكري

[عجزت أنساك]

جهنم الشعار أشكر تفاعلك معي ... لكن أبي انا كتبت اللي اعتبرتها قصيده وانت

اعتبرتها خاطره إلا بلحن شلتها بلحن وكتبتها هذا اللي اعرفه ابصراحه ...

كيف أكتب بوزن انا وانا ماعرف طريقه الوزن لحد الآن .. جهنم ياليت توجهني

او تقول لي .. او مالي دخل فالشعر ولاني عارف اكتبه .. انا ابي واحد يقول

رايه الصريح وان كانه جريح اهم شي اعرف وانا في انتظارك ردك

[جهنم الشعار]

اخوي عجزت انساك
الشعر له عدة بحور ولكل بحر عدة الحان
واذا كنت تريد ان تألف القصيده على لحن فيجب عليك ان تتقن اللحن

فل نقل مثلاً اردة التأليف على بحر البسيط
فسوف اعطيك مثل

(والراس مرفوع والرايات مرفوعه)

وهذا البحر له الحان كثيره
ومنها مانسمعه كثيرا فالموالات

اتمنى انك فهمتني اخوي عجزت انساك

تقبل شكري

اخوك جهنم الشعار

[عجزت أنساك]

... دائما الكلام كأنه ألغاااز وانا محتااج للشرح لكن عالعموم مشكور ياجهنم الشعار

وماقصرررت .. وازعجتك معاي اسمح لي وشكرا