خانت بعصر الخيانات ( صرخة من أعماق خالد )

[خالد ابو قاسم]

لعيونها سقت القصايد والأبيات
والدمع حبري والدفاتر هدبها
كتبت فيها من عنا الشوق آهات
وغيابها طول ولا جا خبرها
راحت وخلتني أهوجس بلحظات
وأتذكر الماضي وأناظر مهدها
وأسأل وأحاول إني ألقى الإجابات
هي ليش راحت وأبعدت عن خلفها ؟
والله ما ضايقتها كود حزات
وما شفت منها غير طيبة عربها
مير أنها خانت بعصر الخيانات
من دون سبه أو كلام(ن) جرحها
هي سبة أحزاني وجمر المعانات
وسبة دموعي يوم لدت نظرها
أنا سعودي وهي من أهل الإمارات
يعني عيال أعمام الله يهديها
حبيتها لكن سقتني المرارات
أخلصت لكن عذبتني بغدرها
على العموم .. صح إن بالقلب ونات
لكن يارب اغفر خطا صار منها
وإنك تسامحها على كل زلات
ويارب تحفظها بحفظك لأهلها
وأنا عسى الله يرحم القلب قد مات
هذي حياتي وأنا اعترف ذا قدرها

بقلم / خالد ابو قاسم

[راكان التميمي]

صح لسانك
كلمات معبرة من القلب تصدر
حضور ذهني قوي وعاطفي رائع
تحيتي

[خالد ابو قاسم]

مشكور اخوي راكان على هالاطراء وانا فخور بشاهدتك واعتز فيها .

شكرا على مرورك

[@بنوتة الكويت@]

يسلم ــــوو علىى الابياات يا خالد وتسلم يمناااك ..


تقبلواا مروري..

[خالد ابو قاسم]

مشكورة اختي بنوتة على مرورك والله لا يحرمنا من طلتكم .

[خالد مفلح الدعسان]

	محاوله جميله في معانيها وسوف يكون لي .. عوده باذن الله قريبا إليها أنتظرني بـ \ قـلـم خالد الدعسان العنزي

[رحاب عيسوي]

حقيقي بحييك علي الكلام المعبر
الكلام من القلب يصل الي القلب
رغم اني لا افهم لهجتكم الي حد ما
لكن فعلا جميييييييييييييييييل

[خالد ابو قاسم]

مشكور اخوي خالد والاخت رحاب على مروركم والله لا يخلينا منكم

[ياسر العتيق]

صح اللسان شاعرنا

قمة الابداع ولا تتوقف طيب

تقبل مروري

ياسر العتيق