|..اوآه ياحب انغصَب لمّ الأنجاس..|

[أريج الرياض]

السلام عليكم ورحمة الله وبركاته

صبآحكم/مسآكم شعر

ماعاد باقي بالبشر ذرة احساس=راحت مفاهيم المحبه عشا طير
الناس ماعادت كما سالف الناس=والخير يصبح بس ماهو على خير
يامن يعلمني على سكة انعاس=وارتاح من حزنٍ بدر منْه تقصير
من ينتشلني من محطات الإفلاس=قفر السهر ياللي تحوز المشاوير
قلبي يسج يدور لهمه اوناس=والليل مايرحم..ولافيه تقدير
وحشة ظلام ..ورجفة ايدين ..وانفاس=كن المسا مندوب ..سود المقادير
لجةْ همومه بالحشا...لجة اجراس=منها الضلوع شوي من صدري تطير
حملٍ يجنبني ..وحملٍ على الراس=مدري سواة الياس..ولاتدابير
دمعي قلم وخدود الأيام كراس=شقّت على وجه الزمان التعابير
عادي صغيره ..لاكن الوقْت له باس=احيان تلقى الشيب ..في قبلة صغير
دنيا ولو يصفى بها طيب مجلاس=ياتيك من عقب الصفا..وجه تكدير
باب الفرح موصود..بجيوش حرّاس=ولا الحزن..لو صحت به..قال لك خير!
ماجور ياقلبٍ غدى شربة الكاس=ماكنّ باقي للسعاده مسايير
غصن الغلا..مهجور في غمرة ايباس=مايل ولا مال الوفا..عسعس الضير
اوّاه ياحبّ..انغصب..لمّ الأنجاس=الله يردّك..للسما والعصافير
اتعود مثْل اوّل..للأرواح نبراس=فوق الحدود..وفوق كل المعايير
ان حبّ قلب..ايهزّ عرش التلبّاس=وان مات حبّ..يطيح عزم المغاوير
أكبر فخر في قولة انسان حساس=بيض المشاعر..تحتويها التباشير
ان ماسهرنا شوق..ودموعنا الماس=ولا بلاش امن العنا..والتسارير
ان عاد مجد الحبّ..عشنا بلا قياس=وان راح..رحنا والبقا للمعاذير
اما تصير الناس..في خانة الناس=ولا..هلا..بالموت..لو كان تعزير

سآلمين..،

[ظـمـا]

اريج الرياض -



صح لسانك ابد الدهر
رونقك الخاص في جذب الانتباه وتتالي الابيات اعجبني
وعبق الأريج امتلكني واسرني




لقلبك ورده

[محمد عبدالله الشمراني]

طال مكوثي في هذا المتصفح .. الزآخر بالجمال رغم الألم ..

ولكن دائماً .. يولد الأبداع من رحم الألم .. !

,

المتألقه .. أريج الرياض

صح الله لسانك ألى ما لا نهايه ..

/

وحشة ظلام ..ورجفة ايدين ..وانفـاس
كن المسا منـدوب ..سـود المقاديـر

لجةْ همومـه بالحشا...لجـة اجـراس
منها الضلوع شوي من صدري تطيـر


لله درّك يا أريج أبياتك تشهد بالابداع قبل أن اشهد .. !

كلها ابداع .. لكن الخاتمه .. " أبداع آخر ..

اما تصير الناس..فـي خانـة النـاس
ولا..هلا..بالموت..لـو كـان تعزيـر

تقبلي مروري فحسب ..

.

[عبدالرحمن الحميدي]

هو نفسه هدوء الموسيقى اللي أسمعه دايم يوم اقرا لك تجتمع
فيه أفكاري.
الله يسعدك
دنيا ودين
ويحميكِ من عيون الناس.
الاوله والا بلا منه ثاني الثانيه قلبي لاه مو صحيب.
كفوا والله
هنا الدليل بقصيدتك.
اما تصير الناس..فـي خانـة النـاس
ولا..هلا..بالموت..لـو كـان تعزيـر.
الشطر الاول مايكتبه اي شاعر او شاعره
ماشاء الله والثاني شجاعه وايمان.

دنيا ولو يصفى بهـا طيـب مجـلاس
ياتيك من عقـب الصفا..وجـه تكديـر

والله مدري وش اختار كلها إبداع
الله يوفقك.
عبدالرحمن الحميدي

[منصور عزاره]

الناس ماعـادت كمـا سالـف النـاس
والخير يصبح بس ماهو علـى خيـر
الله الله عليج

اختي الكريمه اريج الرياض

يسعد صباحات الشعر ..

اسرفتي في حزنك الى حد كبير

من ينتشلني مـن محطـات الإفـلاس
قفر السهـر ياللـي تحـوز المشاويـر

هنا شطحه فكريه بمعنى الاحساس !!

لك اعذب الود من كلمات قلبي
اخوك
منصور

[نايل السهو]

صحت الروح

نص جميل كتب بإحساس صادق جدا

مبدعه يا اريج



دمتي بود

[وزر النوايا]

بسم الله الرحمن الرحيم



أريج

بحق تستحقين حرارة التصفيق



صح لسانك ...



مليون ...



شكرًا لهكذا شعر

[جائز المليحان]

أريج الرياض

للـــــــــه دركي يا أختاه

كل بيت له رونقه الخاص
ولغة الابداع مترجمه معكي منذ وصولكي

لله دركي وحرسك الباري من العين والحسد

وصح بوحكي ما حييتي

اخوك ابو احمد

[فهد خلف الشمري]

الشاعر / اريج الرياض .. مُتعبه حيل .. مُتعبه .. من البارح .. ولاني لاقي مايوفيها حقها من الحروف .. 28 حرف .. وكانها حرف واحد .. يصعب تعبير الإعجاب بحرفك .. في مجرد حرف واحد .. صح السانك .. ونبض قلبك مليون ولا يسدون .. اقبلي مروري .. دُمتِ

[مملكة إحساس]

..
..

الشآعره: أريج الريآض...
مرحبآ ..بالشعر ملييوون ..

وحشة ظلام ..ورجفة ايدين ..وانفـاس
كن المسا منـدوب ..سـود المقاديـر
..
..
كن المسآ مندوب سسووود المقآدير!!
وصف شاااعري ..لآبعد مدى
..
..
دنيا ولو يصفى بهـا طيـب مجـلاس
ياتيك من عقـب الصفا..وجـه تكديـر
نص زآآخر غاليتي ..
..وليس بجديد..على شاعريتك ..
لله درك وصح لسسانك ولاتحرمينآ ..الجديد ..
..
..