محمد البرجس
01-13-2007, 09:23 PM
بسم الله الرحمن الرحيم
هذي اول مشاركة لي معكم واتمنى ان تنال على اعجابكم ... وياليت كل من يمر يعطيني رايه بصراحة .....
هاك الوصاة يمه شي ٍ دهاني = لوعة الحرمان والنفس غدت مطعونه
راعني بمنامي حلم ٍ سطاني = نذير ٍ شفت به الروح مدفونه
تملكني هوجاس وعدة أفكار تغواني = وهموم ٍ لها النفس شفتها مرهونه
جسني بصميم القلب خلي مارعاني = ألا ياعسى من راعني له الروح مديونه
ألا يامن له الفكر انشل وجفاني = شف القلب والعين بكم مفتونه
عادتي بالعشق علتي مخفيها بزماني = محد ٍ درى النفس وش بها مشيونه
هاك يمه ماحلا بخاطري ورماني = على نظم القوافي وأبيات محزونه
حلم ٍ تقلّب بي على جميع الألواني = ماذقت به الا العنا والمهونه
اشكي يمه عن علة احزاني = من يصون الحب يمه من يصونه
ناس ٍ مابها رحمه ماتروي الضمياني = ماتعرف الوفا والغدر طبعهم يبدونه
لاشك في دنيتي عانيت نقصاني = غديت عاشق والعشاق ليلهم يسهرونه
انوح وأتألم وابكي واشكي ولهاني = وأعاني طول ليلي والحال مغبونه
خلّي تفنن بتعذيبي وهمي عصاني = وجروحي توالت من صوب القلب لعيونه
دمعي غريق والعقل صابه جناني = وأنا غرقت في بحر الحب وفتونه
يالعنبو حب ٍ خلى صاحبه مرضاني = ويالعنبو خل ٍ زاد أوجاع القلب وظنونه
العشق ثمرته لا ماثار فيه بركاني = يذبل ورود الهوى بسمومه وجنونه
ألا ياوين ابلقى عشير ٍ طير حوراني = ينسيني همومي وعهد الهوى مايخونه
الزمن غدار والمحبين بعذرهم تفناني = على كل طاروق اللحن يعطونه
وش فايدة بالحب ماكنت غلطاني = مثل باقي البشر حبايبهم مايخونونه
حظي الردي رماني وغديت شفقاني = اسامر النجمة بحزة الليل وسكونه
بخيل ٍ حظي يمه بالحنان ماعطاني = أشقاني وأتعبني وحال دوني ودونه
امسحي عبرتي يمه بكف الحناني = اللي فقدته وشقى القلب لاترضين يزيدونه
تحطم ضامري وخفوقي بالمرض يزهاني = وياشين من عاش وبالحيا يدفنونه
ضاع الأمل والرجا أصبح بدون عنواني = وأقبل عليه الوقت والبشر بفقده يعزونه
من مرهف احساسي بكيت حزناني = شي ٍ توهج بي وعلة ٍ احتوت القلب وبطونه
سيد الغنادير ريحه ورد وريحاني = كما الوسمي لاهب ريحه بالكاد مشحونه
وعن كل ماصار أحس صوبه بحناني = لاذكرته بكيته عساكم عشقي تفهمونه
أحس بالخجل لاشفته ويتحطم كياني = وقلبي وعيني صدى صوتهم يعنونه
ويبدى خيالي كنّه كابوس ٍ غشاني = يذكر الفرحة ولمسة يدي على متونه
أيام ٍ مضت ماعاد ترجع ثاني = زل الفرح معها والقلب زادت ظنونه
ألا ياونتي ونة المشتاق ولهاني = لاصابه الحرمان وعينه بشوفته مفطونة
فديت العشق بروحي لكنه مافداني = عليت مكانته والمحاجر سكنته عيونه
نعم أحبه من بد كل انس وجاني = نعم وحبي له وصل حد جنونه
ياللأسف حتى الهوى أصبح أناني = غدّار والنفس تركها بالقهر مشحونه
من شروق الشمس لغروبها شي ٍ يدهاني = ومع مطلع القمر النوم للعين يبطونه
هذي حالتي عقب فرقاه يالله غفراني = تاخذ عليل القلب روحه برحمتك مدفونه
هذي قصتي بالحب ماكنت اناني = عطيت كل ماعندي ومارضيت تزعلونه
اذكري الدستور اللي تحطم به وجداني = والأسى والسراب اللي خاويتهم بالمهونه
والأمل اللي عشت به والشوق والتفاني = اللي تحول لمر العذاب وأشكال حزونه
واذكري القصة وبينيها لهم تبياني = وقولي اني مظلوم مع اللي تخبرونه
اوصفي لهم وناتي باعذب ألحاني = لحن المعذب ولحن دمع عيونه
وقولي اني غديت نصف انساني = عاش مجروح ودمعه مل جفونه
وقدمي لهم كل دليل وبرهاني = ورغم ماصار قولي لهم فيني يعزونه
واذكريني لاحل مماتي وجاني حضراني = ولاتبكين لاقالوا شهيد الحب وحزونه
واضربي المثايل للمحبين لاصابهم حرماني = مثل ماصابني مع حبيبي علة ٍ مسكونه
واتركي حقي ياخذه منه الزماني = وتجور عليه سود الليالي وتخونه
وان ما خذ منه الزمن ونساني = له الله يوم مع الحشر يحشرونه
وانقشي على قبري حرف اللي كواني = وعن زيارتي بالقبر لاتخلينهم يبعدونه
لاجل ماينساني لاهز الهوى الأغصاني = يذكرني بالخير وتعانق شجوني شجونه
وهذي وصاتي يمه وأجمل معاني = افهميها وادعي لي بالجنه بيوم ٍ تعرفونه
وهذي النهاية اللي حكمها زماني = العاشق شهيد الحب والمعشوق يهنونه
وسلامتكم
بانتظار ارائكم
هذي اول مشاركة لي معكم واتمنى ان تنال على اعجابكم ... وياليت كل من يمر يعطيني رايه بصراحة .....
هاك الوصاة يمه شي ٍ دهاني = لوعة الحرمان والنفس غدت مطعونه
راعني بمنامي حلم ٍ سطاني = نذير ٍ شفت به الروح مدفونه
تملكني هوجاس وعدة أفكار تغواني = وهموم ٍ لها النفس شفتها مرهونه
جسني بصميم القلب خلي مارعاني = ألا ياعسى من راعني له الروح مديونه
ألا يامن له الفكر انشل وجفاني = شف القلب والعين بكم مفتونه
عادتي بالعشق علتي مخفيها بزماني = محد ٍ درى النفس وش بها مشيونه
هاك يمه ماحلا بخاطري ورماني = على نظم القوافي وأبيات محزونه
حلم ٍ تقلّب بي على جميع الألواني = ماذقت به الا العنا والمهونه
اشكي يمه عن علة احزاني = من يصون الحب يمه من يصونه
ناس ٍ مابها رحمه ماتروي الضمياني = ماتعرف الوفا والغدر طبعهم يبدونه
لاشك في دنيتي عانيت نقصاني = غديت عاشق والعشاق ليلهم يسهرونه
انوح وأتألم وابكي واشكي ولهاني = وأعاني طول ليلي والحال مغبونه
خلّي تفنن بتعذيبي وهمي عصاني = وجروحي توالت من صوب القلب لعيونه
دمعي غريق والعقل صابه جناني = وأنا غرقت في بحر الحب وفتونه
يالعنبو حب ٍ خلى صاحبه مرضاني = ويالعنبو خل ٍ زاد أوجاع القلب وظنونه
العشق ثمرته لا ماثار فيه بركاني = يذبل ورود الهوى بسمومه وجنونه
ألا ياوين ابلقى عشير ٍ طير حوراني = ينسيني همومي وعهد الهوى مايخونه
الزمن غدار والمحبين بعذرهم تفناني = على كل طاروق اللحن يعطونه
وش فايدة بالحب ماكنت غلطاني = مثل باقي البشر حبايبهم مايخونونه
حظي الردي رماني وغديت شفقاني = اسامر النجمة بحزة الليل وسكونه
بخيل ٍ حظي يمه بالحنان ماعطاني = أشقاني وأتعبني وحال دوني ودونه
امسحي عبرتي يمه بكف الحناني = اللي فقدته وشقى القلب لاترضين يزيدونه
تحطم ضامري وخفوقي بالمرض يزهاني = وياشين من عاش وبالحيا يدفنونه
ضاع الأمل والرجا أصبح بدون عنواني = وأقبل عليه الوقت والبشر بفقده يعزونه
من مرهف احساسي بكيت حزناني = شي ٍ توهج بي وعلة ٍ احتوت القلب وبطونه
سيد الغنادير ريحه ورد وريحاني = كما الوسمي لاهب ريحه بالكاد مشحونه
وعن كل ماصار أحس صوبه بحناني = لاذكرته بكيته عساكم عشقي تفهمونه
أحس بالخجل لاشفته ويتحطم كياني = وقلبي وعيني صدى صوتهم يعنونه
ويبدى خيالي كنّه كابوس ٍ غشاني = يذكر الفرحة ولمسة يدي على متونه
أيام ٍ مضت ماعاد ترجع ثاني = زل الفرح معها والقلب زادت ظنونه
ألا ياونتي ونة المشتاق ولهاني = لاصابه الحرمان وعينه بشوفته مفطونة
فديت العشق بروحي لكنه مافداني = عليت مكانته والمحاجر سكنته عيونه
نعم أحبه من بد كل انس وجاني = نعم وحبي له وصل حد جنونه
ياللأسف حتى الهوى أصبح أناني = غدّار والنفس تركها بالقهر مشحونه
من شروق الشمس لغروبها شي ٍ يدهاني = ومع مطلع القمر النوم للعين يبطونه
هذي حالتي عقب فرقاه يالله غفراني = تاخذ عليل القلب روحه برحمتك مدفونه
هذي قصتي بالحب ماكنت اناني = عطيت كل ماعندي ومارضيت تزعلونه
اذكري الدستور اللي تحطم به وجداني = والأسى والسراب اللي خاويتهم بالمهونه
والأمل اللي عشت به والشوق والتفاني = اللي تحول لمر العذاب وأشكال حزونه
واذكري القصة وبينيها لهم تبياني = وقولي اني مظلوم مع اللي تخبرونه
اوصفي لهم وناتي باعذب ألحاني = لحن المعذب ولحن دمع عيونه
وقولي اني غديت نصف انساني = عاش مجروح ودمعه مل جفونه
وقدمي لهم كل دليل وبرهاني = ورغم ماصار قولي لهم فيني يعزونه
واذكريني لاحل مماتي وجاني حضراني = ولاتبكين لاقالوا شهيد الحب وحزونه
واضربي المثايل للمحبين لاصابهم حرماني = مثل ماصابني مع حبيبي علة ٍ مسكونه
واتركي حقي ياخذه منه الزماني = وتجور عليه سود الليالي وتخونه
وان ما خذ منه الزمن ونساني = له الله يوم مع الحشر يحشرونه
وانقشي على قبري حرف اللي كواني = وعن زيارتي بالقبر لاتخلينهم يبعدونه
لاجل ماينساني لاهز الهوى الأغصاني = يذكرني بالخير وتعانق شجوني شجونه
وهذي وصاتي يمه وأجمل معاني = افهميها وادعي لي بالجنه بيوم ٍ تعرفونه
وهذي النهاية اللي حكمها زماني = العاشق شهيد الحب والمعشوق يهنونه
وسلامتكم
بانتظار ارائكم