غـديـنـا بها اغراب

[فارس العايد]

الله يسعد صباحكم ومساكم في كل خير بعد طول غياب
حبيت اعطيكم وليدة هاذه اللحضه


الله مـن دنـيا غـديـنـا بها اغراب
متوسده كل شخص طيب وحبوب
دنياي هاذي بس ترا ماء وتراب
الآدمي من طين لآينفض الثوب
نعيش فيها طين وحباب وقراب
آيام معدودات ونروح هالصوب
ليه اتكبر والله اكبر وذا كتاب
يقول كـل شي مـقـدر ومكتوب
طرد الهوا كانك تبي طرده وحاب
نصيحة مني عن مطارده توب
ويابنت انا شايب ونا توني شاب
لاتسحبك موضه على شاشة اتيوب
الغرب جاب النت والنت سحاب
عالم خيالي واقعه كله اعيوب
وجانا بعد ابلاك بيري ووتساب
هدفهم انه الحياء اييصير مسلوب
وطلع لنا الايمو وطلع قبله الرآب
والبنت قصت شعرها والبست ثوب
وشاب معد انميزه بنت او شاب
ماباقي الا بعد طيحني الروب
قبل انتجمع في دواوين الأصحاب
واليوم جمعتنا مع فيس وقروب
ترجعلي الذكرى على ابعاد وقراب
يوم اتذكر كم طيب ومحبوب
يجف حبر ماهدف بيد كتاب
ويدوم نبض الي قرى شي مكتوب
وسلامتكم وعذروني من القصور بقلمي فارس العايد

[عبدالله بن سعود العنزي]

وشاب معد انميزه بنت او شاب
ماباقي الا بعد طيحني الروب

يادافع البلا

اكيد الغيره على المجتمع والمسئوليه بالمحافظه على العادات والتقاليد
كانت الدافع لكتابة نص نقد اجتماعي
صح لسانك يافارس ولكن القصيده تحتاج مفردات شاعريه بالاضافه الى الوزن

دمت بخير

[فارس العايد]

المشاركة الأصلية كتبت بواسطة عبدالله بن سعود العنزي

وشاب معد انميزه بنت او شاب
ماباقي الا بعد طيحني الروب

يادافع البلا

اكيد الغيره على المجتمع والمسئوليه بالمحافظه على العادات والتقاليد
كانت الدافع لكتابة نص نقد اجتماعي
صح لسانك يافارس ولكن القصيده تحتاج مفردات شاعريه بالاضافه الى الوزن

دمت بخير

حياك الله ابو سعود وشرفت طال عمرك محلك بنسبه للقصيده مايهني وزنها لاني كتبتها قبل ساعه او تزود عن اساعه
انا مو شاعر وتوني خيال جديد بساحة الشعر الي يهمني اكثر من انها قصيده او نص انها تصل ونا اخوك للقلب مثلك وشرواك
تقبل تحياتي وتقديري

[سعيد الكناني]

فارس العايد
يقول المثل:من طوّل الغيبات جاب الغنايم
وانت كفيييت ووفيييت وجبت غنيمه مابعدها غنيمه
نص إجتماعي جميل جداً جداً فيما تضمنه وهذا لا يستغرب
من إنسان اصيل وعريق النسب بيض الله وجهك وجمل حالك وطيّب فالك
صح الله لسانك وأعلا شانك وسلم بنانك وعلى طاعته سددك واعانك
تقبل جل إعجابي وودي قبل إبداء ردي
مع فائق التحية
والتقدير
.
.
.
.
.
لا اضيف على كلام اخي الاكبر /ابوسعود
شيء إلا بأن تتريّث في كتابة القصيده الشعريه
وتنظر لها من جميع النواحي حتى تظهر بشكل متميز راقي
حاول ان تعيد النظر مره ومرتين وستدارك ما يضعف قوّة هذا النص الشامخ

[فارس العايد]

المشاركة الأصلية كتبت بواسطة سعيد الكناني

فارس العايد
يقول المثل:من طوّل الغيبات جاب الغنايم
وانت كفيييت ووفيييت وجبت غنيمه مابعدها غنيمه
نص إجتماعي جميل جداً جداً فيما تضمنه وهذا لا يستغرب
من إنسان اصيل وعريق النسب بيض الله وجهك وجمل حالك وطيّب فالك
صح الله لسانك وأعلا شانك وسلم بنانك وعلى طاعته سددك واعانك
تقبل جل إعجابي وودي قبل إبداء ردي
مع فائق التحية
والتقدير
.
.
.
.
.
لا اضيف على كلام اخي الاكبر /ابوسعود
شيء إلا بأن تتريّث في كتابة القصيده الشعريه
وتنظر لها من جميع النواحي حتى تظهر بشكل متميز راقي
حاول ان تعيد النظر مره ومرتين وستدارك ما يضعف قوّة هذا النص الشامخ

سلمت وسلم عمرك سعيد الكناني ومنور محلك وانت وبو سعود مثل العين الي ماتعلا عن الحاجب وانا اكتفي في ردك الشامخ
ليس بغريب على سعيد الكناني هاذا الكلام الطيب سلمت ودمت انت ومن يعز عليك يالغالي الله يطولي في عمرك
ونا وعوذ بالله من كلمت انا عندي الفائده الحقيقيه مروركم ليس هاذا النص تقبل تقديري واحترامي ونا اخوك

[عيد السلمي]

بيض الله وجهك
وصح لسااانك مليووووون
قصيده مميزه ... وشااعريه مميزه
وموضوعك مميز .......
تحياااتي لك

[فارس العايد]

المشاركة الأصلية كتبت بواسطة عيد السلمي

بيض الله وجهك
وصح لسااانك مليووووون
قصيده مميزه ... وشااعريه مميزه
وموضوعك مميز .......
تحياااتي لك

صح بدنك وحياك الله اخوي الغالي عيد السلمي شهاده اعتز بها من اخو اعز