هل الشعر ياليل دون الهنوفي ؟؟

[بنت القصيد]

السلام عليكم ورحمة الله وبركاته ,,,


ياهلا ويامرحبااا فيكم روااد صرحي
نعم طالما ترعرع قصيدي وتربى هنا في هذا الصرح
فاسمحولي بان انعته بصرحي صرح شعر نت


اشتقت لكم حيل حيل
اشتقت لعذب كلامكم ,, وعطر مروركم على قصيدي ..


اعتذر لكم احبتي ,, اعتذر للاداره الكريمه عن غيابي
بالفعل لظروف خاصه بي

اضع بين ايديكم هذه القصيده من جديدي علها تشفع لي غيابي ,,


,,

ياليل خبّر راقدينك بجوفي = اللي يشيل اهموم ما شالها اطويق
ياليل خبّر عن رديّ الظروفي= وعن نفسي اللي صابها ضيق في ضيق
من سبة اللي ما يحشم الولوفي = الصاحب اللي لجله القلب قد سيق
ياليل علّمهم بلايا حتوفي= الهم يبلعني مثل بلعة الريق
الهم كاسيني وكاسي حروفي = شفني اقول الحرف من غير تدقيق
حرفي غدا عندى من اثمن سيوفي=ايرد لي شمسٍ تنير المشاريق
الحب شمسٍ لاشرقت ما تروفي= في زود ضيّ الشمس زود المواثيق
ميثاق حبٍ للكثير امعروفي= كله وله ود ومعزّه وتشويق
برضى انا لو عدّني كالضّيوفي = اللي تسيّر دايم الدوم واتويق
ضيفٍ يقدّر دون دفع الألوفي = يحشمني ابقدر البشر والمخاليق
ياليل جتك السالفه بالظروفي = في ظرف ميّزه الغثى والتعاويق
بختم به ابدمعي وجرحي واوفي = علّه يصير ابقلبه اليوم ترقيق
ياليل وقف لو يطول الوقوفي = با سمّعك هرجي وابي منك تعليق
عدّي بيوتي كلّها دون شوفي = وسجّل على هاذي قضيّه وتحقيق
بدّلت انا موضوع حبي وخوفي= بكتب قضية هاجسي بالشواهيق
في منتدى ما جيتله في صدوفي= جيته بدعوة قرم طلق المطاليق
اللي دعاني دون خوف الحسوفي = واثق فشعري منجذب للطواريق
لاكن قبل لبدا وتسمع عزوفي= هل الشعر حكر الرجال المشافيق؟؟
امّا شفوق لشوف حصه ونوفي= ولا شفوق لطير حاز التعاليق
هل الشعر ياليل دون الهنوفي= دون النسا دايم بشعر النسا بيق
ادري بان بعضه ردي وامعيوفي= مابه جزالة حرف ماغير تلفيق
حتى الرجال اللي بجاله تحوفي= ما همّها الا سمع زود التصافيق
ما همّها تكتب على شان توفي = ماهتمت الا في دعايه وتسويق
يعني تساوو بالردى فالصفوفي= واللي تميّز ينقرى له بتفريق
لو كنت بسرق كان شعري سروفي= ماكان طرسي خاف شطبن وتشقيق
او كان اسمي بالصحف دون خوفي= او كنت بمدح ناس تحتاج تلويق
ياليل قلت الهرج رمي ٍ ولوفي = اقبله من خافق به اسنين تمزيق
واليوم شعري تطبخه نار جوفي = نارن شعلها دون حب ٍ وعشيق
نارن شعلها قول جزل الحروفي= حبّ الشعر مبطي بوسط المعاليق

وسلامتكم .....

[أعماق الشمري]

صج شعرك وصح قصيدك وصح فكرك وصح لسانك

[ناهس بن ناحل]

ياليل وقف لو يطول الوقوفي = با سمّعك هرجي وابي منك تعليق
عدّي بيوتي كلّها دون شوفي = وسجّل على هاذي قضيّه وتحقيق
بدّلت انا موضوع حبي وخوفي= بكتب قضية هاجسي بالشواهيق

بنت القصيد

صح لسانك

قصيده في قمة الروعه والجزاله

اول مره اتشرف بتصفح قصائدك عبر هذه الدره الثمينه

التي سوف تجبرني على تصفح جميع قصائدك التي يبدو

انها امتداد لجذور شعريه عريقه والله اعلم

دمتي مبدعه كما انتي هنا وتقبلي تحياتي

[جاسم المطيري]

الرائعه دوما"



لاتأتي الا برااائع




عزيزتي واختي ... بنت القصيد







لقد سمعتي رايي مسبقا"




فلا اريد



ان اكرر .... مدى اعجابي







دخلت هنا فقط




لأرحب بك بعد غيابك





واتمنى ان لايتكرر ... مثلما لم اكرر ردي




دمتي متألقه



ودمتي ذخر لنا








نتوق لما تكتبين دائما






خالص الود


المحب // الديحاني

[خالد المري]

بنت القصيـد

صح لسانكـ .. واعتلا شانكـ
وبيض الله وجهكـ على هذه الرائعهـ
قصيدهـ وافيهـ من شاعره وافيـهـ
تقبلي مروري مع اعذب التحايا ؛؛

[علي بن مساعد الغامدي]

بنت القصيد أول مرة أقرأ لك وأعدك ألا تكون أخر مرة فعبق الشعر الأصيل يفوح من رائعتك اللتي قدمتي لا أجامل الحقيقة أنت متمكنة

برغم صعوبة القافية إلا أنك طوعتيها بشكل جميل ولي ملحوظة إذا أذنتي لي ليست نقد فأنا أصغر من أن أنتقد قصيدة من هذا العيار الثقيل لكن في الشطر التالي

مابه جزاله ماغير تلفيق

أجزم أنها غلطة في الطباعة جعلت البيت يبدو مكسورا أحببت أن أنوه حتى لا تظلم رائعتك وقد خمنت الناقص وقرات القصيدة كما تريديني وأن كان لديك تفسير آخر فلي عودة
وسأكون حريصا عل متابعة جديدك فلا تطيل الانتظار

[وصل الله حمود الوقداني]

	الـشـعــر يـالـيــل دون الـهـنـوفـي دون النـسـا دايــم بشـعـر الـنـسـا بـيــق ادري بــــان بـعـضــه ردي وامـعـيـوفـي مــابـــه جـــزالـــه مــاغــيــر تـلـفــيــق بنت القصيد اهلا بك مجددا وشكرا على القصيدة الرائعة وياهلا

[راكان التميمي]

قصيدة رائعة جداً
صح لسانك عليها

[بنت القصيد]

المشاركة الأصلية كتبت بواسطة أعماق الشمري

صج شعرك وصح قصيدك وصح فكرك وصح لسانك

حيااك الله اخوي
اررررحب

صح الله بدنك
ولا هنت على طيب تواجدك ..

تحياتي
اختك القاسميه ....

[بنت القصيد]

المشاركة الأصلية كتبت بواسطة ناهس بن ناحل

ياليل وقف لو يطول الوقوفي = با سمّعك هرجي وابي منك تعليق
عدّي بيوتي كلّها دون شوفي = وسجّل على هاذي قضيّه وتحقيق
بدّلت انا موضوع حبي وخوفي= بكتب قضية هاجسي بالشواهيق

بنت القصيد

صح لسانك

قصيده في قمة الروعه والجزاله

اول مره اتشرف بتصفح قصائدك عبر هذه الدره الثمينه

التي سوف تجبرني على تصفح جميع قصائدك التي يبدو

انها امتداد لجذور شعريه عريقه والله اعلم

دمتي مبدعه كما انتي هنا وتقبلي تحياتي

حياك الله اخوي
مرورك الاروع
لا هنت على طيب منطووقك ونقاء حرفك

متابعتك لي مدعاة فخر والله .. وانا كلي حرص على ان يتابعني
نشامى مثلك وشروااك ..
لا خلا ولا عدم من هالتواجد العطر ..

يعطيك الف عافيه
تحياتي
اختك بنت القصيد .....